MSMEஆக பதிவுசெய்வதற்கான வழிமுறைகளும் அதனால் கிடைக்கும் பயன்களும்

மீச்சிறு ,சிறு ,நடுத்தர தொழிலகங்களை(Micro,Small,Medium Enterprises) சுருக்கமாக MSME என அழைக்கப்படும். பொதுவாக இந்த தொழிலகங்களை செயல்படுத்திடு-வதற்கான இயந்திரங்களுக்கும் கருவிகளுக்கும் தேவையான தொகையை முதலீடு செய்வதன் அடிப்படையில் இவைகள் எந்தெந்தவகையென வரையறுக்கப்-படுகின்றது.அதாவது, மீச்சிறு தொழிலகம் எனில் இயந்திரங்களுக்கு இந்தியரூபாய் 25 இலட்சம் வரையிலும் கருவிகளுக்கு இந்தியரூபாய் 10 இலட்சம் வரையிலும் முதலீட்டு வரையறை கொண்டிருக்கவேண்டும். சிறுதொழிலகம் எனில் இயந்திரங்களுக்கு இந்தியரூபாய் 25 இலட்சம் முதல் 5 கோடி வரையிலும் கருவிகளுக்கு இந்தியரூபாய் 10 இலட்சம் முதல் 2கோடிவரையிலும் முதலீட்டு வரையறை கொண்டிருக்கவேண்டும். நடுத்தர தொழிலகம் எனில் இயந்திரங்களுக்கு இந்தியரூபாய் 5 கோடி முதல் 10 கோடி வரையிலும் கருவிகளுக்கு இந்தியரூபாய் 2 கோடி முதல் 5கோடி வரையிலும் முதலீட்டு வரையறை கொண்டிருக்கவேண்டும். இந்தியாவில் உற்பத்தி அல்லது சேவை நிறுவனமாக தொழில் துவங்கிடும் எந்தவொரு நிறுவனத்தின் முதலீட்டு தொகையும் மேற்கண்ட வரையறைக்குள் உள்ளவாறு பதிவு செய்து கொண்டால் பின்வரும் பல்வேறுபயன்கள் அந்நிறுவனத்திற்கு கிடைக்கின்றன. MSME ஆக பதிவுசெய்யப்பட்ட நிறுவனங்கள் தமக்கு தேவையான கடன்தொகையை வணிக வங்கிகளில் கோரும்போது அதற்காகவென தனியாக வங்கிஉத்திரவாதம் எதுவும் வழங்கத் தேவையில்லை MSME பதிவுஎண் மட்டுமே போதுமானதாகும். MSME ஆக பதிவுசெய்யப்பட்ட தொழிலகங்கள் பயன்படுத்திடும் மின்சாரத்திற்கு குறிப்பிட்ட அளவுவரை மின்கட்டணத்தினை செலுத்தாமல் அதற்கு- மேல் பயன்படுத்தும் மின்சாரத்திற்கு மட்டும் கட்டணம் செலுத்தினால் போதும் MSME ஆக பதிவுசெய்யப்பட்ட தொழிலகங்கள் தங்களுக்கான patent, Trademark ஆகியவற்றை பதிவுசெய்திடும்போது அதற்கான பதிவு கட்டணத்தில் 50 % மட்டும் செலுத்தினால் போதும். MSME ஆக பதிவுசெய்யப்பட்ட தொழிலகங்கள் தங்களுடைய தொழிலை விரிவு- படுத்திகொள்ளவும் மேம்படுத்திகொள்ளவும் ஏராளமான தொழில் வளர்ச்சி சலுகை (subsidy) வழங்கப்படுகின்றது MSME ஆக பதிவுசெய்யப்பட்ட தொழிலகங்கள் துவங்கி குறிப்பிட்ட காலம் வரை பல்வேறு நேர்முக, மறைமுகவரிகளுக்கு வரிவிலக்கு அளிக்கப்படுகின்றது. MSME ஆக பதிவுசெய்யப்பட்ட நிறுவனங்களின் உற்பத்தி பொருட்களை அல்லது சேவைகளை குறிப்பிட்ட செந்தரத்துடன் வெளிநாடுகளுக்கு ஏற்றுமதி செய்திடும்-போது முழுமையான ஏற்றுமதி வரிவிலக்கு கிடைக்கின்றது. MSME ஆக பதிவுசெய்யப்பட்ட தொழிலகங்களின் புத்தாக்கங்ளுக்கும் புதுவடிவமைப்புகளுக்கும் 75 % முதல் 80 % வரை அரசின் கடனுதவி வழங்கப்படுகின்றது , MSMEதொழிலகங்களை பெண்களின் பதிவுசெய்து துவங்கிடும்போதுமேலும் பல்வேறு புதிய சலுகைகள் வழங்கப்படுகின்றன . நடப்பிலுள்ள தொழிலகங்கள் MSMEஆக பதிவுசெய்து தங்களுடைய தொழிலை பழைய தொழில்நுட்பத்திலிருந்து புதிய தொழில்நுட்பத்திற்கு மேம்படுத்தி கொள்ளும்போது பல்வேறு முதலீட்டு சலுகைகள் வழங்கப்படுகின்றன தனிநபர் நிறுமம் ,வரையறுக்கப்பட்ட நிறுமம் ,கூட்டுகுடும்ப தனியார் வரையறுக்கப் பட்டநிறுமம் ,கூட்டாண்மை நிறுமம் ஆகியகட்டமைப்பில் உள்ள தொழிலகத்தினை ஒரு MSME பதிவுசெய்துகொள்ளமுடியும் இவ்வாறானMSME பதிவுசெய்துகொள்வதற்காக பின்வரும் வழிமுறைகளை பின்பற்றிடுக முதலில் இதற்காக https://legaldocs.co.in/msme-registration எனும் இணைய பக்கத்திற்கு செல்க. உடன் திரையில் விரியும் படிவத்தில் பதிவுசெய்ய விரும்புவோரின் பெயர் ,ஆதார் எண், தொழிலகத்தின் பெயர், முகவரி, வருமானவரி பதிவுஎண், செல்லிடத்து பேசிஎண், வங்கி கணக்குஎண் என்பனபோன்ற தேவையான அனைத்து விவரங்களையும் உள்ளீடுசெய்து பூர்த்தி செய்திடுக.