திங்கள், 16 நவம்பர், 2015

நாம் அனைவரும் மற்றவர்களின் உண்மையான நிலையை அறிந்துகொள்ளாமல் அவர்களுக்கு மனதளவில் துன்பம் கொடுப்பதில் வல்லவர்களாக இருக்கின்றோம்


தொடர் வண்டி ஒன்று பெரிய நகரத்திலிருந்து தன்னுடைய பயனத்தை துவங்கியது அதில் ஏராளமான பயனிகள் சிறுவர்கள் முதல் பெரியவர்கள் வரை மிகமுக்கியமாக தத்தமது பணிக்கு சென்று பணிமுடிந்து வீடுதிரும்புவோர்கள் அதிகஅளவு இருந்தனர் இளம் கணவன் மனைவிமார்களும் கல்லூரியில் பயிலும் இளைஞர்களும் அந்த பெட்டியில் கூட்டமாக பயனம் செய்தனர் அந்த பெட்டியில் ஒருவயதான மனிதனும் 30 வயதுடைய இளைஞனும் சாளரத்திற்கு அருகிலுள்ள இருக்கையில் அமர்ந்திருந்தனர் .

அந்த இளைஞன் அங்கே பாருங்கள் அப்பா அனைத்து மரங்களும் செடிகொடிகளும் வேகமாக ஓடிக்கொண்டிருக்கின்றன என்று தன்னுடைய தந்தையிடம் மிகவும் மகிழ்ச்சியோடு சத்தமிட்டு கூறிக்கொண்டிருந்தான் அதனை கண்ணுற்ற அருகிலிருந்தோர் அனைவரும் என்ன இந்த இளைஞன் பித்துபிடித்தவன் போலும் அதனால்தான் கூக்குரலிடுகின்றான் என தங்களுக்குள் முனுமுனுத்தனர் சிறிதுநேரம் கழித்து சாரல்மழை துவங்கியது அதனை கண்ணுற்ற அந்த இளைஞன் மேலும் அதிக மகிழ்ச்சியுடனும் சத்தத்துடனும் அப்பா அப்பா இப்போது பாருங்களேன் என்ன அருமையாக மழை பொழிகின்றது என மகிழ்ச்சி கூச்சிலிட்டான்

இதனை கண்ணுற்ற மற்ற பயனிகள் அந்த பெரியவரிடம் தே பெரிசு உங்களுடைய பித்தாங்குளி பையனை அடக்கிவையுங்கள் இந்த சாளரத்தை முதலில் மூடிவிடுங்கள் எங்களுக்கு எல்லாம் ஒரே தொந்தரவாக இருக்கின்றது வாயை மூடிக்கொண்டு இருக்கசொல்லுங்கள் என சன்டைபிடிக்க ஆரம்பித்தனர்

உடன் பெரியவரும் ஐயாமார்களே அம்மாமார்களே சிறிது மன்னித்துகொள்ளுங்கள் எனக்கூறினார் தொடர்ந்து அந்த இளைஞனுக்கு சிறுவயதிலிருந்து கண்பார்வை இல்லாமல் இருந்துவந்தது கடந்தவாரந்தான் அவர்களுடைய தாய் இறந்தபோது அவருடைய கண்களை அறுவைசிகிச்சை வாயிலாக இந்த இளைஞனுக்கு பொருத்தப்பட்ட பார்வை திரும்பியது தற்போதுதான்முதன்முதல் மருத்துவமனையிலிருந்து தங்களுடைய வீட்டிற்கு திரும்பி வருகின்றோம் எனக்கூறி தங்களுடைய இருக்கையிலிருந்து எழுந்து அடுத்த பெட்டிக்கு தன்னுடைய மகனை அழைத்துசென்றார்

நாம் அனைவரும் மற்றவர்களின் உண்மையான நிலையை அறிந்துகொள்ளாமல் அவர்களுக்கு மனதளவில் துன்பம் கொடுப்பதில் வல்லவர்களாக இருக்கின்றோம் என்பதே எதார்த்தமான உண்மைநிலவரமாகும்.

திங்கள், 9 நவம்பர், 2015

இவ்வுலகில் வாழும் நாம் அனைவரும் சமம்


முன்னொரு காலத்தில் முதிய துறவிஒருவர் பாலைவணத்தில் அமர்ந்து தவம்புரிந்து கொண்டிருந்தார். அந்நிலையில் அவர் சுற்றுசூழலையே மறந்திருப்பார் அதனால் எதுநடந்தாலும் அதில் அவருடைய கவணம் செல்லாது .

