வியாழன், 21 பிப்ரவரி, 2013

நாம் ஒரு சிறந்த வியாபார செய்தி தொடர்பாளராக வளர்வதற்கான உதவிகுறிப்புகள்


வியாபார உலகில் செய்தி தொடர்பு என்பது மிகமுக்கியமான கலையாகும் அதாவது பணிபுரியும் ஊழியர்களுக்கும் வாடிக்கையாளர்களுக்கும் பொதுமக்களுக்கும் அவர்கள் நன்கு புரிந்துகொள்ளும் வண்ணம் நம்முடைய தொழிலை பற்றிய செய்தியை விளக்கி கூறுவதே ஒரு சிறந்த வியாபார செய்தி தொடர்பு கலையாகும் அதனால் நாம் ஒரு சிறந்த வியாபார செய்தி தொடர்பாளராக வளர்வதற்காக பின்வரும் உதவிகுறிப்புகளை பின்பற்றிடுக

1 நம்மில் பெரும்பாலானோர் மற்றவர்கள் கூறவிரும்பும் செய்தியை நன்றாக கவனித்து கொண்டுள்ளதாக தவறாக முடிவுசெய்து கொண்டு நம்முன் இருப்பவர் என்ன கூறவருகின்றார் என காதுகொடுத்து கேட்கதவறிவிடுகின்றோம் அதனால் அடுத்து இன்ன செய்திதான் அவர் கூறப்போகினறார் என தவறான யூகத்தில் பேச்சாளர் அவருடைய உரையை முடிப்பதற்குமுன்பு நாம் தவறாக கணித்ததை முந்திரி கொட்டை போன்று இடைமறித்து பேசுவதால் எதிரில் பேசுபவர் என்ன செய்தியை கூறவந்தார் என நாம் சரியாக தெரிந்துகொள்ளாமல் கவனத்தை சிதறவிட்டுவிடுகின்றோம் எனவே மற்றவர்கள் கூறும் செய்தியை முதலில் கவணமாகவும் முழுமையாகவும் கேட்கவும் அதன்பின் நம்முடைய யூகத்தை முடிவுசெய்யலாம்

2 நம் எதிரில் உள்ள பேசுபவர் கூறும் செய்தியுடன் அவருடைய உடலசைவுகளையும் கூர்ந்து கவணிக்கவும் அதன்மூலம் அவர் என்னசெய்தியை கூறவருகின்றார் என மிகச்சரியாக அறிந்துகொள்ளமுடியும்

3 செய்திதொடர்பானது தொலைபேசி ,கடிதம், மின்னஞ்சல், கைபேசியில் குறுஞ்செய்தி , சமூக ஊடகங்கள் என பல்வேறுவகைகளில் நம்முடைய செய்தியை மற்றவர்களுக்கு அனுப்பி வைக்கலாம் ஆனால் பெறுபவர் எந்தவகையில் இந்த செய்தியை பெறவிரும்புகின்றார் என தெரிந்து கொண்டபின் அந்த வகையில் நாம் கூறவிரும்பும் செய்தியை பெறுபவருக்கு அனுப்பி வைத்திடுக

4 நேரடி தகவல் தொடர்பு எனில் கேட்பவர் அல்லது பெறுபவரின் முகபாவணையை வைத்து அதற்கேற்ப உடனடியாக நம்முடைய தகவல்தொடர்பின் தொனியை மாற்றிகொள்ளமுடியும் ஆனால் மின்னஞ்சல் மூலமாகவும் சமூக ஊடகங்களின் மூலமாகவும் தொடர்புகொள்ளும்போது நம்முடைய தகவல் தொடர்பின் தொனியை தீர்மானிப்பது சிறிது கடினமாக செயலாக இருக்கும் அதனால் நாம் கூறும் தகவலை கேட்பவர் அல்லது பெறுபவர் எவ்வாறு விரும்புகின்றார் என சரியாக கணித்து அதற்கேற்ப நம்முடைய செய்தி தொடர்பின் தொனியை தீர்மானித்திடுக