இவைகளை இணைய இணைப்பில்லாமலும் பூர்த்திசெய்து மேலேற்றம் செய்திடலாம். மேலும் சொந்த கட்டிடம் எனில் வீட்டுவரி செலுத்திய ஆவணம், வாடகை கட்டிடம் எனில் கட்டிட சொந்தகாரருடன் ஏற்படுத்தி கொண்ட ஒப்பந்த நகலுடன் அங்கு தொழிலகத்தை துவங்குவதற்கு அந்த கட்டிடசொந்தகாரரின் ஆட்சேபனை யில்லையெனும் கடிதம் ,கூட்டாண்மைநிறுவனமாக பதிவுசெய்யப்பட்டதெனில் அதற்கான சான்றாவணம் ,நிறுமமாக பதிவுசெய்யப்பட்டதெனில் அதற்கான ஆவணம், இயக்குநர்களின் குழுக்கூட்டத்தீர்மானம் போன்ற தேவையான அனைத்துஆவணங்களையும் இதனுடன் இணைப்பதற்காக தயார்செய்துகொள்க. இவையனைத்தையும் பதிவேற்றம் செய்து சமர்ப்பித்திடுக உடன் அனைத்தும் சரியாக இருந்தால் அன்றே நமக்கென தனியாக MSMEபதிவுஎண் ஒன்று ஒதுக்கீடுசெய்யப்பட்டு வழங்கப்படும். அன்றிலிருந்து நம்முடைய பணியை துவங்கிடலாம் MSME ஆக பதிவு-செய்வதற்கான பதிவுகட்டணம் எதுவும் செலுத்ததேவையில்லைஎன்ற செய்தியையும் மனதில் கொள்க. .

நிறுமங்களின் சட்டம் 2013 இன்படி புதியமின்னனு படிவம் INC-20A ஐ பற்றி தெரிந்து கொள்வோம்

நிறுமங்களின் சட்டம் 2013 பிரிவு 10Aஇன்படி 02//11/2018 நாளிற்கு பிறகு புதியதாக துவங்கி பங்குத்தொகையுடன் பதிவுசெய்திடும் நிறுமங்கள் அனைத்தும் அந்நிறுமத்தை துவக்குவதற்கான முதலீட்டுத்தொகையை வழங்குவதாக பதிவுசெய்தஅன்றைய நாளின்போது MOA இல் ஒத்துகொண்டு கையொப்பமிட்ட முதலீட்டாளர்கள் அனைவரும் முதலீட்டிற்கான தொகையை அந்நிறுமத்தின் வங்கிகணக்கில் செலுத்திவிட்டனர் எனும் உறுதிமொழி படிவம் ஒன்றினை நிறுமங்களின் பதிவாளரிடம் அந்நிறுமங்களின் இயக்குநர்கள் பதிவுசெய்த180 நாட்களுக்குள் சமர்ப்பித்திடவேண்டும் இந்த உறுதிமொழி படிவத்தினை நிறுமச்செயலர் அல்லது பட்டய கணக்கர் அல்லது அடக்கவிலை கணக்கர் சரிபார்த்து சான்றொப்ப மிட்டிருக்கவேண்டும் அவ்வாறா ன உறுதிமொழிக்கான ஆவணமாக அம்முதலீட்டாளர்கள் தம்முடைய முதலீட்டு தொகையை வங்கியில் செலுத்தியதற்கான ஆதாரசீட்டுகள் அல்லது தம்முடைய வங்கியின் கணக்கின் நகல் அல்லது நேரடியாக இணையத்தின் NEFT / IMPSவாயிலாக முதலீட்டு தொகையை நிறுமத்தின் வங்கிகணக்கிற்கு செலுத்தியிருந்தால் அதற்கான ஒப்புகை சீட்டு ஆகியவற்றில்ஏதேனுமொன்றினை ஒவ்வொரு உறுப்பினரும் இணைத்திடவேண்டும் மேலும் இந்த படிவத்துடன் இந்திய ரிசர்வு வங்கி அல்லது SEBI அல்லது IRDA போன்ற நிறுவனங்களை கட்டுபடுத்து பவர்களிடம் அந்நிறுமமானது பதிவு அல்லது ஒப்புதல் பெறவேண்டியிருந்தால் அவ்வாறு அந்நிறுமத்தால் பதிவுசெய்யப்பட்டு பெறப்பட்ட சான்றுகளையும் இந்தமின்னனு படிவம் INC-20A வுடன் இணைத்து சமர்ப்பிக்கவேண்டும் ஆயினும் நிறுமங்களின் சட்டம் 2013 பிரிவு 10Aஇன்படி 02//11/2018 நாளிற்குமுன் பதிவுசெய்து கொண்ட நிறுமங்களும் 02//11/2018 நாளிற்குபின் பங்குத்தொகை இல்லாமல் துவங்கிடும் நிறுமங்களும் இந்த புதியமின்னனு படிவம் INC-20A ஐ நிறுமங்களின் பதிவாளரிடம் சமர்ப்பிக்கத்தேவையில்லை இந்த புதியமின்னனு படிவம் INC-20Aஐ தேவைப்படுவோர் நிறுமங்களின் இணையதளத்திலிருந்து 26/01/2019 முதல்பதிவிறக்கம்செய்து பயன்படுத்தி கொள்ளலாம் அவ்வாறான முதலீட்டாளர்களின் உறுதிமொழியுடனான புதியமின்னனு படிவம் INC-20A ஐ தேவையான ஆவணங்களுடன் பதிவுபெற்ற 180 நாட்களுக்குள் நிறுமங்களின் பதிவாளரிடம்சமர்ப்பிக்காமல் இருந்தால் நிறுமங்களின் பதிவாளர் அந்நிறுமத்தின் பதிவை நீக்கம்செய்வதற்கான நடவடிக்கையை எடுத்திடுவார் மேலும் அந்நிறுமமானது எந்தவொரு வியாபார நடவடிக்கைகளையும் செயல்படுத்திடமுடியாது அல்லது நிறுமத்தின் நடவடிக்கைகளுக்காக கடன்வாங்கும் திறனைபயன்படுத்திகொள்ளமுடியாது அதுமட்டுமல்லாது அவ்வாறான நிறுமமானது ரூ. 50,000 அபராத தொகை செலுத்தநேரிடும் இவ்வாறு செயல்படுத்தாத நிறுமத்தில் பணிபுரியும் ஒவ்வொரு அலுவலரும் நாளொன்றிற்கு ரூ.1000/ வீதம் அதிகபட்சம் ரூ.1,00,000/வரை அபாரதமாக செலுத்தவேண்டியிருக்கும்