அப்போது அந்த நாட்டினுடைய அரசன் அந்த வழியே தன்னுடைய படையுடன் சென்றுகொண்டிருந்தார் . பொதுவாக அரசனை பார்த்தவுடன் நாட்டுமக்கள் அனைவரும் தாம் எந்த பணியை செய்து கொண்டிருந்தாலும் அதனை அப்படியே நிறுத்தம்செய்துவிட்டு எழுந்துநின்று தலைகுனிந்து அரசனுக்கு மரியாதை செய்வது வழக்கமான செயலாகும் .

ஆனால்அவ்வாறு எதுவும் செய்திடாமல் இந்த முதிய துறவி அமர்ந்திருந்ததை கண்ணுற்ற அரசன் தன்னுடைய மந்திரியை அழைத்து "இந்த துறவி ஏன் அவ்வாறு மரியாதை செய்யாமல் அமர்ந்துள்ளார் " என விசாரித்து வருமாறு உத்திரவிட்டார் .உடன் மந்திரியும் அரசன் உத்திர விட்டவாறு அந்ததுறவியிடம் சென்று "நம்முடைய நாட்டு அரசன் இந்த வழியே செல்லும்போது நம்முடையஅரசருக்கு எழுந்துநின்று ஏன் குனிந்து வணங்கவில்லை " என வினவினார்

அந்த துறவியானவர் "ஒருநாட்டின் அரசனுக்கு குடிமக்கள் அனைவரும் அடிமையன்று. அந்நாட்டின் குடிமக்களை சரியாக பாதுகாத்து அவர்களின் குறைநிரைகளை சரிசெய்வதே அரசனுடைய பணியாகும். இவ்வுலகில் அரசனும் சாதாரணகுடிமகனும் சரிசமமானவர்களே எவ்வாறு எனில் இறந்தபின்னர் அனைவரையும் மண்ணில் குழிதோண்டி புதைத்தபின் சிறிதுகாலம் கழித்து தோண்டிபார்த்தால் அனைவருடைய எலும்புகளும் ஒரேமாதிரியாகத்தான் இருக்கும் அதனால் அரசன் உயிருடன் இருக்கும்வரை அவருக்கு கிடைத்த அரசபதவியை கொண்டு மற்றவர்களுக்கு தொந்திரவு கொடுத்திடாமல்பொதுமக்கள் அனைவருக்கும் நல்லசெயலைசெய்து வாழச்சொல்லுங்கள் !" என அந்த துறவி அறிவுரை கூறினார்.

நாம் எதையும் கொண்டுவரவில்லை அதனால் நாம் எதையும் கொண்டுசெல்லமுடியாது


உலகில் ஏராளமான நாடுகளை வெற்றிகொண்டு தன்னுடைய சொந்த நாட்டிற்கு திரும்பிக்கொண்டிருந்த மாபெரும் பேரரசன் அலெக்ஸான்டர் உடல்நிலைசரியில்லாமல் படுத்தபடுக்கையாகிவிட்டார் தன்னுடைய நாட்டிற்கே திரும்புவோமா என்ற சந்தேகம் அவருக்கு வந்து விட்டது . அந்தளவிற்கு அவருடைய உடல்நிலை மோசமாகவிட்டது

ஒருவழியாக அவருடைய நாட்டிற்கு வந்துசேர்ந்தவுடன் தன்னுடையஅமைச்சரை அருகில் அழைத்து தான் இனிஉயிருடன் இருக்கபோவதில்லை அதனால் தான் இறந்தவுடன் தன்னுடைய இருவிருப்பங்களைமட்டும் செயல்படுத்திடுமாறு வேண்டிக்கொண்டார் அவருடைய அமைச்சரும் அவ்வாறே செய்வதாக வாக்களித்தார்.

"முதல் விருப்பமாக தான் இறந்தபின் தன்னுடைய உடலை சுடுகாடுநோக்கி எடுத்துசென்றிடும் வழிமுடிவுவரை தான் வெற்றிகொண்ட நாடுகளில் இருந்துகொண்டுவந்த அனைத்து பொன் வெள்ளி நாணயங்கள் ஒன்றைகூட கையிருப்பில் வைத்திடாமல் அனைத்தையும் கீழே கொட்டிகாலிசெய்துவிடவேண்டும் ஏனெனில் ஒரு ரூபாய்கூட என்னோடு நான் எடுத்து செல்லமுடியாது"

"இரண்டாவதாக என்னுடைய புதைகுழியில் என்னுடைய கைகளை திறந்துவைத்தவாறு வைத்திடவேண்டும் ஏனெனில் நான் பிறக்கும்போது கைகளில் எதையும் எடுத்துவரவில்லை அவ்வாறே நான் இறந்தபின்னரும எந்தவொருபொருளையும் கைகளில் எடுத்தசெல்லவில்லை என அனைவருக்கும் தெரியவேண்டும் " என்றவாறு அவருடைய விருப்பத்தினை கூறிமுடித்தவுடன் அவருடைய உயிரும் அவருடைய உடலைவிட்டு பிரிந்தது.