5 நாம் கூறும் செய்தியும் சகஊழியர்களின் பணியோடு தொடர்புடையதாகவும் அவர்கலுடைய பணியை சுலபமானதாக செய்யுமாறும் இருக்குமாறு பார்த்து கொள்க. அதாவது அவர்கள் செய்யும் பணிக்கும் நாம கூறும் தகவலுக்கும் சம்பந்தமில்லாதவாறும் அவர்களுடைய பணியை செய்வதற்காக கடிணமாக இருக்குமாறும் இருந்திடக்கூடாது அதனால் செய்தியை பெறுபவர் நாம் அவ்விடத்தை விட்டு அகன்றபின் நம்முதுகிற்கு பின்னால் நம்மைபற்றி திட்டுமாறு இருக்கவேண்டாம் மின்னஞ்சல்கள், கூட்டங்கள், தொலைபேசி அழைப்புகள் போன்றவை மிகஎளிதாகவும் திறன்மிக்கதாகவும் சகஊழியர்களுடைய பணியோடு தொடர்புடையதாகவும் பணியை சுலபமானதாக செய்யுமாறும் இருக்குமாறு பார்த்து கொள்க.

6 நாம் என்னதான் முழுவதுமாக சரிபார்த்தாலும் நமக்கும் தெரியாமல் நாம் வெளியுடம் செய்தியில் ஏதனும் பிழைகள் எழவாய்ப்புகள் உள்ளன அதனால் நம்முடைய செய்தியை வெளியிடுமுன்பு வேறுயாரையாவது மேலும் ஒருமுறை நம்முடைய செய்தியை சரிபார்த்து பிழையை திருத்திய பின் எழுத்துபிழையும் இலக்கணபிழையும் இல்லாமல் பார்த்து வெளியிடுக

7 மற்றவர்கள் ஆற்றும் பணியை எப்போதும் குறைகூறிகொண்டே இருப்பதைவிட அந்த பணியை எவ்வாறு செய்தால் இன்னும் மேம்பட்டதாக இருக்கும் என்ற உறுதிப்படுத்தம் ஆக்கபூர்வமான ஆலோசனையை கூறுவதாக இருக்கவேண்டும்

8 சகஊழியர் நாம் கூறும் செய்தியை சரியாக புரிந்துகொண்டாரா எனத்தெரிந்துகொள்ள அதே செய்தியை அவர் நம்மிடம் மீண்டும் கூறுமாறு செய்து அதனை நாம் கேள்வியுறும்போது நாம் என்ன புரிந்துகொள்ள விழைந்தோமோ அந்த செய்தியை அவர் தெரிநதுகொண்டார் என உறுதி படுத்தி கொள்க

9 நம்மைபற்றிய நல்ல நம்பிக்கையை சகஊழியர்களுக்கு ஏற்படுவதற்காக முதலில் சகஊழியர்களின் குடும்பத்தாருடைய சுகதுக்கங்களை பற்றிய விவரங்களை மிக அக்கறையுடன் விசாரித்து அறிந்து கொள்ளும்போது மட்டுமே நம்மைபற்றிய நல்ல நம்பிக்கை அவர்களுக்கு ஏற்பட்டு பணிபுரியும் தொழிலை பற்றிய செய்தியை நாம் கூறும்போது அதனை கேட்டு அதனை பின்பற்றிடுவார்

10 எப்போதும் தகவல்தொடர்பை நம்முடைய அனுபவத்தை கொண்டு மேம்படுத்திகொண்டே இருந்தால் மட்டுமே மிகச்சிறந்த தகவல் தொடர்பு திறனானது வளர்ந்து கொணடே இருக்கும் என்பது திண்ணம்

புதன், 20 பிப்ரவரி, 2013

நம்மை பற்றிய நல்ல நம்பிக்கையை மற்றவர்களிடம் எவ்வாறு வளர்த்து கொள்வது?


1.நம்மை சார்ந்திருப்பவர்களின் நீண்டகால, குறுகியகால எதிர் பார்ப்புகளை பூர்த்தி செய்து அவர்களின் தேவையை நிறைவு செய்திடும் பொறுப்பு எப்போதும் நம்மிடம் இருக்குமாறு பார்த்து கொள்க

2. இயற்கையானது நமக்கு இரண்டு கண்கள் உலக நிகழ்வுகளை காணவும் இரண்டு காதுகள் செய்துகளை கேட்கவும் ஒரே ஒரு வாய் சிறிதளவு மட்டும் அதாவது கொஞ்சமாக பேசவும் அனுமதித்துள்ளது அதனை மதித்து அதிகஅளவிற்கு செய்திகளை காதுகளால் கேட்டும் அதிக காட்சிகளை கண்களால் கண்டும் அதன் மூலம் சுற்றுபுறத்தை நம்மிடம் கவணித்தல் செயல் அதிகமாக இருக்குமாறு பார்த்து கொள்க ஆனால் பேசுவதை மட்டும் கொஞ்சமாக வைத்து கொள்க