சிறிய வியாபார நிறுவனத்தை முன்னேற்றி வளர்ச்சிபாதையில் கொண்டுசெல்வதற்கான வழிமுறைகள்

பொதுவாக சிறுவியாபார நிறுவனங்கள் தங்களுடைய அன்றாட பணிகளை முடிப்பதற்கே சிரமமப்படும்போது தம்முடைய வியாபாரத்தின் வெற்றிக்கான வளர்ச்சிபாதையில் கொண்டுசெல்வதற்காக புதியவழிமுறைகளை செயல்படுத்திடுவதை பற்றி சிந்திக்கவேமுடியாத சூழலில்இவைகளை அறவே தவிர்த்திடுவார்கள் அவ்வாறானவர்கள் இவ்வாறான சூழலில்கூட பின்வரும் படிமுறைகளை பின்பற்றி தங்களுடைய வியாபாரத்தை வெற்றிகரமாக வளர்ச்சிபாதைக்கு கொண்டுசெல்லமுடியும் படிமுறை.1. நம்முடைய நிறுவனத்தில் உற்பத்தியாகும் பொருளைபற்றிஅல்லது வழங்கிடும் சேவையை பற்றி கானொளி காட்சிகளை மிகச்சரியாக போதுமானஅளவு தயார்செய்து அதனை ஃபேஸ்புக், வாட்ஸ்அப் போன்ற சமூதாய பல்லூடக வலைபின்னலில் வெளியிடச்செய்திடுக அதனோடுகூடவே நம்முடைய நிறுவனத்தைபற்றியும் வாடிக்கையாளர்களுக்கு அடிக்கடிஎழும் சந்தேகங்களையும் அதை தீர்வுசெய்வதற்கான வழிமுறைகளைபற்றியும் அதற்கான பதிலும் FAQ வாயிலாக தயார்செய்து அதனையும் வெளியிடச்செய்திடுக அதைவிட உள்ளூர் நிகழ்வுகளில் நம்முடைய நிறுவனமும் LinkedInமூலம் பங்கெடுத்து கொள்ளுமாறு செயல்படச்செய்திடுக மிக முக்கிய மாக ஒருசிலசிறப்பு அறிவிப்புகளை சமூதாயபல்லூடக வலைபின்னலின் வாயிலாக அவ்வப்போது வெளியிடச்செய்திடுக படிமுறை.2. நம்முடைய நிறுவனத்திற்கென தனியாக இணையதளபக்கத்தை உருவாக்கி பராமரித்திடுக தொடர்ந்து மேலே படிமுறை1.இல் கூறியவாறு சமூதாயபல்லூடக வலைபின்னலில் கானொளி காட்சிகளாக வெளியீடு செய்தவைகளை நம்முடைய இணையதளபக்கங்களிலும் வெளிடச்செய்திடுக மிகமுக்கியமாக நிறுவனத்தைபற்றியும் வாடிக்கையாளர்களுக்கு அடிக்கடிஎழும் சந்தேகங்களையும் அதை தீர்வுசெய்வதற்கான வழிமுறைகளைபற்றியும் அதற்கான பதிலும் FAQ வாயிலாக தயார்செய்து வெளியிடசெய்திடுக படிமுறை.3. மேலேகூறிய கானொளி காட்சிகளை பொழுதுபோக்குபோன்றோ வழக்கமான பத்தோடு பதினொன்று என்றவாறோ பார்வையாளர் தாண்டிசென்றிடாமல் call-to-action (CTA) எனும் அடுத்த செயலிற்கு அதாவது மேலும்நம்முடைய நிறுவனத்தைபற்றிய விவரங்களை முழுவதுமாக அறிந் தெரிந்து கொள்வதற்காகவென தனியாக மின்புத்தகங்களை பதிவிறக்கம் செய்து படித்தறியுமாறு கொண்டுசெல்க இந்நிலையில் உடனடியாக நம்முடைய உற்பத்தி பொருளை அல்லது சேவையை வாங்கிடுமாறு பார்வையாளர்களிடம் வலியுறுத்தி தொந்திரவுசெய்து அவர்களை வெறுப்படையச் செய்திடக்கூடாது அதற்கு பதிலாக எவ்வாறான வழிமுறையில் இவற்றை எளிதாக கொள்முதல் செய்திடமுடியும் என்ற விவர கானொளி காட்சியை மட்டும் CTA எனும் செயலில் கொண்டுவருவது நன்று படிமுறை.4. அடுத்து என்னதான் இணையதளபக்கத்தை பராமரித்தாலும் பொதுமக்கள் அனைவரும் நம்முடைய இணையபக்கத்தை பார்வையிட வருவார்கள் என்ற உத்திரவாதம்எதுவும் அளிக்கமுடியாது அதனால்அதற்கான தீர்வாக பொதுமக்கள் கைகளில் வைத்துள்ள அனைத்துவகையான செல்லிடத்து பேசிகளிலும் மேலேகூறிய கானொளி காட்சிகளை தகவல்களை காணமுடியுமாறு செய்திடுக மிகமுக்கியமாக இவையனைத்தும் சமூதாய பல்லூடகங்களின் வாயிலாக பொதுமக்களின் கைபேசி களிலும் அல்லது திறன்பேசிகளிலும் சென்றடையுமாறு செய்திடுக படிமுறை.5. இறுதியாக மதிப்பு மிக்க வாடிக்கையாளர்களுடனும் நடப்பிலுள்ள வாடிக்கையாளர்களுடனும் நேரடியான கேள்விபதில் ,குழுவிவாதம் ஆகியவற்றின் வாயிலாக தொடர்பு இருந்து கொண்டே இருக்குமாறு பார்த்து கொள்க .