நீதி நாம் என்ன சம்பாதித்தாலும் வெற்றிகொண்டாலும் நம்மோடு ஒன்றுகூட கொண்டுசெல்லமுடியாது என்பதே உண்மைநிலையாகும்.

திங்கள், 2 நவம்பர், 2015

எந்தவொரு செயலையும் முழுமனதோடு ஈடுபாட்டுடன் செய்வதே சிறந்தது


ஒரு போக்கிரியும் ஒரு சாமியாரும் ஒரு கிராமத்தில் அருகருகே குடியிருந்தனர். சாமியார் எப்போதும் போக்கிரியை பற்றியே எண்ணிக்கொண்டு மந்திரத்தை உச்சரித்துகொண்டிருப்பார்.

போக்கிரியோ எப்போதும் சாமியாரைபோன்று தான் வாழ முடியவில்லையே என எப்போதும் அந்த சிந்தனையிலேயே இருந்துகொண்டு தன்னுடைய பணியை செய்துவருவது வழக்கமாகும்.

ஒருசமயம் அந்தகிராமத்தில் மிகக்கடுமையான புயல் இடியுடன் கூடிய பெரியஅளவு மழை பொழிந்தது. அதனால் அவ்விருவரும் குடியிருந்த கிராமப் பகுதிமுழுவதும் இரவோடு இரவாக வெள்ளத்தில் அடித்துச் செல்ல ஆரம்பித்தது. அதனால் அவர்கள் இருவரும் அந்த வெள்ளப் பெருக்கால் இறந்துவிட்டனர்

. தொடர்ந்து இருவருடைய உயிர்களும் இறப்பிற்கான கடவுளின் முன் கொண்டுசெல்லப்பட்டது. உடன் அவர் போக்கிரியின் உயிரை சொர்கத்திற்கும் ,சாமியாரின் உயிரை நரகத்திற்கும் செல்லுமாறு தீர்ப்புகூறினார்.

உடன் சாமியாரின் உயிரானது ஐயோ! ஐயய்யோ! இது அநீதி! என வாயிலும் வயிற்றிலும் அடித்துகொண்டது. உடன் இறப்பிற்கான கடவுளானவர் அந்த சாமியாரின் உயிரை அமைதியாக இருக்குமாறு கூறி உண்மை நிலவரம் என்னவென இறப்பிற்கான கடவுளின் கூறஆரம்பித்தார்.

சாமியாரின் வாயானது மந்திரச்சொற்களை கூறினாலும் அவருடைய எண்ணம் முழுவதும் போக்கிரியின் செயலையை நினைத்து கொண்டிருந்தது. அதனால் அவர்முழுஈடுபாட்டுடனும் மந்திரம் கூறவில்லை. ஆனால் போக்கிரியோ எப்போதும் சாமியார் கூறும் மந்திரத்தை காதில் கேட்டு மனதிற்குள் உச்சரித்துகொண்டேயிருப்பார் செயல்மட்டும் இயந்திரத்தனமாக செய்துகொண்டுஇருப்பார். அதனால் அவர் முழுமனதோடு மந்திரத்தை எப்போதும் உச்சரித்து கொண்டேயிருந்ததால் அவருக்கு சொர்க்கமும், சாமியாருக்கு நரகமும் கிடைத்தன என விவரங்களை கூறினார்.

நாம் அனைவரும் நம்முடைய செயல்கள் அனைத்தையும் முழுமனதோடு ஈடுபாட்டுடன் செய்வதே சிறந்ததுஎன இதன்மூலம் அறிந்துகொள்க.

தற்போதைய சமூதாய நிலை


பள்ளிகளில் பயிலும் மாணவர்கள் அனைவரும் நீதி ஒழுக்கம் ஆகியவற்றை பின்பற்றுவதற்காக கண்டிப்பாக வாரம் ஒருநாள் நீதிபோதனை வகுப்பு நடைபெறும். அதில் பல்வேறு நீதிக்கதைகளை கூறி மாணவர்கள் அனைவரும் நல்லொழுக்கங்களை பின்பற்றிடுமாறு அறிவுறுத்தபடுவார்கள்.