3.எப்போது உண்மையாக இருக்க பழகு உண்மையாக செயல்படு பொதுவாக மற்றவர்களிடம் நம்மை பற்றிய நல்ல அபிப்பிராயத்தை உருவாக்குவதற்கு மிக நீண்ட நாட்களாகும் ஆனால் நம்மை பற்றிய தவறான எண்ணம் ஒருசிலநொடிகளில் கண்ணாடி பாத்திரம் உடைவதை போன்று உருவாகிவிடும் என்ற செய்தியை மனதில் கொள்க

4.வாக்குறுதியளித்து ஏற்றுகொண்ட செயலை அவ்வாறே முடிப்பதற்காக கூடுதலாக என்ன செலவானாலும் அதனை நிறைவேற்றி முடித்திட முயற்சி செய்க

5.சொல்வதை போன்று செயல்படுக அதாவது நம்முடைய சொல்லும் செயலும் ஒன்று போல் இருந்திடுமாறு பார்த்து கொள்க

6. தவறு ஏதேனு நம்மால் நிகழ்ந்துவிட்டால் அதனை மறைத்திடாமல் உடன் அத்தவற்றிற்கான வருத்தத்தை உரியவருக்கு தெரியபடுத்துக.

7. அவ்வாறே நமக்கு தேவையானபோது உதவிசெய்தவரகளுக்கு உடனுக்குடன் நன்றி தெரிவித்திடுக

புதன், 13 பிப்ரவரி, 2013

எந்தவொரு செயலையும் குழுவாக செய்யும் குழுமனப்பான்மை நமக்கு வரவேண்டும்


ஒரு ஓட்டபந்தய மைதானத்தில் எட்டு சிறுவர்கள் ஓடுவதற்கு தயாராக இருந்தனர்

நடுவரும் * Ready! * Steady! * Bang!!!என க்கூறி பொம்மை துப்பாக்கியால் சுட்டவுடன் அந்த எட்டு சிறார்களும் தங்களுக்கு ஒதுக்கபட்ட ஓடுதளதடத்தில் சிட்டாக பறந்தனர்

சிறிதுதூரம் ஓடியவுடன் அவர்களுள் ஒருசிறுமி ஓடுபாதையில் இருந்த ஏதோவொரு பொருளால் கால்தடுக்கி கீழேவிழந்து அய்யோ அம்மா என வலியால் துடித்து அழ ஆரம்பித்தாள்

மிகுதி எழுவரும் இந்த அழுகுரலை கேட்டவுடன் ஓட்டபந்தய போட்டியில் ஓடுவதை அப்படியே நிறுத்தி மிகவிரைவாக அனைவரும் திரும்பி ஒடிவந்து கூட்டாக கீழேவிழுந்த சிறுமியை அலுங்காமல் குலங்காமல் சேர்ந்து தூக்கி கொண்டு பழையபடி தொடர்ந்து ஓடி தாம் தூக்கிவந்த சிறுமியை வெற்றிக்கோட்டில் கைநீட்டி வைத்துவிட்டு அனைவரும் பின்தங்கி நின்றனர்

உடன் நடுவரும் இந்த செயலை கண்ணுற்று தயங்கி மயங்கி பின்னர் தெளிவுபெற்று அந்த கீழேவிழுந்த சிறுமியே முதலில் வந்ததாக அறிவித்தார்

பார்வையாளர்கள் இதனை கண்ணுற்றதும் அதிக ஆச்சியரியம் அடைந்தனர்

இவர்கள் நமக்கு உணர்த்திய கருத்து யாது என ஆய்ந்தால் எந்தவொரு செயலையும் குழுவாக செய்யும் குழுமனப்பான்மை நமக்கு வரவேண்டும் மனிதாபிமானம் அனைவருக்கும் இருக்கவேண்டும் எந்தவொருவாய்ப்பும் அனைவருக்கும் சமமாக இருக்க வேண்டும் என்பதேயாகும்