சசேவ(GST)வின் கீழ் பின்செல்செலவுதொழில்நுட்பம்(Reverse Charge Mechanism)

பொதுவாக .சசேவவின் கீழ் பொருட்களை வழங்குபவர் அல்லது சேவைகளை வழங்குபவர் இவைகளை பெறுபவரிடமிருந்து விற்பணைத்தொகையுடன் சசேவ வரியையும் சேர்த்து வசூலித்து அரசிற்கு செலுத்துவார்.அதற்குபதிலாக பொருட்களை பெறுபவர் அல்லது சேவைகளைபெறுபவர் இவைகளை வழங்குபவர் வாயிலாக அரசிற்கு இந்த சசேவவரியை செலுத்துவதற்கு பதிலாகஇவைகளை பெறுபவரே நேரடியாக அரசிற்கு சசேவவரியை செலுத்திடுவதே RCM என சுருக்கமாக அழைக்கப்படும் பின்செல் செலவு தொழில் நுட்பம்(Reverse Charge Mechanism) ஆகும் இவ்வாறான தொழில்நுட்பமானது சசேவவின் கீழ் பதிவு பெறாதவரிடமிருந்து சசேவவின் கீழ் பதிவுபெறுபவர் பொருட்களை அல்லது சேவைகளை பெறும்போது நடைமுறை படுத்தப்படும் சசேவவின் கீழ் இந்த RCM ஆனது பிப்ரவரி 2019முதல் நடைமுறைபடுத்தப்பட்டுள்ளது அயல்பணிவழிமுறையில் நிறுவனத்திற்கு பணியாளரை வழங்குபவர்கள், காப்பீட்டு முகவர்கள், நிதிநிறுவனங்கள் அல்லது வங்கிகளின் வாராக்கடனை வசூலித்திடுவதற்காக நியமித்திடும் முகவர்கள் ,வியாபார நிறுவனத்திற்காக செயல்படும் வழக்குரைஞர்கள் அல்லது இசைவுதீர்ப்பாளர்கள் , இணையவழிவணிக இயக்குநர்கள் (E-commerce Operator), பொருள் போக்குவரத்தாளர்கள் போன்றவர்கள் வழங்கும் சேவைகளின் மீது சசேவ வரி விதித்தாலும் அவர்களின் ஆண்டுவருமானம் இருபது இலட்சத்திற்கு மிகாமல் இருக்கும் நிலையில் இந்த சசேவவரியை செலுத்தத் தேவையில்லை என்ற நிலையில் அவ்வாறான பரந்துபட்ட சேவைவழங்குபவர்களின் சேவைகளையும் சசேவவரி வசூலின்கீழ் கொண்டுவருவதற்காகவே இந்த RCM ஆனது நடைமுறைபடுத்தப்பட்டுள்ளது தற்போது நடைமுறையில் பொருட்களை வழங்குபவர் இந்த RCM ஐ செயல்படுத்துவதில்லை அதனால் பொருட்களை வழங்குபவர்களையும் சேவைகளை வழங்குபவர்களையும் சசேவவின்கீழ் கொண்டு வரச்செய்வதே இந்த RCM அடிப்படை நோக்கமாகும் சசேவவின் கீ்ழ் பதிவு பெற்ற நபர் ஒருவர் RCM இன்அடிப்படையில் சசேவவின் கீ்ழ்பதிவு பெறாத நபரிடமிருந்து பொருட்களை அல்லது சேவைகளை பெறும்போது அதற்கான சசேவவரியைபதிவு பெறாத நபருக்குபதிலாக பதிவுபெற்ற நபர் செலுத்துவதாக இடமாற்றம் செய்யப் பெறுகின்றது. வரிஏய்ப்பினை தடுப்பதே இந்தRCMஇனுடைய அதற்கடுத்தஅடிப்படை நோக்கமாகும் இந்த RCMஇன் படி சசேவவரியில் ஒருபகுதியைமட்டும் வழங்குவது மிகுதியை விலக்குப்பெறுவது என்ற பேச்சுக்கே இடமில்லை இந்தRCMஇன்வாயிலாக 100% சசேவவரியைமுதலில் கண்டிப்பாக செலுத்தியாக வேண்டும் இவ்வாறானRCMஇன் படி சசேவவின்கீழ் பொருட்களை எப்போது வழங்கினார் எனஎவ்வாறு நிர்ணயம் செய்து வரியை வசூலிப்பது என்ற பிரச்சினைஎழும் ஆயினும் பின்வரும்சூழ்நிலைகளில் எது முந்தைய நிகழ்வோ அதனையே பொருட்களை வழங்கிய நாளாக கணக்கில் கொள்ளப்படும் அ.பொருட்களை வழங்குபவரிடமிருந்து பெறுபவர் பொருட்களை பெற்ற நாள் ஆ. பொருட்களை பெறுபவரின் கணக்குப்பதிவேடுகளில் அந்த பொருட்களுக்கான விற்பணைத்தொகை வழங்கப்பட்ட நாளாக பதிவுசெய்யப்பட்ட நாள் இ.பொருட்களை பெறுபவரின் வங்கிகணக்கில்பதிவுசெய்யப்பட்டு அந்த பொருட்களுக்கான விற்பணைத்தொகை வழங்கப்பட்ட நாள் ஈ.