ஞாயிறு, 9 ஆகஸ்ட், 2020
எதையும் வாக்குறுதி அளிப்பதற்கு முன்பு நன்கு சிந்தித்து வாக்குறுதி அளித்திடுக
வியாழன், 6 ஆகஸ்ட், 2020
சிறு வணிகநிறுவனங்களுக்கானசிறிய நடுத்தர நிறுவனங்களின் துவக்கநிலை பொதுவெளியீடு(SME IPO)
கடந்த சில ஆண்டுகளாக, சிறு நடுத்தர நிறுவனங்கள் (Small and Medium Enterprises (SMEs) ) இந்திய பொருளாதாரத்தின் மிகவும் பிரமிப்பூட்டும் அளவில் வளர்ந்து வருகின்றன.பெரிய அளவிலான தனியார் பொது த்துறை நிறுவனங்களுடன் ஒப்பிடுகையில், இ்ந்த SME க்கள் மிகக் குறைந்த முதலீட்டைக் கொண்டுள்ளன, ஆனால் அவை இந்திய நாட்டுமக்களுக்கு வழங்குகின்ற வேலை வாய்ப்புகளானவை பெரிய நிறுவனங்களை விட நான்கு மடங்கு அதிகமாகும் , இதனால், SME க்கள் நம் நாட்டின் மொத்த உள்நாட்டு உற்பத்தியில் மிகமுக்கிய பங்களிப்பாளராக விளங்குகின்றன. இவை வட்டார அளவிலான வளர்ச்சியை சமநிலைப்படுத்துவதற்கும், சமமான பொருளாதார வளர்ச்சியுடன் வருமான சமத்துவமின்மையைக் சரிசெய்து கொண்டுவருவதற்கும் பேருதவியாக அமைந்துள்ளன.அதாவது SME க்கள், நம்முடைய நாட்டின் வளர்ச்சிக்கும் முன்னேற்றத்திற்கும் முக்கிய பங்கு வகிக்கின்றன, ஏனெனில் அவை பொதுமக்களுக்கான வேலை வாய்ப்புகளை உருவாக்குவதற்கான முக்கியஆதாரமாகவிளங்குகின்றன. வேலைவாய்ப்புகளை வழங்குவதைத் தவிர, SME க்கள் நாட்டின் அனைத்து பகுதிகளிலும் குறிப்பாக கிராமப்பகுதியில் இவை செழித்து வளரும்போது நாட்டின் ஒட்டுமொத்த வளர்ச்சியை உறுதி செய்கின்றன, அதனால் இவை கிராமப்புற பொருளாதார மேம்பாட்டிற்கும் நாட்டின் பின்தங்கிய பகுதிகளின் பொருளாதார மேம்பாட்டிற்கும் பேருதவியாய் திகழ்கின்றன. இந்த SME களானவை பெரிய தொழில்நிறுவனங்களுக்கு , துணை அலகுகளாக, தோள்கொடுத்து அவைகளின் தடையறா இயக்கத்திற்கும் வளர்ச்சிக்கும்பேராதரவை வழங்குவதன் வாயிலாக நமது நாட்டின் பொருளாதாரா வளர்ச்சியில் பெரும்பங்கு வகிக்கினறன. வெற்றிகரமான SME களின் சிறந்த சமநிலை என்னவென்றால், அவை புதிய முயற்சிகளைத் தொடங்க மக்களை ஊக்குவிக்கின்றன, மேலும் புதுமையான ஆலோசனைகளைப் பற்றி சிந்திக்க, போட்டித் தன்மையை மேம்படுத்துகின்றன எல்லாவற்றிற்குமேலாக இவை பொருளாதாரத்தை மிகச்சிறப்பாக வழிநடத்தி செல்லுகின்றன. SME களின் வளர்ச்சிகளுக்கான தடைகள் சிறு வணிகநிறுவனங்கள் நாட்டின் பொருளாதார வளரச்சிக்கு பேரார்வங்களைக் கொண்டிருக்கின்றன, ஆனால் அவற்றின் செயல்முறையில் பல்வேறுவகையிலான இடையூறுகளையும் சிக்கல்களையும் எதிர்கொள்கின்றன, எல்லாவற்றிற்கும் மேலாக முதன்மையாக மிகப்பெரியஇடையூறாக இருப்பது அவைகளின் தடையற்றஇயக்கத்திற்கு போதுமான அளவிற்கு நிதி உதவியைப் பெறுவதாகும். எந்தவொரு முதலீட்டாளரையும் சமாதானப்படுத்துவதும், அவர்களின் கனவை யதார்த்தமாக மாற்றுவதும் கிட்டத்தட்ட சாத்தியமற்ற செயலாகும், எனவே, முதலீட்டிற்கான கணிசமான தொகையினை மூலதனக் கடன்களாகப் பெறுவது சாத்தியமற்றதாக அமைகின்றது. இவ்வாறான சூழலில் நிதி நிறுவனங்கள் துவக்கநிலைநிறுவனங்கள் , தனிநபர் நிறுவனங்கள் ஆகிய SMEகள் தங்களுக்குத்தேவையான மூலதன நிதியை அணுகுவது சந்தேகத்திற்கு இடமின்றி அவைகளின் விரும்பிய வளர்ச்சியில் மிகப்பெரிய தடையாக இருந்துவருகின்றன. எந்தவொரு வணிகநிறுவனத்திற்கும் ‘அவ்வணிகத்தின் உயிர்நாடி’ என்பது அவைநன்றாக செயல்படுவதற்கு தேவையான நிதிவசதிபெறுவதாகும் மிகச்சரியாகக் கூறவேண்டுமெனில் இந்நிதிவசதியானது எப்போதுமே SME க்களுக்கு குறுகிய காலவிநியோகத்தில் மட்டுமேஉ ள்ளது, அதனால் அவைகளின் விரிவாக்கத்தையும் வளர்ச்சித் திட்டங்களையும் செயல்படுத்துவதற்கு தேவையான நிதிவசதியைஉடனுக்குடன் பெறமுடியாத நிலையானது SME களை மேலும் வளர்ச்சிபெறமுடியாமல்தேக்கநிலையை அடையச்செய்கின்றன. தற்போது நமது நாட்டில் கிட்டத்தட்ட 55 மில்லியன் SME க்கள் செயல்பட்டு வருகின்றன, மேலும் இவை 60 மில்லியன் மக்களுக்கு வேலைவாய்ப்புகளை அளித்து அவர்களின் வாழ்வாதாரத்திற்கு அடிப்படையாக அமைந்திருப்பதால், இவை மிகப்பெரிய வேலைவாய்ப்பு வழங்குநராக இருப்பதில் ஆச்சரியமில்லை. SME களின் பங்களிப்பை அரசாங்கம் ஒப்புக்கொள்கிறது அவர்கள் எதிர்கொள்ளும் பிரச்சினைகள் குறித்து நன்கு அறிந்திருக்கிறது. , அவைகளுக்கு இணக்கமான செயல்களையும் நிதி உதவிகளையும் பெறுகின்ற நடவடிக்கைகளை எளிதாக்குவதற்கு ஏதுவாகவும் அரசானது செயல்பட்டு வருகின்றது. அதன் தொடர்ச்சியாக SME IPO எனும் திட்டத்தின் வாயிலாக தங்களுக்கு தேவையான நிதியை பொதுமக்களிடமிருந்து திரட்டிகொள்வதற்கான வசதியை துவக்கியுள்ளது இந்தியாவில் SME களின் மகத்தான பங்கு உணரப்பட்டு அவற்றின் பரந்த அளவிலானவளர்ச்சியினை புரிந்துகொண்டு, அர்ப்பணிப்பு உணர்வுடன் SME IPO எனும் திட்டத்தினை நடைமுறைபடுத்திடுவதற்காக இந்திய அரசால்NSE , BSE ஆகிய