செவ்வாய், 12 பிப்ரவரி, 2013

ஊழியர்களின் உற்பத்திதிறனை உயர்த்திடும் வழிமுறைகள்


மேலாளர் ஒருவர் பின்வரும் வழிவகைகளை பின்பற்றி தம்கீழ் பணிபுரியும் ஊழியர்களின் உற்பத்திதிறனை உயர்த்தமுடியும்

1 ஊழியர்கள் அனைவரையும் எப்போதும் எதிர்மறையாக சந்தேக கண்ணோடு பார்ப்பது அதாவது எந்தசெயலையும் அவர்கள் தவறாவே முடிப்பார்கள் அவரவர்களுக்கு ஒதுக்கபட்ட பணியை சரியாக செய்து முடிக்கமாட்டார்கள் என தவறான கண்ணோட்டத்துடன் ஊழியர்களை அனுகுவதால் மிகச்சரியாக தம்முடைய கடமையை செய்யும் பணியாளர்களும் மணமுடைந்து தம்முடைய பணியை செய்யாமல் விட்டுவிடும் நிலை ஏற்படும் அதனை தவிர்க்க தம்கீழ் பணிபுரியம் பணியாளர்கள் அனைவரும் மிகச்சரியாக பணிபுரிவார்கள் என நேர்மறையாக நோக்கி அவர்களின் பணித்திறனை அங்கீகரிப்பது

2 தம்கீழ்பணிபுரியும் பணியாளர்களை நேர்மறையாக அனுகுவதுமட்டுமல்லாமல் அவர்களின் பணியை பணித்திறனை நன்றாக முடித்திருக்கின்றீர்கள் இன்னும் சிறிது முயற்சிசெய்தால் மேலும் சிறப்பாக இருக்கும் என தட்டிகொடுத்து அவர்கள் செய்த பணியை மேலும் சிறப்பாக செய்வதற்காக ஊக்கபடுத்துவது

3 தம்கீழ்பணிபுரியம் பணியாளர்கள் அவரவர்களுக்கு ஒதுக்கபட்ட பணியை அதுதொடர்பான விவரங்களையும் அதனை செய்யும்போது ஏற்படும் தடங்கல்கள் அதனை வெற்றிகொண்ட வழிமுறை முந்தையோர் பெற்ற பணிஅனுபவங்கள் ஆகியவற்றை கவணித்து தத்தமது பணியை சிறப்பாக செய்யவேறுஎன்னவகையான முயற்சி தேவையென தானாகவே கவணித்து அறிந்துகொள்ளும் திறனை வளர்த்திடவேண்டும்

4 எந்தவொரு செயலிலும் பணியாளர்கள்அனைவரையும் பங்கேற்று செயல்படுமாறு ஒரு குழுமனப்பான்மையை உருவாக்கிடவேண்டும் அதாவது ஊர்மக்கள் அனைவரும் கூடி தேரின் வடத்தை பிடி்தது இழுத்தால் மட்டுமே தம்முடைய ஊரின் கோயிலினுடைய தேரை நகர்த்தி செல்ல முடியும் என்ற குழுமனப்பாண்மையை கொண்டுவரவேண்டும்

5 அதுமட்டுமல்லாது தம்கீழ்பணிபுரியும் பணியாளர்கள் அவரவர்களின் பணியை சிறப்பாக முடித்தவுடன் அதனை ஏற்று பாராட்டும் வகையிலும் ஊக்கபடுத்தும் வகையிலும் அவர்களுக்கு அவ்வப்போது தக்கபாராட்டுதல்களையும் தேவைபபட்டால் மிகைஊதியம், பரிசுபொருட்கள், ஊக்கத்தொகை போன்றவற்றை பணியாளர்களுக்கு வழங்க தயங்ககூடாது இதனால் மற்ற ஊழியர்களும் சிறப்பாக பணிபுரிவதற்கான ஊக்கமும் உத்வேகமும் ஏற்படும்

திங்கள், 11 பிப்ரவரி, 2013

மற்றவர்களின் செயலை நம்பாமல் நாமும் அந்த செயலை சரியாக செய்திடாமல் காலத்தையும் இதர வளங்களையும் வீணடித்து வருகின்றோம்