பொருட்களை வழங்குபவர் அந்த பொருட்களை வழங்கும்போது அதனோடுகூடவே வழங்கிய விற்பணைபட்டியலில் குறிப்பிட்டநாளிலிருந்து முப்பது நாள் குறிப்பு மேலேகூறியசூழலிலும் பொருட்களை வழங்கிய நாளினை கண்டுபிடித்திடமுடியாதபோது பொருட்களை பெறுபவரின் கணக்குப்பதிவேடுகளில் அந்த பொருட்களுக்கான விற்பணைத்தொகை வழங்கப்பட்ட நாளாக பதிவுசெய்யப்பட்டநாளே கணக்கில் கொள்ளப்படும் அதேபோன்று இவ்வாறானRCMஇன் படி சசேவவின்கீழ் சேவைகளை எப்போது வழங்கினார் என எவ்வாறு நிர்ணயம் செய்து வரியை வசூலிப்பது என்ற பிரச்சினைஎழும் ஆயினும்பின்வரும்சூழ்நிலைகளில் எது முந்தைய நிகழ்வோ அதனையே சேவைகளை வழங்கிய நாளாக கணக்கில் கொள்ளப்படும் அ. சேவைகளை பெறுபவரின் கணக்குப்பதிவேடுகளில் அந்தசேவைகளுக்கானத்தொகை வழங்கப்பட்ட நாளாக பதிவுசெய்யப்பட்ட நாள் ஆ.சேவைகளை பெறுபவரின் வங்கிகணக்கில் அந்தசேவைகளுக்கானத்தொகை வழங்கப்பட்ட நாளாக பதிவுசெய்யப்பட்டநாள் இ.சேவைகளை வழங்குபவர் அந்தசேவைகளை வழங்கும்போது அதனோடுகூடவே வழங்கிய விற்பணைபட்டியலில் குறிப்பிட்டநாளிலிருந்துஅறுபது நாள் குறிப்பு மேலேகூறியசூழலிலும் சேவைகளை வழங்கிய நாளினை கண்டுபிடித்திடமுடியாதபோது சேவைகளை பெறுபவரின் கணக்குப்பதிவேடுகளில் அந்த சேவைகளுக்காகத்தொகை வழங்கப்பட்ட நாளாக பதிவுசெய்யப்பட்ட நாளே கணக்கில் கொள்ளப்படும் இவ்வாறு RCMஇன் படி சசேவவரிசெலுத்திடும்போது உள்வரும்வரவினங்களை கழித்து கொண்டு மிகுதி தொகை செலுத்திடும் வசதியான ITCஐ கணக்கில் கொள்ளாமல் முதலில் RCMஇன் படி சசேவ வரியை ரொக்கப்பேரேட்டின் வாயிலாக செலுத்தியபின்னர் மற்ற சசேவவரி செலுத்திடும் தொகையில் இவ்வாறு RCMஇன் படிரொக்கமாக செலுத்திய தொகையை ITCஐ கணக்கில் கொண்டு கழித்ததுபோக மிகுதி தொகைய செலுத்திடலாம் இந்த RCMஇன் படி சசேவ வரியானது ஒவ்வொருமாதத்தின் தொகையும் அதற்கடுத்த மாதம் 20 தேதிக்குள் செலுத்திடவேண்டும் படிவம் எண்GSTR 2 ஐ தயார் செய்திடும்போது இந்தRCMஇன் படி செலுத்தப்பட்ட சசேவ வரியானது தானாகவே திரையில் காண்பிக்காது நாம் தான்அவ்வாறான விவரங்களை உள்ளீடு செய்திடவேண்டும் மாநிலங்களுக்கு இடையே நடைபெறும் இந்த RCMஇன் படியான வசதியை சசேவஇன் கீழ் பயன்படுத்தி கொள்ளமுடியாது ஒரே மாநிலத்திற்குள் நடைபெறும் விற்பணைநடவடிக்கைகளில் மட்டும் இந்த RCMஇன் படியான வசதியை சசேவஇன் கீழ் பயன்படுத்தி கொள்ளமுடியும் என்ற செய்தியை மனதில் கொள்க Self-invoicing எனும் வசதியை கொண்டு இந்த RCMஇனை பயன்படுத்தி கொள்ளமுடியும் ஆயினும் இதனை செயல்படுத்திடுவதற்கான ClearTax GST எனும் மென்பொருளை பயன்படுத்தி Self-invoicingஇன்படி பட்டியலைநாமே தயார்செய்திட வேண்டும் ஏனெனில் பொருட்களை வழங்குபவர் அல்லது சேவைகளை வழங்குபவர் சசேவ இன்கீழ் பதிவுபெறாதவர் என்பதால் அவர் சசேவஇன்படி விற்பணைபட்டியலை தயார்செய்ய வேண்டிய அவசியமில்லாது போகின்றது . பின்வரும் படிமுறைகளை பின்பற்றி Self-invoicing என்பதன்படி ClearTax GST எனும் மென்பொருளை பயன்படுத்திபெறுபவரே பட்டியலை உருவாக்கி கொள்ளமுடியும் முதலில் New Purchase Invoice எனும் பொத்தானை தெரிவுசெய்து சொடுக்குக பின்னர் தோன்றிடும் திரையின் Invoice Serial Number என்ற புலத்தில் இந்தபட்டியலிற்கான வரிசை எண்ணை உள்ளீடு செய்து கொள்க Invoice Date என்ற புலத்தில் பொருளை அல்லது சேவையை பெற்ற நாளினை உள்ளீடுசெய்திடுக Reference Number என்ற புலத்தில் இந்த பொருளை அல்லது சேவையை பெறுவதற்காக நாம் வழங்கிய கொள்முதல் உத்திரவு எண்ணை உள்ளீடு செய்திடுக Due Date என்ற புலத்தில் நாம் இதனை வழங்குபவருக்கு தொகையைவழங்கஉத்தேசித்து இருக்கும் நாளினை உள்ளீடு செய்திடுக Vendor Name எனும் புலத்தில் இந்த பொருளை அல்லது சேவையை வழங்கியவரின் பெயரையும் முகவரியையும் உள்ளீடு செய்திடுக எச்சரிக்கைஇந்த புலத்தில் கண்டிப்பாக நம்முடைய பெயரை உள்ளீடு செய்திடாதீர்கள் பொருள் அல்லது சேவையின் விவரங்களையும் தொகை விவரங்களையும் அவைகளுக்கான புலங்களில் உள்ளீடு செய்திடுக Advance Settings என்பதன் கீழிறங்கு பட்டியலை விரியச்செய்து Reverse Charge’ என்ற வாய்ப்பினை தெரிவுசெய்து கொள்க அனைத்து புலங்களிலும் தேவையான விவரங்களை உள்ளீடுசெய்ததை உறுதி செய்து கொள்க இறுதியாக Save. எனும் பொத்தானை தெரிவுசெய்து சொடுக்குதல் செய்து சேமித்து கொள்க