தளங்கள் நிறுவப்பட்டுள்ளன. குறிப்பு SME IPO என்பது சிறுநடுத்தர நிறுவனங்களில் (Small and Medium Enterprises (SMEs) ) பொது மக்களின் துவக்கநிலை முதலீட்டிற்கான வாய்ப்பு (Initial Public Offer) எனும் திட்டத்தின் படி பரவலாக பொதுமக்களும் இந்த SMEகளில் தங்களுடைய முதலீட்டினை இடுவதற்கான வாய்ப்பினை வழங்குவதாகும் இந்த பங்குபரிமாற்றதளங்கள் SMEகளுக்கு SME IPO புதிய பட்டியல் வெளியிடும் வாய்ப்பை வழங்குகின்றன, இதனால் SMEகளும் பொதுமக்களிடமிருந்து ஏராளமான அளவில் நிதிதிரட்டுவதற்கான வாய்ப்புகளை பெறுகின்றன.SMEகளின் ஒட்டுமொத்த முயற்சிகளுக்கு தேவையான மூலதனத்தை எளிதில் அணுகுவதற்கான சிறந்த வழியாக இருப்பது SME IPO பட்டியலிடும் வழிமுறைக்கு செல்வதாகும். அவ்வாறான SME IPOவை வெளியிடுவதற்கான தகுதிகள் பின்வருமாறு
SME IPO இல் புதியதாக பட்டியலிடுவதற்காக விண்ணப்பிப்பதற்கு முன் வேறு சில முக்கியமான காரணிகளை கருத்தில் கொள்ளப்பட வேண்டும். 1. தொழில்துறை நிதி புனரமைப்பு வாரியத்தின் ((BIFR)) அல்லது தற்போதைய IBCஎனும் நிறுவன நொடிப்புதீர்வு வாரியத்தின் நடவடிக்கையி ன் கீழ் நிறுவனம் இருக்கக்கூடாது. 2. நீதிமன்றத்தால் ஏற்றுக்கொள்ளப்பட்ட நிறுவனத்திற்கு எதிராக எந்தவொரு மனுவும் இருக்கக்கூடாது. 3. SME IPO பட்டியலிடுவதற்கான விண்ணப்பத்தை சமர்ப்பித்த நாளிலிருந்து முந்தைய ஒரு வருடத்தில் நிறுவனத்தினை உருவாக்கியவர்களில்(Promoters) எந்த மாற்றமும் இருக்கக்கூடாது. SME IPO பட்டியலிடுவதற்கான நடைமுறை SME க்களுக்கான IPO செயல்முறையை முதன்மைப்படுத்துவதுஎன்பது ஒப்பீட்டளவில் எளிதானது நிறுவனம் இவ்வெளியீட்டிற்காக ஒரு முன்னணி மேலாளரை நியமிக்கும் நாளிலிருந்து கிட்டத்தட்ட 5-6 மாதங்கள் ஆகும். வணிக வங்கியாளரை நியமித்தல், மூலதன கட்டமைப்பு, அதற்குரிய விடாமுயற்சி , IPO-க்கு முந்தையசெயல்முறை, வங்கியாளர்கள், பதிவாளர், சந்தை தயாரிப்பாளர்கள், RTA போன்றவர்களை நியமித்தல், வெளியீட்டு ஆவணம் தயாரித்தல் (DRHP), பங்குசந்தையில் DRHP ஆவணத்தை சமர்ப்பி்த்தல் , பங்கு பரிமாற்ற சந்தையிலிருந்தும் நிறுவனங்களின் பதிவாளரிடமிருந்தும்(RoC) ஒப்புதல்பெறுதல், வெளியிடும் பங்குகளுக்கான விலை நிர்ணயம் செய்தல், பொது வெளியீட்டைத் திறத்தல், வெளியீடுசெய்தல் பங்குகளை ஒதுக்கீடுசெய்தல், பட்டியலிடுதல் , வர்த்தகம் செய்தல் ஆகியவை SME IPO பட்டியலிடுவதற்கான பொதுவான நடைமுறைகளாகும் SME IPO வெளியிடுவதால் கிடைக்கும் நன்மைகள் 1. சமபங்குவெளியீட்டின் வாயிலாக முதலீட்டு தொகையை SMEகளில் உள்ளீடு செய்வதன் மூலம் அவைகளின் மூலதனத்தை பொதுமக்கள் அணுகுவதற்கான வாய்ப்பு கிடைக்கின்றது. 2. இவ்வாறான வெளியீடானது பொதுமக்களிடம் SME களின் கவுரவத்தையும் நம்பகத்தன்மையையும் வளர்ப்பதோடுமட்டுமல்லாமல், நிறுவனத்தின் நிகர மதிப்பையும் மேம்படுத்துகிறது. 3. நிறுவனத்தின் நிகர மதிப்பு உயர்வுஅடைவதால் அந்நிறுவனத்தை விரிவுபடுத்தவும், மேம்படுத்தி பன்முகப்படுத்தவும், முடிகின்றது. 4. முன்னுரிமை பங்குகள் வெளியீடு, உரிமைபங்குகள் வெளியீடுகள், தகுதிவாய்ந்த நிறுவன முதலீடு (QIP) பிற சர்வதேச நிதி திரட்டும் கருவிகள் என்பன போன்ற பல்வேறு மூலங்களிலிருந்து SME க்கள் போதுமான மூலதனத்தை திரட்ட முடியும். 5. இவ்வெளியீடானது பொதுமக்களின் கைகளுக்கு செல்வதன் மூலம், நிறுவனம் பங்குதாரர்களுக்கு தேவையான பணப்புழக்கத்தை வழங்குகின்றது. இவ்வெளியீடானது பொதுமக்களின் கைகளுக்கு சென்றபின் SME களின் வளர்ச்சி விகிதமானது மிகவும் ஊக்கமளிக்கின்றது, எனவே, இதனை தொடர்ந்து மேலும் தொடக்கநிலை(STRATUP) நிறுவனங்களும் சிறு வணிகநிறுவனங்களும் இதேபோன்று பொதுமக்களுக்காக பட்டியலிடுவதற்காக தயாராகி வருகின்றன. SME IPO பட்டியல் வளர்ந்து வரும் நிறுவனங்கள் சமபங்குகளின் மூலம் மூலதனத்தை திரட்டக்கூடிய ஒரு வழியைத் உருவாக்குகின்றதுது, இதனால் சேகரிக்கப்பட்ட நிதியும் நிறுவனத்தின் தேவையைப் போலவே முழு சுதந்திரத்துடன் அதைப் பயன்படுத்துவதற்கான வசதியையும் அளிக்கின்றது. வெற்றிகரமான IPO பட்டியலிடும் செயலானது முதலீட்டாளர்கள், முதலாளிகள் பணியாளர்கள் ஆகிய அனைத்து தரப்பினர்களுக்கும் பேரளவு நன்மைகளைத் வழங்குகின்றது
திங்கள், 3 ஆகஸ்ட், 2020
புதியவர்கள் ஒரு சட்டத்தைப் படித்தால் புரிந்துகொள்வதற்கான சட்டம் பற்றிய அடிப்படைகள்