ஆமைகளின் குடும்பம் ஒன்று விடுமுறையின்போது பொழுது போக்காக இனிய சுற்றலா செல்ல விரும்பியது அவ்வாறான சுற்றலாவில் தம் குடும்ப உறுப்பினர்களுக்கு தேவையான சிற்றுண்டி ,உணவுவகைகள் ,தின்பண்டங்கள் ஆகியவைகளை தயார்செய்து பொட்டலங்களாக கட்டி கூடவே எடுத்து சென்றது

சுற்றலா தளத்திற்கு சென்றடைந்தபின் குடும்ப உறுப்பினர்களின் பசியாற உண்பதற்காக கையோடு எடுத்து சென்ற உணவு பொட்டலங்களை பிரிக்கலாம் என முனையும் போதுதான் உப்பு கையோடு எடுத்துவர மறந்து போனது தெரியவந்தது

அடடா உப்பில்லா பண்டம் குப்பையிலே எனும் பழமொழிக்கு ஏற்ப உப்பில்லாமல் தாம் எடுத்து சென்ற உணவுவகைகளை சாப்பிட முடியாது என்பதால் அக்குடும்ப உறுப்பினர்களில் யார் விரைவாக தங்களுடைய வீட்டிற்கு சென்று தாங்கள் அனைவரும் சாப்பிடுவதற்கான உப்பினை எடுத்துவருவது என நீண்டநெடிய கலந்துரையாடளுக்கு பின்னர் ஒரு இளவயது ஆமையை அனுப்புவது என இறுதியாக முடிவிற்கு வந்தன.

அவ்வாறே அவ்விளவயது ஆமையும் தான் திரும்பும்வரை அவ்வுணவு பொட்டலங்களை பிரிக்ககூடாது என்றும் அவ்விளவயது ஆமையானது தங்களுடைய வீட்டிற்கு சென்று உப்பினை எடுத்து திரும்பி வந்த பின்னரே உணவு பொட்டலங்களை பிரிக்க வேண்டும் என்றும் கூறிய நிபந்தனையை உறுபினர்கள் அனைவரும் ஏற்றுக்கொண்ட பின்னரே அவ்விளவயது ஆமை உப்பினை எடுத்துவருவதற்கு ஒத்துகொண்டது

பின்னர் உப்பினை எடுத்துவருவதற்கு தங்களுடைய வீட்டிற்கு அவ்விளவயது ஆமை சென்றது மிகநீண்டநேரம் ஆகியும் உப்பினை எடுத்துகொண்டு அந்த இளம் வயது ஆமை திரும்பிவரக்காணோம்

இதற்கு மேல் பொறுத்திருந்தால் குடும்ப உறுப்பினர்கள் அனைவரின் பசியும் அடங்காது அதனால் உப்பில்லையென்றாலும் பரவாயில்லை பசிக்கு ருசி எதுவும் பார்க்கத்தேவையில்லை கையில் இருப்பதை உண்ணலாம் என முடிவுசெய்து உணவுபொட்டலங்களை பிரிக்க ஆரம்பித்தன

உடன் அருகில் புதர்மறைவில் பதுங்கியிருந்த அந்த இளம் வயது ஆமையானது திடீரென வெளியில் வந்து பார்த்தீர்களா நான் திரும்பி வந்து சேராமலேயே இதுபோன்று உணவுபொட்டலங்களை பிரிப்பீர்கள் என அப்போதே எனக்கு சந்தேகம் அதனால் நீங்கள் என்ன செய்யபோகின்றீர்கள் என அறிந்து கொள்வதற்காக உப்பினை எடுத்துவருவதற்கு வீட்டிற்கு செல்லாமேலேயே இந்த புதருக்குள் மறைந்திருந்து கண்கானித்து வந்தேன் என்னுடைய சந்தேகம் சரியாகத்தான் உள்ளது என அந்த இளம் வயது ஆமையானது அதிக கலாட்டா செய்து ஆர்ப்பாட்டம் செய்தது

ஆம் இவ்வாறே நம்மில் பெரும்பாலோர் மற்றவர்களின் செயலை நம்பாமல் நாமும் அந்த செயலை சரியாக செய்திடாமல் காலத்தையும் இதர வளங்களையும் வீணடித்து வருகின்றோம் முதலில் நாம் சரியாக செய்துமற்றவர்களும் அவ்வாறே செய்யவேண்டும் என எதிர்பார்ப்பதே மிக்சசரியான நடைமுறையாகும் என மேற்கண்ட சிறு கதையிலிருந்து தெரிந்து கொள்ளலாம்