நிறுமத்தின் அனைத்து இயக்குநர்களும்தகுதிஇழப்பு ஏற்படும் சூழலில் புதியதாகவொரு இயக்குநரை எவ்வாறு நியமிப்பது

எந்தவொரு நிறுமத்திலும் இயக்குநர்களின் குழுவால்மட்டுமே புதியதாக இயக்குநர் ஒருவரை நியமித்திடமுடியும் அதன்பின்னர்அந்நியமனத்தினை பொதுப்பேரவை கூட்டத்தில் பின்னேற்பு செய்து கொள்ளப்படும் என்ற தற்போதையநடைமுறை பின்பற்றப்படுகின்றது இவ்வாறான நிலையில் நிறுமங்களின் சட்டம் 2013 பிரிவு 167 (1) இன்படி பின்வரும்சூழ்நிலைகளில் ஒருநிறுமத்தின் அனைத்து இயக்குநர்களும்தகுதிஇழப்பு ஏற்பட்டு இயக்குநர்களின் குழுவே செயல்படமுடியாதநிலைஏற்படும் அ. நிறுமங்களின் சட்டம் 2013 பிரிவு 164 இல்குறிப்பிடப்பட்டுள்ள சூழ்நிலையில் ஆ.ஒரு ஆண்டில் நடைபெற்ற இயக்குநர்களின் குழுக்கூட்டங்கள்அனைத்திலும் கலந்துகொள்ளாததற்கான அனுமதிபெறாமலும் தொடர்ந்து கலந்துகொள்ளாமலும் இருத்தல் இ. நிறுமங்களின் சட்டம் 2013 பிரிவு 184இன்படி ஆதாயம் தரும் பணிகளை அல்லது ஒப்பந்தங்களை நேரடியாகவோ அல்லது மறைமுகமாகவோ அந்நிறுவனத்துடன் மேற்கொண்டிருத்தல் ஈ. நிறுமங்களின் சட்டம் 2013 பிரிவு 184இன்படி ஆதாயம் தரும் பணிகள் ஒப்பந்தங்களை நேரடியாகவோ அல்லது மறைமுகமாகவோ அந்நிறுவனத்துடன் மேற்கொண்டிருப்பதை வெளியிடாது மறைத்துவிடுதல் உ.இயக்குநர்களின் மீது தொடுக்கப்பட்ட வழக்கில் நீதிமன்றத்தால் ஆறுமாதம் அல்லது அதற்கு மேலான சிறைதண்டனை பெற்றிருத்தல் ஊ. நிறுமத்திலோ அல்லது முதன்மைநிறுமத்திலோ அல்லது துனைநிறுமத்திலோ பணியாளராக பணியமர்த்தப்பட்டிருத்தல் இவ்வாறு தகுதியிழப்பு ஏற்படும் இயக்குநர்களின் DINஎனும் பதிவுஎண் ஐந்து ஆண்டுகளுக்கு முடக்கப்பட்டுவிடும் அதனால் அடுத்தஐந்தாண்டிற்கு அவர்எந்தவொரு நிறுமத்திலும் இயக்குநராக செயல்படமுடியாது பொதுவாக எந்தவொரு பதிவுபெற்றதனியார் நிறுமம் எனில் குறைந்தபட்சம் இரண்டு இயக்குநர்கள் பதிவுபெற்ற பொதுநிறுமம் எனில்குறைந்தபட்சம் மூன்றுஇயக்குநர்கள் கண்டிப்பாக இயக்குநர்களின் குழுவில் இருக்கவேண்டும் அவ்வாறுகுறைந்தபட்ச இயக்குநர்கள் இருந்தால் மட்டுமே நிறுமங்கள் தங்களுடைய வியாபார நடவடிக்கையை எளிதாக தொடரமுடியும் தேவையான படிவங்களையும் ஆவணங்களையும் நிறுமங்களின் விவகாரத்துறைஅமைச்சகத்தின்இணையதளவாயில்(MCA Portal) சமர்ப்பிக்கமுடியும் என்ற இக்கட்டான நிலையில் அதாவது அனைத்து இயக்குநர்களும் தகுதியிழப்பின் காரணமாக செயல்படமுடியாத சூழ்நிலைநிலையில் அவ்வாறான நிறுமம் புதியதாக இயக்குநர்களை எவ்வாறு நியமிக்கமுடியும் என்றநிர்கதியானசூழலில் குறைந்தபட்சம் ஒரு இயக்குநரை மட்டும் வழக்கமான வழிமுறையில்லாது பின்வரும் வழிமுறைகளை பின்பற்றி நியமனம் செய்து கொள்ள நிறுமங்களின் விவகாரத்துறை (MCA)யானது அனுமதித்துள்ளது நிறுமங்களின் சட்டம் 2013 பிரிவு 167(3)இன்கீழ் நிறுமமானது அனைத்து இயக்குநர்களும் தகுதியிழப்பு ஏற்பட்டு செயல்பட முடியாத நிலைஉருவாகி விட்டதால் தங்களுடைய நிறுவனம் பரிந்துரைக்கும் நபரை