பொதுவாக பொதுமக்கள் செயல்படும் சூழல் ,சமுதாயத்தினுடைய தேவைகள்ஆகியவற்றின் அடிப்படையிலேயே சட்டங்கள் அனைத்தும் உருவாக்கப் படுகின்றன. நாம் வாழும் மனித சமுதாயம் ஒருபோதும் நிலையானதாக இல்லாததால், நமது சட்டங்களும் அவ்வப்போது மாறிக்கொண்டே இருக்கின்றன . நம்முடைய வாடிக்கையாளர்களை நாம் கையாளும் போது பயன்படுத்தி கொள்கின்ற இன்று நாம் பயன்படுத்தி கொண்டுவரும் சட்டங்களும் விதிகளும் எப்போதும் நிலையாக அப்படியே இருக்கும் என்பது ஒருபோதும் உறுதியாகத் தெரியவில்லை. அதனால் தற்போது நாம் பயன்படுத்திகொள்வதற்காக கிடைக்கும் புத்தகங்கள் எதுவும் நமக்கு பிற்காலத்தில் உதவாது, அந்நிலையில் நாம் முதன்முதலில் நிறைவேற்றபட்ட உண்மையான சட்டங்களுக்கு திரும்பிச் செல்ல வேண்டியிருக்கும். இருப்பினும், ஒரு வெற்றுச் சட்டங்களின்(Bare Acts) சட்ட மொழியில் படிப்பது என்பது நம்முடைய அலமாரியில் உள்ள வேறு ஏதேனுமொரு புத்தகத்தைப் படிப்பதைப் போன்றதன்று. இதற்கு சட்டத்தின் மொழி பற்றிய சிறப்பான புரிதலும் சரியான விளக்கமும் நமக்கு தேவையாகும். அத்தகைய சூழ்நிலையில், வெற்றுச் சட்டங்களைக் குறிப்பிடாமல், அவற்றைப் பற்றிய நுண்ணறிவுகளைப் பெற முயற்சிக்காமல், அந்த குறிப்பு புத்தகங்களின் உதவியுடன் தற்போதைய சட்டங்களைப் படித்து புரிந்துகொள்வதன் மூலம் இதற்காக நடத்தபெறும் தேர்வுகளில் மட்டும் வெற்றி பெறுவது சரியன்று
அதனால் சட்டத்தை படிக்கவிரும்பும் ஒவ்வொருவரும் எந்தவொரு சட்டத்தையும் படிக்கும்போது மிகவும் விழிப்புடன் இருக்க வேண்டும் என்பதற்காக இங்கு ஒரு சில விவரங்களைக் கண்டுபிடித்து தொகுத்து வழங்க முயற்சிக்கப்படுகின்றது. இருப்பினும்,இந்த பட்டியல் முழுமையானது அன்று என்ற செய்தியை மனதில் கொண்டு தொடர்ந்து செல்க.
1. பொதுவாக இந்தியாவில் நாம் பயன்படுத்தி கொண்டுவருகின்ற அனைத்து சட்டங்களும் இந்திய நாடாளுமன்றத்திலோ அல்லது மாநிலங்களின் எந்தவொரு மாநில சட்டமன்றத்திலோ நிறை வேற்றப் பட்டவைகளாகும். ஒரு நாட்டின் பல்வேறு பிரச்சினைகள் குறித்த பல்வேறு விதிகளும் ஒழுங்குமுறைகளும் உள்ளன. இருப்பினும், ஒவ்வொரு பிரச்சினையிலும் சட்டத்தை உருவாக்க வும் நிறைவேற்றிடவும் ஒவ்வொரு அரசாங்கத்திற்கும் (மத்திய அல்லது மாநில) அதிகாரம் இல்லை. அதாவது இந்திய அரசியலமைப்பின் ஏழாவது அட்டவணையில் சட்டமியற்றிடும் அதிகாரங்கள் (மாநில அரசுகளும் ஒன்றிய அரசும் நாட்டில் எழும் பிரச்சினைகள் குறித்து சட்டங்களை உருவாக்க அதிகாரம் பெற்றவைகளாகும் ) அவ்வாறான சட்டம் இயற்றிடும் அதிகாரங்கள் 1.இந்திய ஒன்றியத்தின் பட்டியல் , 2 இந்திய ஒன்றியம் ,மாநிலங்கள் ஆகிய இரண்டிற்குமான பட்டியல் , 3.மாநிலங்களின் பட்டியல் என்றவாறு மூன்றாக பிரிக்கப்பட்டுள்ளன:
.
2. ஒரு சில சட்டங்களின் பெயருக்கு முன்பு 'Central ' என்ற சொல் முன்னொட்டாக ஏன் வருகின்றது என நம்மில் எத்தனை பேருக்கு தெரியும் (இது குறித்த விவரங்களை அறிந்து கொண்டுள்ளோம்). அல்லது நம்மில் எத்தனை பேருக்கு இது மாநில சட்டம் அன்று நாடளுமன்றத்தால் நிறைவேற்றப்பட்ட ஒரு மத்திய சட்டமாகும் அதனால் இந்த 'Central ' என்ற சொல் முன்னொட்டாக வந்துள்ளது என தெரிந்து கொண்டிருக்கின்றோம். அதெல்லாம் சரி, சுங்க சட்டம், 1962 (Customs Act, 1962 )பற்றி நமக்கு என்ன தெரியும்? இதுவும் இந்திய நாடாளுமன்றத்தால் நிறைவேற்றப்பட்ட ஒரு மத்தியச் சட்டம்தான், ஆயினும் இதில் 'Central' என்ற முன்னொட்டு சொல் இல்லையே. அதனால் இது மத்திய அரசுச்கு சொந்தமானது அன்று என தவறாக எண்ணக்கூடாது நிச்சயமாக அது ஒரு முழுமையற்ற பதிலாகும் .இந்நிலையில் 'Central' என்ற முன்னொட்டு சொல் எப்போதும் மத்தியஅரசின் சட்டங்களுடன் முன்னொட்டாக இருக்கும். ஆனால் அவ்வாறான 'Central' என்ற முன்னொட்டு சொல் அனைத்து மத்திய அரசின் சட்டங்களிலும் இல்லையே ஆயினும் அவற்றை மத்திய அரசு நடைமுறைபடுத்தி வருகின்றதே எனும் சந்தேகம் நம்மனைவருக்கும் எழும் நிற்க . பொதுவாக மத்தியஅரசு மாநிலஅரசுகள் ஆகிய இரு அரசாங்கங்களுக்கும் சட்டங்களை உருவாக்குவதற்கான அல்லது இயற்றுவதற்கான அதிகாரங்களை பெற்றுனள்ளன இருந்தபோதிலும் இந்தியா முழுவதற்குமான பிரச்சினைகள் குறித்த சட்டங்களை மாநில சட்டத்திலிருந்து வேறுபடுத்தி காண்பிப்பதற்காக மத்திய அரசால் 'Central என்ற சொல் முன்னொட்டாக சேர்க்கப்படுகின்றன.( Central Goods And Service Tax Act(CGST),என்பது மத்திய அரசிற்கு உரியது Integrated Goods And Service Tax Act(IGST) என்பது மாநிலங்களுக்கு இடையேயான சட்டமாகும் State Goods And Service Tax Act(SGST)என்பது மாநில அரசுகளுக்கு உரியது) . ஆயினும் மத்திய அரசால் கொண்டுவரப்படும் வேறுசில சட்டங்களில் 'Central' என்ற சொல்கொண்டிருக்கவில்லையே, ஏனெனில் மைய அரசிற்கு உரிய உரிமையின் அடிப்படையில் அயலுறவு ,பொருட்களை அயல்நாடுகளிலிருந்து இறக்குமதி செய்தல் அயல்நாடுகளுக்கு பொருட்களை ஏற்றுமதி செய்தல் போன்றவை தொடர்பான சட்டத்தை உருவாக்க எந்த மாநில அரசாங்கங்களுக்கும் அதிகாரம் வழங்கப் படவில்லை. அவ்வாறே வருமானவரி வசூலித்தல் தொடர்பான வருமான வரிச் சட்டம், 1961 இல்'Central' என்ற சொல் இல்லை என்பதை நினைவில் கொள்க. ஆயினும் வேளாண்மை வருமானம் குறித்த சட்டத்தை உருவாக்க மாநில அரசுகளுக்கு அதிகாரம் இருந்தாலும், விவசாய வருமான வரிவிதிப்பை நிர்வகிக்கும் எந்தவொரு சட்டத்தையும் இன்றுவரை எந்த மாநிலமும் வடிவமைக்கவில்லை.என்ற செய்தியை மனதில் கொள்க