அவ்வாறானதொரு நீதிபோதனை வகுப்பில் ஒருமாணவன் தன்னுடைய தகப்பனாரானவர் தன்னிடம் தன்னுடைய தாய் பற்றிய கதையொன்றை கூறியதாக கதைகூறஆரம்பித்தான்.

அவர்களுடைய தாய் கடற்படையில் சிறந்த விமானியாக இருந்தார் ஒருசமயம் அவர் பயனித்த கப்பற்படையின் போர்விமானம் போதுமான எரிபொருள் இல்லாததால் கடற்கரையோர மணலில் சென்று தரையிரங்கியது. அப்போது கைவசம் ஒருபாட்டில் விஸ்கி, கைத்துப்பாக்கி ,கூர்மையான கத்தி ஆகிய மூன்றுமட்டுமே இருந்தன. உடன் அவர் பாட்டில் விஸ்கி முழுவதும் குடித்துமுடித்தார். பின்னர் அருகில் இருந்த கிராமமக்களை தன்னுடைய கைத்துப்பாக்கியிலிருந்த குண்டுகள் முழுவதும் தீரும்வரை சூட்டுவீழ்த்தினார். அதற்கடுத்ததாக தன்னுடைய கையிலிருந்த கூர்மையான கத்தியின் இருமுனையும் மழுங்குமளவிற்கு அருகிலிருந்த கிராமமக்களை வெட்டி வீழ்த்தினார் இறுதியாக பசிமயக்கத்தில் கடற்கரையோரம் சாய்ந்துவிட்டார்

அந்நிலையில் அவர்பணிபுரிந்துவந்த கப்பற்படையின் சகவீரர்கள் உடன் பணிபுரிந்த படைவீரரையும் விமானத்தையும் நீண்டநேரமாகியும் கானோமே என அவரை தேடிபிடித்து அழைத்து சென்று அவருடைய உயிரை காத்தனர். அதனால் உங்களுடைய தாய் விஸ்கி குடித்திருக்கும்போது மட்டும் அவருடைய அருகே செல்லாதே என என்னுடைய தந்தை அடிக்கடி என்னிடம் கூறுவர் என அந்த மாணவன் கூறினான்.

நம்முடைய தமிழ்நாட்டு நிலைகூட அவ்வாறு தான் உள்ளது அனைவருக்கும் சாராயம் மட்டும் எளிதாக கிடைத்திடுகின்றது அதன்மூலம் தமிழ்நாட்டில் வாழும் அனைவரும் தத்தமது சம்பாதிப்பயையும் உடல்நலத்தையும் ஒருங்கே இழப்பதற்கானசூழலும் வளமாக உள்ளன.

ஞாயிறு, 25 அக்டோபர், 2015

இந்திய குடும்ப வாழ்க்கையின் நடைமுறை


இந்திய விமானப்படைத்தளத்திற்குள் விமானம் ஒன்று தவறுதலாக தரையிறங்கிவிட்டது உடன்அந்த தளத்தின் உயர்அதிகாரியிடம் அந்த விமானஓட்டியை அழைத்து சென்றனர்

அவரும் விமானப்படைத்தளத்திற்குள் அத்துமீறி அந்த விமானஓட்டி தான் ஒட்டிவந்த விமானத்தை தரையிறங்க செய்ததால் அவரை ஒருநாள்முழுக்க 24 மணிநேரத்திற்கு வேறுஎங்கும் தப்பிச்செல்லாமல் காவலில் வைத்திடுமாறு உத்திரவிட்டார் அவ்வாறு அவரை வீட்டுக்காவல் போன்று அவரை வைத்திருந்து 24 மணிநேரம் முடிந்ததும் அவரை மீண்டும் அந்த விமானப்படைத்தளத்திற்குள் அத்துமீறி விமானத்தை ஓட்டவேண்டாம் என எச்சரித்து அனுப்பினர்

.மறுநாள் அதே விமானம் அந்த விமான படைதளத்திற்குள் முன்பு போன்றே தரையிறங்கியது அதனை தொடர்ந்து அந்த விமான ஒட்டியுடன் ஒருபெண்ணும் இருந்ததை கண்டு இருவரையும் கைதுசெய்து தங்களுடைய தளத்தின் உயர்அதிகாரியிடம் அவ்விருவரையும் அழைத்து சென்றனர். அந்த விமானபடைதளத்தின் முதன்மை அதிகாரி மிகக்கோபமாக ஏற்கனவே எச்சரித்திருந்தும் மீண்டும் ஏன் அத்துமீறி விமானபடைதளத்தில் தரையிறங்க செய்தீர் என வினவியபோது