ஒரு இயக்குநராக நியமித்திட அனுமதிக்குமாறு குறிப்பிட்டு கோரிக்கை கடிதம் ஒன்றினை அந்நிறுமத்தின் உருவாக்குநர்களின் அல்லது உறுப்பினர்களின் கையொப்பத்துடன்அனுப்பிடவேண்டும் குறிப்பு நபர்ஒருவர் நிறுமத்தின் இயக்குநராக செயல்படுவதற்கு தகுதியிழந்தநிலையில் அவர்அந்நிறுமத்தின் உறுப்பினர் என்ற அடிப்படையில் இந்த கோரிக்கை கடிதத்தில் கையொப்பமிடலாம் நிறுமங்களின் சட்டம் 2013 பிரிவு 167(3)இன்கீழ் நிறுமத்தை உருவாக்குநர்அல்லது உறுப்பினர் ஒப்புகை கையொப்பமிடவேண்டும் தகுதியிழப்பு ஏற்பட்ட அனைத்து இயக்குநர்களும் இவ்வாறு ஒரு இயக்குநரை நியமிப்பதில் தங்களுக்கு ஆட்சேபணை எதுவும் இல்லையெனும்  சான்றிதழ்( NOC) வழங்கவேண்டும் இருமகையொப்பத்துடனும்தேவையான கட்டணம் செலுத்திய சலானுடனும் படிவம் எண்DIR-12 ஐ இணைத்திடவேண்டும் இந்த படிவத்ததுடன் புதிய இயக்குநர் எனில் அவருடைய ஒப்புதல் படிவம் எண் DIR – 2,இந்த புதிய இயக்குநரின் சுட்டிஎண் (DIN) முகவரி சான்று,படிவம் எண் MBP-1 எனும் அறிவிப்பு ஒரே நபர் எத்தனை நிறுமங்களில் இயக்குநராக இருக்கலாம் என்றவிவரங்களை குறிப்பிடும் படிவம் எண் DIR-8,புதிய இயக்கு நருக்கான DIN பதிவுவிவரம் ,புதிய இயக்குநர் ஏற்கனவே இயக்குநராக இருக்கும் நிறுமங்களின் பெயர் பதிவுஎண் (CIN)போன்ற விவரங்கள் இந்த படிவம் எண்DIR-12 உடன் இணைத்திடவேண்டும் நிறுமத்தை உருவாக்குநர்அல்லது உறுப்பினர் என்பதற்கான ஆதாரமாக அவருடைய பங்குசான்றிதழின் நகல் இவ்விவரங்களை சரிபார்த்ததற்கான நிறுமச்செயலரின் சான்றிதழ், இவ்வாறு புதிய இயக்குநரை நியமனம் செய்வதற்காக கூட்டப்பட்ட அசாதாரணபொதுப்பேரவை கூட்டம் அதில்புதிய இயக்குநரை நியமனம் செய்வதற்காக நிறைவேற்றப்பட்ட தீர்மாணம் , கூட்டஅழைப்பு நகல் ,ஆகிய ஆவணங்களுடன் நிறுமங்களின் பதிவாளரிடம் கோரிக்கை கடிதத்தை அனுப்பிவைத்திடவேண்டும். மேலேகூறிய ஆவணங்களின் அச்சிடப்பட்டநகல் அதனோடு இவைகளின் சாப்ட் காப்பியை பதிவுசெய்ய்பட்ட பென்ட்ரைவ் ஆகியவற்றினை மும்பையில் இருக்கும் நிறுமங்களின் பதிவாளரிடம் சமர்ப்பித்திடவேண்டும் சிடி அல்லது டிவிடியை கண்டிப்பாக சமர்ப்பிக்ககூடாது குறிப்பு இந்த நடைமுறையானது தற்போது செயல்பட்டுகொண்டிருக்கும் நிறுமங்களில் நிறுமங்களின் சட்டம் 2013 பிரிவு 164(2)(a)இன்கீழ் தகுதியிழப்பு ஏற்பட்ட இயக்குநர்களை கொண்ட நிறுமங்களுக்குமட்டுமே பொருந்தும் என்ற செய்தியை மனதில் கொள்க

சசேவ விலக்கு வரம்பு உயர்த்தபடுவதால் சிறுதொழில் நிறுவனங்களுக்கு கிடைத்திடும் பயன்கள்

1. மிகச்சிறு ,சிறு, நடுத்தரநிறுவனங்களின்(Micro,Small,Medium Scale Enterprises(MSME)), சிறுவியாபாரிகளின் ஆண்டுவிற்பணைவருமானம் ரூபாய்ஒரு கோடியிலிருந்து ரூ.1.5 கோடியாக உயர்த்தப் பட்டுள்ளது அதிலும் காம்போஸிஸன் திட்டத்தினை பின்பற்றுபவர்கள் 01.04.2019 முதல் சரக்கு சேவை வரியை ஒவ்வொரு காலாண்டிற்குஒருமுறை செலுத்திடவேண்டும் அதற்கான அறிக்கையை மட்டும் ஆண்டிற்கு ஒருமுறை சமர்ப்பித்தால்போதுமானதாகும் தற்போது ஒவ்வொரு காலாண்டிற்கும் சரக்கு சேவை வரியை செலுத்திடவேண்டும் அதற்கான அறிக்கையையும் அந்தந்த காலாண்டில் சமர்ப்பித்திடவேண்டும் என்ற தற்போதைய நடைமுறையால் சிரமமப்படும் மிகச்சிறு சிறு நடுத்தரநிறுவனங்களின் (MSME's) கம்போஸிஸன் விற்பனையாளர்களின் பணிச்சுமை இதன் மூலம் குறைக்கப் பட்டுள்ளது 2 சரக்கு சேவைவரி செலுத்துவதற்கான மாநிலத்திற்குள் பொருட்களுக்கான விற்பணை வருமானம்வரம்பு ரூ.20. இலட்சங்களானது 01.04.2019 முதல்ரூ.40. இலட்சங்களாக உயர்த்தப்பட்டுள்ளது. சேவைகளுக்கு விற்பணை வருமானம்வரம்பு உயர்த்தப்படாமல் ரூ.20 இலட்சங்களானது அப்படியே உள்ளது மாநிலங்களுக்கிடையேயான விற்பணைவருமானமும் உயர்த்தப்படாமல் ரூ.20. இலட்சங்களானது அப்படியேஉள்ளது 3.