போலியான வேலைவாய்ப்பு விளம்பரத்தை கண்டு ஏமாறாதீர்கள்

சரவணன் என்பவர் கடந்தமாதம் மாருதி சுசுகி மோட்டார் என்ற நிறுவனத்தின் வேலைவாய்ப்பு விளம்பரத்தை கண்டு விண்ணப்பித்தார். உடன் அவருக்கு மின்னஞ்சல் ஒன்று வருகின்றது அதில் இவர் விண்ணப்பித்த குறிப்பிட்ட வேலைக்கு தெரிவு செய்யபட்டுள்ளதாகவும் உடன் பாரத ஸ்டேட் வங்கியின் குறிப்பிட்ட கணக்கில் ரூபாய் 20,000/-ஐ உடன் செலுத்தினால் பணியில் சேரலாம் எனவும் குறிப்பிடபட்டிருந்ததை அறிந்து உடன் அங்கிங்கு என அலைந்து கடன்வாங்கி இந்த தொகையை அவருக்கு வந்த மின்னஞ்சலில் குறிப்பிடபட்ட பாரத ஸ்டேட் வங்கியின் கணக்கில் ரூபாய் 20,000/- ஐ செலுத்தி தமக்கு பணிக்கான உத்திரவு வந்துசேரும் என காத்திருந்தார்

ஆனால் இந்த நிறுவனத்தின் விஜிலென்ஸ் பிரிவிலிருந்து போலியான விளம்பரத்திற்கு காப்புத்தொகை செலுத்தியதற்காக ஏன்உங்கள் மீது நடவடிக்கை எடுக்ககூடாது என்ற அறிவிப்பு தான் இவருக்கு கிடைக்கபெற்றது

ஆம் இவ்வாறான போலியான விளம்பரங்களின்மூலம் படித்து வேலைவாய்ப்பிற்காக காத்திருக்கும் இளைஞர்களிடமிருந்து காப்புத்துதொகை என்றும் இதர செலவினத்தொகை என்றும் அபகரிக்கும் போக்கு இன்று அதிகரித்துள்ளது மிகவருத்தத்திற்குரிய நிலையாகும்

மேலும் சமீபத்தில் பார்மா ரேன்பேக்ஸி லேபோரேட்டரிஸ் என்ற நிறுவனம் ஆனது தங்களுடைய நிறுவனம் ஆட்களை பணிக்கு அமர்த்துவதற்காக காப்புத்தொகை, நடைமுறை செலவிற்கான கட்டணம் அல்லது இதர கட்டணம் என எதுவும் தங்களுடைய நிறுவனத்திற்கான பணியாட்களை தேர்வுசெய்யும்போது வசூலிப்பது இல்லை எனவிளம்பரம் செய்கின்றது . பொதுமக்கள் அதுவும் மேற்படிப்புகள், தொழில்சார்ந்த படிப்புகளை படித்தபின் வேலைவாய்ப்பிற்காக காத்திருப்போர் கண்டிப்பாக மேலே முதல் பத்தியில் கூறியவாறான போலியான விளம்பரங்களையோ வாக்குறுதிகளையோ குறிப்பிட்ட நிறுவனத்தின் லோகோவை கொண்டு ஏமாற்றபடுவதிலிருந்து எச்சரிக்கையாக இருக்குமாறு கேட்டுகொள்ளபடுகிறார்கள்

உழைப்பின் அருமை

உழைப்பால் உயர்ந்த மிகப்பெரிய வியாபாரி ஒருவரும் அதற்கு மறுதலையாக மிகவும் சோம்பேறியான அவருடைய மகனும் இருந்தனர்

உழைப்பின் வலிமையையும் அதன் அருமையையும் தன்மகனுக்கு புரிந்துகொள்ளவும் அதன்படி தன்னுடைய மகன் நடந்துகொள்ளவும் செய்திட விரும்பினார்