3. நாம் எப்போதாவது எந்தவொரு புதிய சட்டத்தை பார்த்ததாலும், அதில் No _ of Year _). போன்ற சொற்களைக் பார்த்திருப்போம். எ.கா. நிறுவனங்களின் சட்டம், 2013 (No. 18 of 2013). இது உண்மையில் எதைக் குறிக்கிறது என்று எப்போதாவது யோசித்தோமா? எந்த ஆண்டில் குறிப்பிட்ட சட்டம் நிறைவேற்றப் பட்ட து என்றும் எத்தனையாவது சட்டமாக நிறைவேற்றபட்டது என்றும் இது குறிக்கிறது. கொடுக்கப்பட்ட எடுத்துக்காட்டில்,இதில் பிறையடைப்பில் உள்ள, 2013 என்பது2013 ஆம் ஆண்டில் நிறைவேற்றப்பட்டது எண் 18 என்பது அது18 வது சட்டமாக நிறைவேற்றபட்டதாக கூறுகிறது.
4. யாராவது நம்மிடம் வந்து வருமான வரிச் சட்டம், 1961 இன் நோக்கம் என்ன? என்ற ஒரு அடிப்படை கேள்வியைக் கேட்டால், தொழில் ரீதியாக அதற்கு நாம் எவ்வாறு பதிலளிக்க முடியும்? ஒவ்வொரு சட்டத்திற்கும் ஒரு முன்னுரை( preamble) உள்ளது, அது அந்த சட்டத்தின் நோக்கங்களை குறிக்கின்றது. அதாவது எந்தவொரு சட்டத்திலும் பிரிவு -1 க்கு மேல்பகுதியான, அந்த சட்டத்தின் முதல் பக்கத்தில் அந்த சட்டம் இயற்றப்படுவதற்கான நோக்கத்தைத் தேடினால் கண்டிப்பாக கிடைக்கும். எ.கா. வருமான வரிச் சட்டத்தின் குறிக்கோள்களாக அந்த சட்டத்தின் முதல்பக்கத்தின் முன்னுரையின் (preamble )படி, வருமான வரி மற்றும் முதன்மை வரி தொடர்பான சட்டத்தை ஒருங்கிணைத்து திருத்தம் செய்திடுதல் எனக் குறிப்பிடப் பட்டிருக்கும்
5. ஒவ்வொரு சட்டமும் பகுதிகளாகவும் பிரிவுகளாகவும் இடையிடையே பிரிக்கப்பட்டுள்ளது. மேலும், இது துணைப்பிரிவுகள், உட்பிரிவுகள், துணை உட்பிரிவுகள்ஆகியவற்றைக் கொண்டுள்ளது. ஆனால், "Section - 40(1)" என்பது குறித்து விவரமாக கூறுக என யாரவது நம்மிடம் கோரினால், நாம் எவ்வாறு அதனை பார்த்து அதனுடைய விவரங்கள்குறித்து விவரிக்க முடியும்? அதாவது பிரிவு 40 இன் துணைப்பிரிவு 1 அல்லது பிரிவு 40 இன் இனம் (Clause) 1? இவற்றுள் எது சரி, சட்டத்தில் கொடுக்கப்பட்ட பிரிவைப் பார்க்காமல் பேசுவது நடைமுறையில் சாத்தியமற்றது. ஏனெனில், பிரிவுக்குப் பிறகு ஏதேனும் அடிப்படைக் கோடு( Base Lline) கொடுக்கப்பட்டிருந்தால், அது ஒரு இனம் (Clause),ஆகும் இல்லையெனில் அது துணைப்பிரிவாகும். இதனை புரிந்து கொள்வதற்காக வருமான வரிச் சட்டத்தின் விரிவான எடுத்துக்காட்டு ஒன்றினை இப்போது காண்போம்: வருமான வரிச் சட்டத்தின் 24 வது பிரிவைப் பார்வையிட்டால், அது பின்வருமாறு கூறுகிறது:
பிரிவு 24. "Income from house Property" என்ற தலைப்பில் வசூலிக்கக்கூடிய வருமானம் பின்வரும் விலக்குகளைச் செய்தபின் கணக்கிடப்படும், அதாவது: -
(a) A sum equal to எனத்துவங்கிடும் இதனுடைய உட்பிரிவு (a) , பிரிவு (24) ஆகிய இரண்டிற்கும் இடையில் ஒரு அடிப்படைக் கோடு உள்ளது. எனவே இது பிரிவு 24 இன் இனம் (Clause), (a) ஆக படிக்கப்படும். இருப்பினும், இதே சட்டத்தின் பிரிவு 23 ஐப் பார்வையிட்டால், 23. (1) for the purposes of section 22 எனகுறிப்பிடப்பட்டுள்ளது இங்கு துனைப்பிரிவு (1) பிரிவு (23) ஆகியஇரண்டிற்கும் இடையில் அவ்வாறான அடிப்படைக் கோடு எதுவும் இல்லாததை காணலாம். எனவே, இது பிரிவு 23 இன் துணைப்பிரிவு (1) ஆக படிக்கப்படும்.
6. இப்போதெல்லாம் சட்டமியற்றுபவர்கள் ஒரு சில நேரங்களில் "a, b, c ..." ஆகியவற்றை உட்பிரிவுகளாகவும் வேறு சில நேரங்களில் "1, 2, 3 .." ஆகியவற்றை உட்பிரிவுகளாகவும் பயன்படுத்து கின்றனர்? அவ்வாறாயின் சட்டமியற்றுபவர்கள் தம்முடைய விருப்பப்படி ஒருசில சட்ட பிரிவுகளுக்கு பிரிவு 40 (a ),40 (b ), 40 (c ) ... என்றவாறும் வேறுசில சில சட்ட பிரிவுகளுக்கு பிரிவு 22(1), 22(2), 22(3 ) ... என்றவாறு அவரவர்களுடைய விருப்பத்தின் பேரில் உருவாக்கமுடியுமா? நிச்சயமாக இல்லை. உண்மையில் சட்டத்தின் பிரிவில் 26 அல்லது அதற்கும் குறைவான உட்பிரிவுகளை மட்டுமே சேர்க்கப்பட வேண்டும் என்ற நிலையில், "a, b, c,..." என்பவற்றை உட்பிரிவுகளாகயும் ஒரு சட்டத்தின் உட்பிரிவுகளானவை அதற்கும் அதிகமாக இருந்தால் "1, 2, 3,..." என்பவற்றை உட்பிரிவுகளாக வும் பயன்படுத்தி கொள்கின்றனர்
7. ஒருசில சட்டப்பிரிவுகளில் (40A (2), 47A) என்றவாறு குழப்பமான பிரிவுகளை கொண்டிருந்தால் அதென்ன அவைகளில் ஆங்கில பெரியஎழுத்து A என்பதை சட்டத்தின் பிரிவுஎன்களுடன் சேர்த்து கொடுத்து விடுகின்றனர் என்று மனம் ஒரே சோர்வாக இருக்கிறதா? கவலையேப்படாதீர்கள் இந்த ஆங்கில பெரிய எழுத்து A ஆனது பொதுவாக குறிப்பிட்ட சட்டப்பிரிவில் செய்யப்பட்ட திருத்தத்தை குறிக்கிறது.