செவ்வாய், 29 ஜனவரி, 2013

போலியான வேலைவாய்ப்பு விளம்பரத்தை கண்டு ஏமாறாதீர்கள்


சரவணன் என்பவர் கடந்தமாதம் மாருதி சுசுகி மோட்டார் என்ற நிறுவனத்தின் வேலைவாய்ப்பு விளம்பரத்தை கண்டு விண்ணப்பித்தார். உடன் அவருக்கு மின்னஞ்சல் ஒன்று வருகின்றது அதில் இவர் விண்ணப்பித்த குறிப்பிட்ட வேலைக்கு தெரிவு செய்யபட்டுள்ளதாகவும் உடன் பாரத ஸ்டேட் வங்கியின் குறிப்பிட்ட கணக்கில் ரூபாய் 20,000/-ஐ உடன் செலுத்தினால் பணியில் சேரலாம் எனவும் குறிப்பிடபட்டிருந்ததை அறிந்து உடன் அங்கிங்கு என அலைந்து கடன்வாங்கி இந்த தொகையை அவருக்கு வந்த மின்னஞ்சலில் குறிப்பிடபட்ட பாரத ஸ்டேட் வங்கியின் கணக்கில் ரூபாய் 20,000/- ஐ செலுத்தி தமக்கு பணிக்கான உத்திரவு வந்துசேரும் என காத்திருந்தார்

ஆனால் இந்த நிறுவனத்தின் விஜிலென்ஸ் பிரிவிலிருந்து போலியான விளம்பரத்திற்கு காப்புத்தொகை செலுத்தியதற்காக ஏன்உங்கள் மீது நடவடிக்கை எடுக்ககூடாது என்ற அறிவிப்பு தான் இவருக்கு கிடைக்கபெற்றது

ஆம் இவ்வாறான போலியான விளம்பரங்களின்மூலம் படித்து வேலைவாய்ப்பிற்காக காத்திருக்கும் இளைஞர்களிடமிருந்து காப்புத்துதொகை என்றும் இதர செலவினத்தொகை என்றும் அபகரிக்கும் போக்கு இன்று அதிகரித்துள்ளது மிகவருத்தத்திற்குரிய நிலையாகும்

மேலும் சமீபத்தில் பார்மா ரேன்பேக்ஸி லேபோரேட்டரிஸ் என்ற நிறுவனம் ஆனது தங்களுடைய நிறுவனம் ஆட்களை பணிக்கு அமர்த்துவதற்காக காப்புத்தொகை, நடைமுறை செலவிற்கான கட்டணம் அல்லது இதர கட்டணம் என எதுவும் தங்களுடைய நிறுவனத்திற்கான பணியாட்களை தேர்வுசெய்யும்போது வசூலிப்பது இல்லை எனவிளம்பரம் செய்கின்றது . பொதுமக்கள் அதுவும் மேற்படிப்புகள், தொழில்சார்ந்த படிப்புகளை படித்தபின் வேலைவாய்ப்பிற்காக காத்திருப்போர் கண்டிப்பாக மேலே முதல் பத்தியில் கூறியவாறான போலியான விளம்பரங்களையோ வாக்குறுதிகளையோ குறிப்பிட்ட நிறுவனத்தின் லோகோவை கொண்டு ஏமாற்றபடுவதிலிருந்து எச்சரிக்கையாக இருக்குமாறு கேட்டுகொள்ளபடுகிறார்கள்

ஞாயிறு, 20 ஜனவரி, 2013

உழைப்பின் அருமை


உழைப்பால் உயர்ந்த மிகப்பெரிய வியாபாரி ஒருவரும் அதற்கு மறுதலையாக மிகவும் சோம்பேறியான அவருடைய மகனும் இருந்தனர்

உழைப்பின் வலிமையையும் அதன் அருமையையும் தன்மகனுக்கு புரிந்துகொள்ளவும் அதன்படி தன்னுடைய மகன் நடந்துகொள்ளவும் செய்திட விரும்பினார்