அதனால் தன் மகனை அழைத்து அன்று ஏதாவது வேலையை செய்து அதன்மூலம் பொருள் ஈட்டி வந்தால் மட்டுமே அவனுக்கு அன்றைய உணவு வழங்கபடும் என திட்டவட்டமாக கூறி தன்னுடைய வியாபார பணியை பார்ப்பதற்கு சென்றுவிட்டார் சோம்பேறி மகன் எவ்வாறு உடல் உழைப்பில்லாமல் பொருள்ஈட்டுவது என வழிஎதுவும் தெரியாமல் அழுதுகொண்டிருந்தான் இதனை கண்ணுற்ற அவனுடைய தாயானாவள் பெண்ணல்லவா அதனால் தான் பெற்றெடுத்த மகன் கண்ணீர்விட்டு அழுவது பொறுக்கமுடியாமல் தன்னிடம் இருந்த தங்க காசு ஒன்றினை கொடுத்து அன்றைய பொழுது அவனாக உழைத்து அந்த தங்க காசினை சம்பாதித்ததாக அவனுடைய அப்பாவிடம் காண்பிக்குமாறு அறிவுரை கூறனாள்

அன்றைய இரவு அந்த சோம்பேறி மகனும் அந்த தங்க காசினை தான் உழைத்து சம்பாதித்ததாக தன்னுடைய தந்தையிடம் காண்பித்தான் நல்லது மகனே இந்த தங்ககாசினை நம்முடைய வீட்டில் உள்ள கிணற்றில் வீசி எறிந்துவிட்டுவா நம்முடைய இரவு உணவை அருந்த செல்லலாம் என அந்த தந்தை கூறியவுடன் சோம்பேறி மகன் உடன் தயக்கம் ஏதுமில்லாமல் அந்த தங்ககாசினை கிணற்றுக்குள் வீசிஎறிந்தபின் தன்னுடைய தந்தையுடன் இரவு உணவு அருந்த சென்றான் உடன் தந்தையானவர் அவருடைய மனைவியை அவர்களின் தாய்வீட்டிற்கு ஓரிருநாட்கள் சென்றிருந்துவிட்டுவருமாறு பணித்தார்

மறுநாள் அதேபோன்று தன் மகனை அழைத்து அன்று ஏதாவது வேலையை செய்து அதன்மூலம் பொருள் ஈட்டி வந்தால் மட்டுமே அவனுக்கு அன்றைய உணவு வழங்கபடும் என திட்டவட்டமாக கூறி தன்னுடைய வியாபார பணியை பார்ப்பதற்கு சென்றுவிட்டார்

சோம்பேறி மகன் எவ்வாறு உடல் உழைப்பில்லாமல் பொருள்ஈட்டுவது என வழிதெரியாமல் அழுதுகொண்டிருந்தான் இதனை கண்ணுற்ற அவனுடைய சகோதரியானாவள் பெண்ணல்லவா அதனால் தன்னுடைய சகோதரன் கண்ணீர்விட்டு அழுவது பொறுக்கமுடியாமல் தன்னிடம் இருந்த தான் சேமித்து வைத்திருந்த பணத்தில் ஒரு நூறுரூபாய் தாள் ஒன்றினை கொடுத்து அவனுடைய அப்பாவிடம் அன்றைய பொழுது அவனாக உழைத்து அந்த நூறுரூபாயை அவன் சம்பாதித்ததாக காண்பிக்குமாறு அறிவுரை கூறனாள்

அன்றைய இரவு அந்த சோம்பேறி மகனும் அந்த நூறுரூபாயை தான் உழைத்து சம்பாதித்ததாக தன்னுடைய தந்தையிடம் காண்பித்தான் நல்லது மகனே இந்த நூறுரூபாயை நம்முடைய வீட்டில் உள்ள கிணற்றில் வீசி எறிந்துவிட்டுவா நம்முடைய இரவு உணவை அருந்த செல்லலாம் எனஅந்த தந்தை கூறியவுடன் சோம்பேறி மகன் உடன் அந்த நூறுரூபாயை கிணற்றுக்குள் வீசிஎறிந்தபின் தன்னுடைய தந்தையுடன் இரவு உணவு அருந்த சென்றான் உடன் தந்தையானவர் அவருடைய மகளை அழைத்து அவர்களின் உறவினர் வீட்டிற்கு ஓரிருநாட்கள் சென்றிருந்துவிட்டுவருமாறு பணித்தார்