8. உள்ளடக்கிய வரையறைகள் ஒவ்வொரு சட்டத்தின் ஒரு பகுதியாகும். புனைகதையாக கருதுகின்ற உள்ளடக்கத்தை உருவாக்கப் பயன்படும் "Include" என்ற சொல் ஒரு வரையறையின் நோக்கத்தை அதன் பொது அர்த்தத்திற்கு அப்பால் நீட்டிக்கிறது. ஒரு சாதாரண மனிதனின் மொழியில், "Include" என்ற சொல்லுடன் துவங்கும் ஒரு வரையறை இருந்தால், இதன் பொருள் பொதுவாக அந்த சொல்லின் அர்த்தம் என பொதுவாகக் கருதப்படுவதைத் தவிர, அதற்கு பின்வருவனவும் அதனுடன் உள்ளடங்கியதாகக் கருதப்படும் .
9. ஒவ்வொரு சட்டத்திற்கும் பொருந்தக்கூடிய ஒரு சட்டப்பிரிவுகளில் அவற்றை திருப்தி செய்வதற்காக பல்வேறு நிபந்தனைகள் உள்ளன. அத்தகைய நிலைமைகளில் பொதுவாக "AND" அல்லது "OR" உடன் அந்த நிபந்தனைகள் பிரிக்கப்படுகின்றன. அவ்வாறு பிரிப்பதில் இவ்விரண்டும் என்ன வித்தியாசத்தை உருவாக்குகின்றன? ஒரு சட்டப்பிரிவில் இரண்டு அல்லது அதற்கு மேற்பட்ட நிபந்தனைகளுக்கு இடையில் "AND" இருந்தால், அவை அனைத்தும் திருப்தி அடைந்தால் மட்டுமே குறிப்பிட்ட சட்டப்பிரிவு செயலில் இருக்கும் .வேறொரு சட்டப்பிரிவின் நிபந்தனைகளுக்கு இடையில் "OR" என்ற சொல் இருந்தால், அவற்றில் ஏதேனும் ஒரு நிபந்தனையை மட்டும் திருப்தி செய்தால் போதுமானதாகும் என குறிக்கின்றது .
10. சட்டம் என ஒன்று இருந்தால் அந்த சட்டத்திற்கு எப்போதும் விதிவிலக்குஎன்ற ஒன்றும் கண்டிப்பாக இருக்கும்; அவ்வாறான சட்டத்தின் விதிவிலக்குள் கூட. பல்வேறாக இருக்கும். அவை Proviso's என்பதன் உதவியுடன் சட்டப்பிரிவுகளுக்கிடையில் வழங்கப்படுகின்றன. "Provided that" என்று துவங்குபவை அந்த சட்டப்பிரிவின் அவ்வாறான விதிவிலக்குகளாகும் என்பதை நினைவில் கொள்க
11. வழக்குச் சட்டங்கள் (Case Laws ) என்பவை எப்போதும் எந்தவொரு சட்டத்தின் ஒரு பகுதியாகும். எனவே, அவற்றின் சரியான மேற்கோளைப் பற்றி அறிந்து கொள்வது மிகவும் முக்கியமாகும் எடுத்துக் காட்டாக Union of India Versus Delhi Cloth and General Mills Co. Ltd. 1977 (1) E.L.T. (J 199) (S.C.)
- இதில், Union of India என்பவர் ஒரு மேல்முறையீட்டாளர் (அல்லது வாதியாவார்)
- அதாவது இந்த வழக்கினை தாக்கல் செய்த வர் ஆவார்.
- Delhi Cloth and General Mills Co. Ltd. என்பவர் அவ்வழக்கின்ஒரு பிரதிவாதி (அல்லது பதிலளிப்பவர்)
- 1977 என்பது இந்த வழக்கின் தீர்ப்பு வெளியிடபட்ட ஆண்டு ஆகும்.
- (1) என்பது தீர்ப்பு வெளியிடப்பட்ட பத்திரிகையின் தொகுப்பு எண் ஆகும்.
- E.L.T.. அந்த தீர்ப்பினை வெளியிட்ட வெளியீட்டாளர் அல்லது பத்திரிகையாகும்.
- (J 199) என்பது. அந்த தீர்ப்பு வெளியிடப்பட்ட இதழின் பக்க எண் ஆகும்.
- (S.C.)என்பது அந்த தீர்ப்பு எந்த நீதிமன்றத்தில் வழங்கப்பட்டது எனக்குறிப்பிடும் நீதிமன்றத்தின் பெயராகும் .
12. தடைசெய்யப்படாத இனம்(Clause ) - இவை கொடுக்கப்பட்ட நிபந்தனைகளின் திருப்தி குறித்த ஒரு சில விதிகளை( provisions) இரத்து செய்யும் அதிகபட்ச ஆளுமை கொண்ட இனங்களாகும்( clauses) . இவை பொதுவாக பின்வரும் வழியில் உள்ளடக்கங்களாக உள்ளன; "Notwithstanding anything contained in". என்றவாறும். அதுமட்டுமல்லாமல் "Subjects to the provisions of." என்றவாறான உள்ளடக்கங்களாககூட இருக்கலாம்
வேறு ஒருசில பொதுவானவைகள்
1. வருமான வரிச் சட்டத்தில், "Income from House Property" என்ற பெயரில் ஒரு தலைப்பு இருப்பதும், "Property consisting of any building or land". என்று பொறுப்பு ஏற்பு செய்திடும் விதிகள் பிரிவு 22 இல் இருப்பதும் ஒரே குழப்பமாக இருக்கின்றதல்லவா? ஆயினும், தலைப்பிற்கும் அதனுடைய விதிகளுக்கும் இடையில் மோதல் ஏற்பட்டால், நிச்சயமாக பிந்தையதே மேலோங்கும் என்ற தகவலை மட்டும்தெரிந்து கொள்க .
2. நம்முடைய வருமான வரிப் பொறுப்பைக் குறைக்க மூன்று வழிகள் உள்ளன:
அ) வரி திட்டமிடல் - சட்டத்தால் வழங்கப்பட்ட நன்மைகளைப் பயன்படுத்தி முற்றிலும் சட்டபூர்வமாக குறைப்பது.
b) வரி தவிர்ப்பு - சட்டத்தில் உள்ள ஓட்டைகளை தவறாகப் பயன்படுத்துதல். உச்சநீதிமன்றத்தின் தீர்ப்பின்படி, வரி தவிர்ப்பு சட்டவிரோதமானது அன்று. இருப்பினும், எந்தவொரு பொறுப்புள்ள குடிமகனும் அதைப் பயன்படுத்தக்கூடாது.
c) வரி ஏய்ப்பு - அதை மறைப்பதற்காக தவறான தகவல்களை வழங்குவதற்காக. சட்டவிரோத நடைமுறையை பயன்படுத்துதல்.