அதனால் தன் மகனை அழைத்து அன்று ஏதாவது வேலையை செய்து அதன்மூலம் பொருள் ஈட்டி வந்தால் மட்டுமே அவனுக்கு அன்றைய உணவு வழங்கபடும் என திட்டவட்டமாக கூறி தன்னுடைய வியாபார பணியை பார்ப்பதற்கு சென்றுவிட்டார் சோம்பேறி மகன் எவ்வாறு உடல் உழைப்பில்லாமல் பொருள்ஈட்டுவது என வழிஎதுவும் தெரியாமல் அழுதுகொண்டிருந்தான் இதனை கண்ணுற்ற அவனுடைய தாயானாவள் பெண்ணல்லவா அதனால் தான் பெற்றெடுத்த மகன் கண்ணீர்விட்டு அழுவது பொறுக்கமுடியாமல் தன்னிடம் இருந்த தங்க காசு ஒன்றினை கொடுத்து அன்றைய பொழுது அவனாக உழைத்து அந்த தங்க காசினை சம்பாதித்ததாக அவனுடைய அப்பாவிடம் காண்பிக்குமாறு அறிவுரை கூறனாள்

அன்றைய இரவு அந்த சோம்பேறி மகனும் அந்த தங்க காசினை தான் உழைத்து சம்பாதித்ததாக தன்னுடைய தந்தையிடம் காண்பித்தான் நல்லது மகனே இந்த தங்ககாசினை நம்முடைய வீட்டில் உள்ள கிணற்றில் வீசி எறிந்துவிட்டுவா நம்முடைய இரவு உணவை அருந்த செல்லலாம் என அந்த தந்தை கூறியவுடன் சோம்பேறி மகன் உடன் தயக்கம் ஏதுமில்லாமல் அந்த தங்ககாசினை கிணற்றுக்குள் வீசிஎறிந்தபின் தன்னுடைய தந்தையுடன் இரவு உணவு அருந்த சென்றான் உடன் தந்தையானவர் அவருடைய மனைவியை அவர்களின் தாய்வீட்டிற்கு ஓரிருநாட்கள் சென்றிருந்துவிட்டுவருமாறு பணித்தார்

மறுநாள் அதேபோன்று தன் மகனை அழைத்து அன்று ஏதாவது வேலையை செய்து அதன்மூலம் பொருள் ஈட்டி வந்தால் மட்டுமே அவனுக்கு அன்றைய உணவு வழங்கபடும் என திட்டவட்டமாக கூறி தன்னுடைய வியாபார பணியை பார்ப்பதற்கு சென்றுவிட்டார்

சோம்பேறி மகன் எவ்வாறு உடல் உழைப்பில்லாமல் பொருள்ஈட்டுவது என வழிதெரியாமல் அழுதுகொண்டிருந்தான் இதனை கண்ணுற்ற அவனுடைய சகோதரியானாவள் பெண்ணல்லவா அதனால் தன்னுடைய சகோதரன் கண்ணீர்விட்டு அழுவது பொறுக்கமுடியாமல் தன்னிடம் இருந்த தான் சேமித்து வைத்திருந்த பணத்தில் ஒரு நூறுரூபாய் தாள் ஒன்றினை கொடுத்து அவனுடைய அப்பாவிடம் அன்றைய பொழுது அவனாக உழைத்து அந்த நூறுரூபாயை அவன் சம்பாதித்ததாக காண்பிக்குமாறு அறிவுரை கூறனாள்

அன்றைய இரவு அந்த சோம்பேறி மகனும் அந்த நூறுரூபாயை தான் உழைத்து சம்பாதித்ததாக தன்னுடைய தந்தையிடம் காண்பித்தான் நல்லது மகனே இந்த நூறுரூபாயை நம்முடைய வீட்டில் உள்ள கிணற்றில் வீசி எறிந்துவிட்டுவா நம்முடைய இரவு உணவை அருந்த செல்லலாம் எனஅந்த தந்தை கூறியவுடன் சோம்பேறி மகன் உடன் அந்த நூறுரூபாயை கிணற்றுக்குள் வீசிஎறிந்தபின் தன்னுடைய தந்தையுடன் இரவு உணவு அருந்த சென்றான் உடன் தந்தையானவர் அவருடைய மகளை அழைத்து அவர்களின் உறவினர் வீட்டிற்கு ஓரிருநாட்கள் சென்றிருந்துவிட்டுவருமாறு பணித்தார்