மிகச்சிறு, சிறு, நடுத்தரநிறுவனங்களின்(MSME's) கம்போஸிஸன் திட்டத்தின் கீழ் சேவைபுரிபவர் எனில் ஆண்டு விற்பணைவருமானம் ரூ.50 இலட்சங்களுக்குள் இருப்பவர்கள் செலுத்தவேண்டிய சேவைவரியானது01.04.2019 முதல்6%(3% CGST + 3%SGST) ஆக குறைக்கப்பட்டுள்ளது தற்போது நடைமுறையில் இவர்கள் 12% அல்லது 18% ஆகசேவைவரி செலுத்துகின்றனர் விற்பணைவருமானம் ரூ.50 இலட்சங்களுக்குள் இந்த பணியை செய்திடுபவர்கள் உள்வரும்சேவைக்கான வரிசெலுத்துவதை வரவுஎடுத்துகொள்ளாமல்இந்த பயனைபெறலாம் 4. மிகச்சிறு ,சிறு ,நடுத்தர நிறுவனங்களானவை (MSME's) சரக்கு சேவை வரி கணக்கீடு செய்வதற்காக ஏற்படும் சிரமத்தை குறைப்பதற்காகவும் தனியாகஇதற்காகவென செலவிடாமல் இருப்பதற்காகவும் Accounting & Billing Software ஆனது இந்திய அரசால் இலவசமாக வழங்கப்படுகின்றது இதனை பதிவிறக்கம் செய்து தம்முடைய நிறுவனங்களின் விற்பணை பட்டியல் தயார்செய்வதுமுதல் கணக்குப்பதிவியல்பதிவுசெய்வதுவரை அனைத்துபணிகளையும் எளிதாக செயல்படுத்தி பயன்பெறலாம்.

முயற்சி செய்தால் எந்தவொரு பிரச்சினையையும் தீர்வுசெய்திடமுடியும்

ஒரு நாள் காலை நேரத்தில் பெரிய வியாபார நிறுவனத்தின் சொந்தகாரர் ஒருவர்தம்முடைய நிறுவனத்தில் நேற்று உருவாகிய பிரச்சினையை எவ்வாறு தீர்வுசெய்வது என தெளிவு பெறாமல் குழப்பத்துடன் தன்னுடைய வீட்டின் பால்கனியில் உட்கார்ந்து தேநீர் அருந்தி கொண்டிருந்தார் அந்நிலையில் ஒரு சிறிய எறும்பு அங்கும் இங்கும் சென்றுகொண்டும் வந்துகொண்டிரும் இருந்ததை கண்ணுற்றதும் தன்னுடைய பிரச்சினையை மனதின் ஓரத்தில் ஒதுக்கிவைத்துவிட்டு அந்த சிறிய எறும்பு என்னதான் செய்கின்றது என பார்வையிடத் துவங்கினார் அந்த எறும்பானது தன்னஉடைய உருவத்தைவிட மிகப்பெரிய இலை ஒன்றினை தன்னுடைய வாயால் பிடித்து இழுத்துகொண்டு சென்றது எங்குதான் அந்த இலையை இழுத்து செல்கின்றது என பார்ப்போம் என ஆழ்ந்து கவணித்தார் அந்தஎறும்பானது தான் செல்லும் வழியில் அந்த சிறிய எறும்பால் கடந்து செல்லமுடியாதவாறான கீரல் ஒன்று தரையில் இருந்தது அதன் மீது இந்த இலையை இழுத்து சென்று வைத்தது இப்போது அந்த இலையானது அந்த எறும்பால் கடக்க முடியாதவாறு தரையிலிருந்த கீரலிற்கு மேல் ஒருபாளம் போன்று ஆகிவிட்டது அதனால் அந்த எறும்பானது அனாயசமாக அந்த இலையின்மீது ஊர்ந்து சென்று கீரலின் அடுத்தபகுதிக்கு சென்றது அங்கு தின்பண்டங்களின் கழிவுகள் சிறிய மலைபோன்ற கொட்டப்பட்டு இருந்தன அவற்றில் ஒவ்வொன்றாக தன்னுடைய வாயால் பிடித்து இழுத்துகொண்டு அந்த இலையின் மேல் மெதுவாக ஊர்ந்து கீரலிற்கு இந்த பக்கத்தில் கொண்டுவந்து தன்னுடைய வசிப்பிடத்திற்கு கொண்டுசேர்த்தது இதனை கண்டவுடன் அடடா ஒரு சிறிய எறும்பு தனக்குமுன் அதனால் கடக்கமுடியாத அளவிற்கு பெரிய பள்ளம் போன்று இருந்ததடையை தாண்டிசெல்வதற்கு அருமையான வழியை கண்டுபிடித்து தனக்கு தேவையான உணவினை கொண்டுவந்த சேர்த்திட துவங்கிவிட்டதே என ஆச்சரியம் அடைந்தார் அதனை தொடர்ந்து நம்பிக்கையுடன் இன்று நாம் நம்முடைய வியாபாரத்தில் எதிர் கொண்டுள்ள பிரச்சினைக்கான தீர்வினை கண்டிப்பாக முயற்சிசெய்து தீர்வுகாண்போம் வெற்றி கொள்வோம் என முடிவெடுத்தார்