3. பொதுவாக சட்டத்தில் உள்ள தவறுகளை ஓட்டைகள் என்று அழைக்கப்படுகின்றன. அவற்றை சரிசெய்வது " சட்டத்தின் ஓட்டைகளை அடைத்தல் ( Plugging the Loophole)" என்று அழைக்கப்படுகிறது.
இதுவரை நாம் கண்டுவந்த சட்டத்தை விளக்கம் செய்வது என்பது சட்டத்தை கற்றல்தொடர்பான ஒரு தொடர்ச்சியான மற்றும் முடிவில்லாத செயலாகும் .
சனி, 1 ஆகஸ்ட், 2020
மதிப்புமிக்க பேனா- வாழ்க்கை பாடம்
நண்பர் ஜே.ஆர்.டி டாட்டாவிடம் தான் பேனாக்களை பத்திரமாக வைத்திருக்காமல் காணாமல் போக்கிடும் தனது பொறுப்பற்ற பழக்கத்தைப் பற்றி கவலைப்படுவதாகக் கூறினார்.
ஒரு நாள், ஜே.ஆர்.டி தன்னுடைய நண்பரிடம் விலையுயர்ந்த பேனாவை வாங்குமாறு பரிந்துரைத்தார், இவ்வாறான விலையுயர்ந்த பேனாவாக இருந்தால் அவருடைய பொறுப்பு எவ்வாறு இருக்கின்றது என பார்க்கலாம் என அறிவுரைகூறினார் அதனைதொடர்ந்து . அந்நண்பரிடம் 22 காரட் தங்கத்திலான பேனாஒன்றினை வாங்கி பரிசளித்தார்.
ஏறக்குறைய ஆறு மாதங்களுக்குப் பிறகு ஜே.ஆர்.டி தன்னுடைய நண்பரைச் சந்தித்த போது, தற்போதும் பேனாவை இழக்கும் செயல் நடைபெறுகின்றதா என நண்பரிடம் வினவினார்.
நண்பர் சிரித்துக்கொண்டே, இப்போது தனது பேனாவைப் பற்றி மிகவும் கவனமாக இருப்பதாகவும், தங்கத்திலான பேனா மட்டும் தற்போது காணாமல் போகவில்லை பத்திரமாக தன்னுடைய கைவசம் இருக்கின்றது என்றும் இப்போது மட்டும் எப்படி கவனக்குறைவாக இல்லாமல் பேனாவை தான்பத்திரமாக வைத்திருக்கமுடிகின்றது என்பதைக் கண்டு ஆச்சரியப்படுவதாகவும் கூறினார்.
அதற்கான வித்தியாசம் பேனாவின் மதிப்பு மட்டுமே என்று ம் வழக்கமான அவருடைய செயல்களில் அல்லது பொருட்களின் மீதான கவனமாக வைத்திருப்பதில் அவரிடம் தவறில்லை, அவர் எதிலும் கவனக்குறைவாக இல்லை, ஆனால் கவனமானது அந்த பொருளின் அல்லது செயலின் மதிப்பிற்கு ஏற்ப மட்டுமே மாறுகின்றது என ஜே.ஆர்.டி அவருக்கு விளக்கமளித்தார்
ஆம். நாம் நம்முடைய வாழ்க்கையில் மிகவும் மதிப்புள்ள செயல்களை அல்லது பொருட்களைப் பற்றி மிககவனமாக இருக்கின்றோம். கவனம் என்பது மனிதனின் அடிப்படை பண்பு, ஆனால் எப்போது கவனமாக இருக்க வேண்டும் எப்போது கவனமில்லாமல் இருக்க வேண்டும் என்பது அந்தந்த பொருளின் அல்லது செயலின் மதிப்பிற்கு ஏற்ப மாறுபடும் .என்பதே வாழ்க்கையின்எதார்த்தமான உண்மை நிலவரமாகும் மேலும் கவனக்குறைவு என்பது அதனுடைய மதிப்பில்லாததண்மையை மட்டுமே காட்டுகிறது.நாம் பணத்தை மதிக்கிறோம் என்றால், செலவு செய்யும் போது கவனமாக இருப்போம் ..
நாம் நேரத்தை மதித்தால், நாம் நேரத்தை வீணாக்க மாட்டோம் ..
வியாழன், 30 ஜூலை, 2020
சசேவ (GST)இல்லாமல நிறுவன இயக்குநர்களுக்கு சம்பளம் வழங்குதல்
செவ்வாய், 28 ஜூலை, 2020
நம்முடைய வருமான வரி அறிக்கையை சமர்ப்பிக்கும் போது தவிர்க்க வேண்டிய நம்மை அறியாமல் நம்முடைய அறியாமையினால்செய்திடும் தவறுகள்
பெரும்பாலும் வரி செலுத்துவோர் தங்களுடைய வருமான வரிஅறிக்கைகளை சமர்ப்பிக்கும் போது தங்களை அறியாமலேயே தங்களுடைய அறியாமையினால் ஒருசில தவறுகளை செய்கிறார்கள், அவ்வாறான தவறுகள் தாங்கள் செலுத்தவேண்டிய வரிகளைத் தவிர்ப்பதற்கான நோக்கத்துடன் அன்று ஆயினும், வெறுமனே தங்களுடைய அறியாமையால். செய்யப்படும் இத்தவறுகளால் இவர்கள் குற்றமற்றவர்கள் என்றாலும் இந்த தவறுகள் விலை உயர்ந்தவை என நிரூபித்து அதற்கான அபராத தொகைஅல்லது தண்டத்தொகை அவர்கள்மீது விதிக்கபடலாம் மேலும் இதுகுறித்து நேரடியாக வருமானவரி அலுவலகத்திற்கு வந்து அதற்கான விளக்கத்தை அளிக்குமாறு வருமான வரித் துறையிலிருந்து அறிவிப்புகள்கிடைக்கப்பெறலாம். நம்முடைய வருமானவரி அறிக்கையை சமர்ப்பிக்கும் போது தவிர்க்க வேண்டிய அவ்வாறான நம்முடைய அறியாமையினால் செய்திடும் தவறுகள் பின்வருமாறு: - 1. வருமானவரி அறிக்கையின்படி நம்முடைய வருமானவிவரத்தை சரியான நேரத்தில் சமர்ப்பிக்காதது அல்லது வருமானவரி அறிக்கையையே சமர்ப்பிக்காதது வரி செலுத்துவோர் பலரின் வருமான வரி செலுத்த வேண்டிய பொறுப்பானது வருமானவரிவரந்பைவிடகுறைவாக இருக்கும்ஆனால் அவர்களின் மொத்த வருமானம் வரிவரம்பிற்கு மேல் இருக்கும்போது தங்களின் வருமானவரி அறிக்கையை சமர்ப்பிக்காது விட்டுவிடுவார்கள், .எ.கா., திரு. அ.என்பவரின்வருமானம். ரூ. 3,50,000 வருமானவரிசட்டம் VIA இன் கீழ் கழிவுகள் ரூ. 