மூன்றாம்நாள் அதேபோன்று தன் மகனை அழைத்து அன்று ஏதாவது வேலையை செய்து அதன்மூலம் பொருள் ஈட்டி வந்தால் மட்டுமே அவனுக்கு அன்றைய உணவு வழங்கபடும் என திட்டவட்டமாக கூறி தன்னுடைய வியாபார பணியை பார்ப்பதற்கு சென்றுவிட்டார்

சோம்பேறி மகன் எவ்வாறு உடல் உழைப்பில்லாமல் பொருள்ஈட்டுவது என வழிதெரியாமல் அழுதுகொண்டிருந்தான் அவனுக்கு உதவுவதற்காக இருந்த அவனுடைய தாயும் சகோதரியும் உடன் இல்லாத்தால் வேறு வழிஇல்லாமல் கடைத்தெருவிற்கு சென்ற அன்று அவன் செய்வதற்கு தகுந்த வேலை ஏதாவது கிடைக்குமா என தேடினான்

அங்கு ஒரு சிறுவியாபாரி மொத்தவியாபார கடையில் தான் வாங்கிய பொருட்களை மூட்டையாக கட்டிவைத்துவிட்டு யாராவது அதனை தூக்கி செல்வதற்கு கூலிஆட்கள் கிடைப்பார்களா என தேடியபோது இந்த சோம்பேறி மகன் அந்த பணியை தான் செய்வதாகவும் அதற்காக ஐம்பது ரூபாய் மட்டும் அவனுக்கு கொடுத்தால் போதுமென கூற அவரும் சம்மதித்து அந்த மூட்டைய அவனுடைய தோளில் தூக்கிகொண்டு அவரை பின்பற்றி சென்றான்

இந்த சுமையை தூக்கிகொண்டு நடக்கும் போது இதுவரையில் சுகபோக இருந்தவனாதலால் அவனுடைய உடல்முழுவதும் அதிக வலி ஏற்பட்டது மிக களைப்பாக இருந்தது ஒருவழியாக அதனை அவர் கூறிய இடம் வரை எடுத்து சென்று சுமையை இறக்கி வைத்ததும் அவர் அவனுக்கு ரூபாய் ஐம்பதை கொடுத்தார்

அன்றைய இரவு அந்த சோம்பேறி மகனும் அந்த ஐம்பது ரூபாய் தாளை தான் உழைத்து சம்பாதித்ததாக தன்னுடைய தந்தையிடம் காண்பித்தான் நல்லது மகனே இந்த ஐம்பது ரூபாய் தாளை நம்முடைய வீட்டில் உள்ள கிணற்றில் வீசி எறிந்துவிட்டுவா நம்முடைய இரவு உணவை அருந்த செல்லலாம் எனஅந்த தந்தை கூறியபின் அந்த சோம்பேறி மகன் அதுஎப்படியப்பா நான் உடல் வலியோடு மிக கஷ்டபட்டு மூட்டையை தூக்கிசென்று சம்பாதித்த பணத்தை நம்முடைய வீட்டு கிணற்றில் வீசிஎறியமுடியும் என மறுத்தான்

ஆம் மகனே நேற்றும் அதற்கு முந்தையநாளும் நீவருந்தி உழைக்காமல் உன்னுடைய கைக்கு கிடைத்த பணம் என்பதால் நான்கூறியவுடன் எந்த மறுப்பும் கூறாமல் நம்முடைய கிணற்றில் அவைகளை வீசிஎறிந்தாய் ஆனால் இன்று உன்னுடைய உடல் உழைப்பின் மூலம் ஈட்டிய பணத்தினை வீசிஎறிய தயங்குகின்றாய் உழைப்பின் அருமையும் பணத்தின் அருமையும் இன்றுதான உனக்கு தெரிந்தது அதனால் நாளைமுதல் நம்முடைய வியாபார நிறுவனத்திற்கு வந்து அதனை எவ்வாறு நிருவகிப்பது என என்மூலம் அறிந்துகொள் என அறிவுரைகூறியபின் அன்றைய இரவு தன்னுடைய தந்தையுடன் உணவு அருந்த சென்றான்

பணிக்கான நேர்காணல் - நல்ல பழக்கங்களின் முக்கியத்துவம்

 இளைஞன் ஒருவர் தனது பணிக்கான முதல் நேர்காணலுக்காக ஒரு அலுவலகத்திற்கு சென்றார். அந்த இளைஞர் தனது பெற்றோருடன் வசித்து வந்தார். இவர் தனது வீட்ட...