மன்னிக்கவேண்டும்ஐயா நான் நேற்று நாள்முழுக்க 24மணிநேரமும் இங்குதான் இருந்தேன் வேறு எங்கும் செல்லவில்லை வேறெஎந்த தவறும்செய்யவில்லை என என்னுடைய மனைவியிடம் என்னை பற்றிய உண்மைநிலையை நிரூபிப்பதற்காகவே இந்தமுறை விமான படைதளத்திற்குள் தரையிறங்கியதாகவும் அதனை என்னுடைய மனைவி நேரில் வந்து உறுதிபடுத்தவும் இவ்வாறு செய்ததாகவும் தன்னை இந்த ஒருமுறைமட்டும் போனமுறை செய்தவாறு கைதுசெய்து 24மணிநேரம் கழித்து விடுவித்தால் போதும் என்றும்அந்த விமானி கூறினார்

ஒரே நடைமுறையை ஒவ்வொருவரும் ஒவ்வொருவிதமாக புரிந்து பின்பற்றுகின்றனர்


ஐபிஎம் என்பது அமெரிக்க நாட்டின் கணினி உற்பத்தியில் மிகப்பெரிய மிகப்பிரபலமான நிறுவனமாகும் .அந்நிறுவனம் தங்களுடைய கணினி உற்பத்திக்கு தேவையான மிகமுக்கியமான உதிரிபாகங்களை வெளிநிறுவனங்களிடமிருந்து கொள்முதல்செய்வது வழக்கமான நடைமுறையாகும் .

அதன்படி அவ்வாறான கணினியின் உதிரி பாகங்களை கொள்முதல் செய்வதற்காக உலகமுழுவதும் உள்ள நிறுவனங்களிடமிருந்து விலைபுள்ளி கோரினர் .

அந்த விலைபுள்ளியில் பல்வேறு நிபந்தனைகளுடன் பொருளின் தரம்பற்றிய நிபந்தனைகளாக பத்தாயிரம் உதிரிபாகங்களில் மூன்று பழுதுடன் இருந்தால் ஏற்கப்படும் என்றும் அதற்குமேல்இருந்தால் பெறபட்ட உதிரிபாகங்கள் அனைத்தும் திருப்பிஅனுப்பிவிடப்படும் என்றும் குறிப்பிடப்பட்டிருந்தது

. அதன்படி ஜப்பானை சேர்ந்த நிறுவனத்திற்கு இந்த கணினியின் உதிரிபாகங்களை வழங்குவதற்காக ஐபிஎம் நிறுவனம் கொள்முதல் ஆணையை வழங்கியது .

அதனை தொடர்ந்து ஜப்பான் நிறுவனத்திடமிருந்து ஐபிஎம் நிறுவனத்திற்கு அவர்கள் கோரியவாறு பத்தாயிரம் எண்ணிக்கை கொண்ட கணினியின் உதிரிபாகங்கள் தனியான கட்டுகளாகவும் பழுதடைந்த கணினியின் உதிரிபாகங்கள் மூன்றை மட்டும் தனிக்கட்டாகவும் கட்டப்பட்டு ஐபிஎம் நிறுவனத்திற்கு வந்துசேர்ந்தது

அவைகளுடன் தனியாக கடிதம் ஒன்றும் வந்துசேர்ந்தது

அந்த கடித்தத்தில் ஐபிஎம் நிறுவனம் உத்திரவு இட்டவாறு பத்தாயிரம் எண்ணிக்கை கொண்ட கணினியின் உதிரிபாகங்கள் தனியான கட்டுகளாகவும் பழுதடைந்த மூன்று கணினியின் உதிரிபாகங்கள் மட்டுிம் தனிகட்டாகவும் கட்டப்பட்டு அனுப்பப் பட்டுள்ளதாகவும் அந்த மூன்றுமட்டும் சரியாக செயல்படாது அதனால் அந்த மூன்ற உதிரிபாகங்களை மட்டும் கணினிஉற்பத்திக்கு பயன்படுத்தி கொள்ளமுடியாது என்றும் குறிப்பிடப்பட்டிருந்தது.

ஒரே நடைமுறையை ஒவ்வொருவரும் ஒவ்வொருவிதமாக புரிந்து பின்பற்றுகின்றனர்

பணிக்கான நேர்காணல் - நல்ல பழக்கங்களின் முக்கியத்துவம்

 இளைஞன் ஒருவர் தனது பணிக்கான முதல் நேர்காணலுக்காக ஒரு அலுவலகத்திற்கு சென்றார். அந்த இளைஞர் தனது பெற்றோருடன் வசித்து வந்தார். இவர் தனது வீட்ட...