1,50,000 / -. இதன்படி இவருக்கு வரி செலுத்தவேண்டிய பொறுப்பு இல்லை, ஆனால் அவரது மொத்த மொத்த வருமானம் வரம்பைவிட அதிகமாக உள்ளது. இந்நிலையில்இவர் தான் வருமானவரி செலுத்தவேண்டிய பொருப்பு இல்லையென தன்னுடைய வருமானவரி படிவத்தை சமர்ப்பிக்கவேண்டும் வருமானவரி அறிக்கை சமர்ப்பிப்பதிலிருந்து விலக்கு என்பது தனிநபர் / இந்து கூட்டுகுடும்ப வரி செலுத்துவோரின் மொத்த வருமானம் அடிப்படை விலக்கு வரம்பை மீறாதநிலைவரைமட்டுமே. எனவே, இதுபோன்ற சந்தர்ப்பங்களில் வருமானவரி அறிக்கை சமர்ப்பிக்காதது பிரிவு 271 எஃப் கீழ் ரூ.5000/ -. அபராதம் விதிக்கப்படும் இதேபோல், எந்தவொரு காரணத்தினாலும் வருமானவரி அறிக்கையை தாமதமாக சமர்ப்பித்தால் அதற்கான தாமதமாக கட்டணம் ரூ. 10,000 / -. செலுத்தநேரிடும் மேலும், நடப்பாண்டிற்கு ஏதேனும் இழப்பு ஏற்பட்டால், இவ்வாறு தாமதமாக வருமானவரி அறிக்கையை சமர்ப்பிப்பதால் அடுத்த ஆண்டிற்கு அந்த இழபிபினை கொண்டுசென்று சரி செய்துகொள்ள முடியாது. 2. வரிவிலக்கு வருமானம் அல்லது வரி இல்லாத வருமானத்தை வெளிப்படுத்தாதது அத்தகைய வருமானம் எந்தவொரு வரிப் பொறுப்பையும் ஈர்க்கவில்லை என்றாலும், அத்தகைய வருமானத்தினை வருமானவரி அறிக்கையில் தெரிவிக்கப்பட வேண்டும். வருமான வரி அறிக்கையை சமர்ப்பிக்கும் போது பொது வருங்கால வைப்புநிதியிலிருந்து பெறும் வட்டி, வரி இல்லாத பரிசுகள், வரிவிலக்குஅளிக்கப்பட்ட நீண்ட கால மூலதன ஆதாயங்கள் போன்ற வருமானம் தெரிவிக்கப்பட வேண்டும். 3. வட்டி வருமானத்தை வெளிப்படுத்தாதது வரி செலுத்துவோர் பலர் தங்களுடைய சேமிப்புக் கணக்கிலிருந்து அல்லது நிலையான வைப்புகளிலிருந்து சம்பாதித்த வட்டியை தங்களுடைய வருமானவரி கணக்கிடுவதில் காண்பிக்க மாட்டார்கள். சேமிப்புக் கணக்கிலிருந்து கிடைக்கும் வட்டி ரூ. 10,000 / - இற்கு மேல் இருக்கும்போது வரி விதிக்கப்படுகிறது. ஆயினும் சேமிப்பு கணக்கு வட்டிக்கு பிரிவு 80TTA இன் கீழ் ரூ.10,000 / - வரி விலக்குஅனுமதிக்கப்படுகிறது. நிலையான வைப்புகளில் ஈட்டப்படும் வட்டி முற்றிலும் வரி விதிக்கப்படும். எனவே வருமான வரி அறிக்கையை சமர்ப்பிக்கும் போது அத்தகைய வருமானம் முழுமையாக கணக்கிடப்பட வேண்டும். 4. வணிகம் / தொழிலில் இருந்து வருமானங்களை கணக்கிடும்போது தனிப்பட்ட செலவினங்களுக்கான விலக்குகளை கோருதல் இது வரி செலுத்துவோர் செய்யும் மிகவும் பொதுவான தவறாகும். பெரும்பாலும், வணிகம் /தொழிலில் தனிப்பட்ட இயற்கையான செலவுகள் இலாப நட்டக் கணக்கில் பற்று வைக்கப்படு கின்றன, தொடர்ந்து வணிகம் / தொழிலில் இருந்து வருமானத்தைக் கணக்கிடும்போது அவை மீண்டும் சேர்க்கப்பட்டு வருமானமாக கணக்கிடபடுவதில்லை. எடுத்துக்காட்டாக, வரி செலுத்துவோர் பலர் தனிப்பட்ட மற்றும் வணிக பயன்பாட்டிற்காக பயன்படுத்தப்படும் மகிழுந்தின் தேய்மானத்தை முழுமையாகக் குறைத்துவிடுகின்றனர்அல்லது தனிப்பட்ட பயணச்செலவை வியாபாரத்திற்கு பயன்படுத்திய பயனச்செலவாக காண்பிக்கின்றனர். இத்தகைய தவறுகளை தவிர்க்க வேண்டும். 5. பிள்ளைகளின் வருமானத்தை கருத்தில் கொள்ளாதது பலர் தங்களுடைய பிள்ளைகளின் பெயரில் முதலீடு செய்கிறார்கள். அத்தகைய முதலீடுகளிலிருந்து கிடைக்கும் வருமானம் பெற்றோரின் வருமானத்தில் இணைத்து கணக்கிடப்பட வேண்டும். ஆனால் பெரும்பாலான சந்தர்ப்பங்களில், வரி செலுத்துவோர் (பெற்றோர்கள்) அத்தகைய தங்களுடைய பிள்ளைகளின் வருமானத்தை தங்களுடைய வருமானத்துடன் சேர்த்து கணக்கிடாமல் விட்டுவிடுகிறார்கள். இத்தகைய நடைமுறை தவிர்க்கப்பட வேண்டும் வருமானவரி அறிக்கை சமர்ப்பிப்பது ஒரு சிக்கலான நடைமுறை மேலும் வருமானவரி துறைஅறிவிப்புகளைப் பெறுவதைத் தவிர்க்க கவனமாக செயல்படுமாறு அறிவிக்கப்படுகின்றது
சனி, 25 ஜூலை, 2020
ஒரே கேள்விக்கு இருவேறுபட்ட பதில்கள்
முன்னாளில் வயதானவர்ஒருவர் ஒரு நகருக்குள் உள்நுழைவுசெய்திடும் வாயிலில் அமர்ந்திருந்தார். அப்போது குதிரைமீதுஅமர்ந்து சவாரி செய்துகொண்டு ஒரு மனிதன் அந்த நகரின் வாயிலுக்கு வந்து சேர்ந்தார், நகரின் நுழைவுவாயிலில் அந்த வயதான மனிதன் அமர்ந்திருந்ததை பார்த்ததும் அவரிடம் அந்த நகரமக்களை பற்றி விசாரித்து அறிந்து கொள்ளலாம் என தான் பயனம் செய்த குதிரையை அங்கே நிறுத்தி. அம்முதியவரிடம், "ஐயா ! இந்த ஊரின் மக்கள் எப்படிப்பட்டவர்கள்?"என கேட்டார் உடன் வயதனான முதியவர் " ஏன் கேட்கிறீர்கள்?" என அவரிடமே திருப்பி,பதில் கேள்வியை கேட்டார் அதற்கு குதிரையில் சவாரி செய்துவந்தவர் , "ஐயா !நான் இதுவரை வாழ்ந்து வந்த நகர மக்கள் மிகவும் அநாகரீக மானவர்கள், நான் அவர்களின் செயல்களினாளால் மிகவும்வருத்தப்பட்டேன், அவர்களுடன் ஒன்றாக கலந்து வாழமுடியாமல் மகவும் கலக்கமடைந்தேன். எனவே, நான் அந்த நகரத்தை விட்டே வெளியேற வேண்டி யிருந்தது, இப்போது நான் வேறு ஏதாவது ஒரு புதிய நகரில் வசிக்க விரும்புகிறேன். அதனால்தான் நான் உங்களிடம் இந்த நகரத்தில் வாழும் மக்களைப் பற்றி கேட்கிறேன் . " என பதிலளித்தார் அதனை தொடர்ந்து அம்முதியவர் , "தம்பி, அப்படியானால் நீங்கள் வேறு ஏதாவது நல்ல நகரத்தை நோக்கி செல்வது நல்லது. இந்த ஊரின் மக்கள் அதைவிட இன்னும் மோசமானவர்கள், மிகவும் துன்மார்க்கர்கள், அநாகரீக மானவர்கள். இங்கே நீங்கள் வாழமுயன்றால் முந்தைய நகரத்தினை விட அதிக சிக்கலில் மாட்டிகொள்வீர்கள், நீங்கள் வேறு எதாவது நகரத்திற்கு சென்று வாழ முயற்சிசெய்து பாருங்கள்" என்று அறிவுரை கூறி திருப்பி அனுப்பிவைத்தார்.அதனை கேள்விபட்டதும் குதிரையில் சவாரிசெய்து வந்தவர் அப்படியே திரும்பி வேறு நகரத்தை நோக்கி நகர்ந்தார். அதற்குப் பிறகு வேறொரு நபர் இன்னொரு குதிரையில் சவாரிசெய்து அதே நகரின் நுழைவு வாயிலிற்கு வந்துசேர்ந்தார். இரண்டாவது குதிரையில் சவாரிசெய்து வந்த மனிதன் அங்கு மிங்கும் சுற்றிப் பார்த்து கொண்டே வந்தார், பின்னர் அந்த வயதான கிழவனின் அருகில் வந்து நின்று, "இந்த நகரமக்கள் எவ்வாறு இருக்கிறார்கள்?" என்ற வினவினார் அம்முதியவர் , "நீங்கள் இதுவரை வாழ்ந்து விட்டு வருகின்ற நகர மக்கள் எவ்வாறு இருந்தார்கள்?" என அவரிடமே பதில் கேள்வி கேட்டார் .இரண்டாவது குதிரையில் சவாரிசெய்துவந்த மனிதன் , "நான் இதுவரையில் வாழ்ந்துவந்த நகர மக்கள் மிகவும் அன்பானவர்களாகவும் நட்பாகவும் இருந்தார்கள். எல்லோரும் ஒருவரையொருவர் நன்றாக கவனித்துக் கொண்டார்கள், உதவி தேவைப்படும் சமயங்களில் ஒருவருக்கொருவர் நன்கு உதவி செய்து கொண்டார்கள். நான் அந்த நகரத்தை விட்டு வெளியேறவே விரும்பவில்லை, ஆனால் ஒரு சில காரணங்களால் நான் அந்த ஊரை விட்டு வெளியேற வேண்டியிருந்தது. இப்போது நான் வாழ்வதற்கான ஒரு புதியதொரு நகரத்தைத் தேடுகிறேன் ."என பதிலிறுத்தார் .அதனைதொடர்ந்து அம்முதியவர் , "நீங்கள் இந்த நகரத்திற்குள் வரவேற்கப்படுகிறீர்கள். உங்களுடய நகர மக்களைவிட இந்த நகர மக்கள் மிகவும் அன்பானவர்களாக இருப்பதை நீங்களே காண்பீர்கள்! வாருங்கள் !இந்த நிகரத்திலேயே நிரந்தரமாக வாழலாம்" என மகிழ்ச்சியுடன் முகமன் கூறி அந்த இரண்டாவது குதிரையில் சவாரிசெய்துவந்த மனிதனை வரவேற்றார். அம்முதியவருக்கு அருகே உட்கார்ந்திருந்த ஒரு மனிதன், இவ்வாறு இதே நகரத்தினை பற்றி இரண்டு வகையான பதில்களையும் கேட்டுகொண்டிருந்தான், அதனால்மிகவும் ஆச்சரியமாக அம்மனிதன் அந்த வயதான முதியவரிடம், "ஐயா! நீங்கள் என்னை மிகவும் ஆச்சரியப்படுத்திவிட்டீர்கள்! இந்த நகரவாசிகள் மோசமானவர்களாகவும், துன்மார்க்கர்களாகவும் இருக்கின்றார்கள், அதனால் இந்த நகரத்திற்குள் செல்லவேண்டாம் வேறு நகரத்திற்கு செல்க! எனநீங்கள் முதலாவது குதிரையில் சவாரிசெய்து வந்தவரிடம் அறிவுரை கூறி திருப்பி அனுப்பிவிட்டீர்கள், ஆனால் இரண்டாவதாக குதிரையில் சவாரிசெய்து வந்தவரிடம் மட்டும் இந்த நகரத்தில் வாழ்பவர்கள் மிகவும் நல்லவர்கள் வல்லவர்கள் அதனால் அவர் மேலும் வேறு எங்கும் செல்ல வேண்டிய தில்லை இங்கேயே வாழலாம் என்று நீங்கள் அவரிடம் சிபாரிசு செய்கிறீர்கள் . ஏன் அவ்வாறு ஒரே நகரத்தினை பற்றி இருவேறு விதமாக பதில் கூறி அவ்விருவரையும் வெவ்வேறு வகையில் வழிநடத்தினார்கள்? " என சந்தேகம் கேட்டான். அம்முதியவர், " தம்பி எல்லா இடங்களிலும் மக்கள் ஒரேமாதிரியாகத்தான வாழ்கின்றார்கள் அவர்களுடன் நாம் நடந்து கொள்ளும் வழிமுறையில்தான் அவர்களும் நம்மிடம் நடந்து கொள்வார்கள் அதனால் அவர்களுடன் நாம் எப்படி வாழ்கின்றோம் என்பதுதான் முக்கியம்."என பதிலளித்தார்
பணிக்கான நேர்காணல் - நல்ல பழக்கங்களின் முக்கியத்துவம்
இளைஞன் ஒருவர் தனது பணிக்கான முதல் நேர்காணலுக்காக ஒரு அலுவலகத்திற்கு சென்றார். அந்த இளைஞர் தனது பெற்றோருடன் வசித்து வந்தார். இவர் தனது வீட்ட...
-
ஒரு நிறுமத்தின் நிறுவனத்தின் வளர்ச்சிக்காக அல்லும் பகலும் அயராது பாடுபடும் , ஊழியர்கள் நிறுவனத்தை நன்றாக வழிநடத்தி செல்லும் இயக்குநர்கள...
-
முன்னொ ரு காலத்தில் , வயதானவர்ஒரு வர் தனது பக்கத்து வீட்டுக்கார இளைஞன ை ஒரு திருடன் என் றுகூறி அந்த தவறான வதந்தி யை அந்த ஊர...
-
இளைஞன் ஒருவர் தனது பணிக்கான முதல் நேர்காணலுக்காக ஒரு அலுவலகத்திற்கு சென்றார். அந்த இளைஞர் தனது பெற்றோருடன் வசித்து வந்தார். இவர் தனது வீட்ட...