மூன்றாம்நாள் அதேபோன்று தன் மகனை அழைத்து அன்று ஏதாவது வேலையை செய்து அதன்மூலம் பொருள் ஈட்டி வந்தால் மட்டுமே அவனுக்கு அன்றைய உணவு வழங்கபடும் என திட்டவட்டமாக கூறி தன்னுடைய வியாபார பணியை பார்ப்பதற்கு சென்றுவிட்டார்

சோம்பேறி மகன் எவ்வாறு உடல் உழைப்பில்லாமல் பொருள்ஈட்டுவது என வழிதெரியாமல் அழுதுகொண்டிருந்தான் அவனுக்கு உதவுவதற்காக இருந்த அவனுடைய தாயும் சகோதரியும் உடன் இல்லாத்தால் வேறு வழிஇல்லாமல் கடைத்தெருவிற்கு சென்ற அன்று அவன் செய்வதற்கு தகுந்த வேலை ஏதாவது கிடைக்குமா என தேடினான்

அங்கு ஒரு சிறுவியாபாரி மொத்தவியாபார கடையில் தான் வாங்கிய பொருட்களை மூட்டையாக கட்டிவைத்துவிட்டு யாராவது அதனை தூக்கி செல்வதற்கு கூலிஆட்கள் கிடைப்பார்களா என தேடியபோது இந்த சோம்பேறி மகன் அந்த பணியை தான் செய்வதாகவும் அதற்காக ஐம்பது ரூபாய் மட்டும் அவனுக்கு கொடுத்தால் போதுமென கூற அவரும் சம்மதித்து அந்த மூட்டைய அவனுடைய தோளில் தூக்கிகொண்டு அவரை பின்பற்றி சென்றான்

இந்த சுமையை தூக்கிகொண்டு நடக்கும் போது இதுவரையில் சுகபோக இருந்தவனாதலால் அவனுடைய உடல்முழுவதும் அதிக வலி ஏற்பட்டது மிக களைப்பாக இருந்தது ஒருவழியாக அதனை அவர் கூறிய இடம் வரை எடுத்து சென்று சுமையை இறக்கி வைத்ததும் அவர் அவனுக்கு ரூபாய் ஐம்பதை கொடுத்தார்

அன்றைய இரவு அந்த சோம்பேறி மகனும் அந்த ஐம்பது ரூபாய் தாளை தான் உழைத்து சம்பாதித்ததாக தன்னுடைய தந்தையிடம் காண்பித்தான் நல்லது மகனே இந்த ஐம்பது ரூபாய் தாளை நம்முடைய வீட்டில் உள்ள கிணற்றில் வீசி எறிந்துவிட்டுவா நம்முடைய இரவு உணவை அருந்த செல்லலாம் எனஅந்த தந்தை கூறியபின் அந்த சோம்பேறி மகன் அதுஎப்படியப்பா நான் உடல் வலியோடு மிக கஷ்டபட்டு மூட்டையை தூக்கிசென்று சம்பாதித்த பணத்தை நம்முடைய வீட்டு கிணற்றில் வீசிஎறியமுடியும் என மறுத்தான்

ஆம் மகனே நேற்றும் அதற்கு முந்தையநாளும் நீவருந்தி உழைக்காமல் உன்னுடைய கைக்கு கிடைத்த பணம் என்பதால் நான்கூறியவுடன் எந்த மறுப்பும் கூறாமல் நம்முடைய கிணற்றில் அவைகளை வீசிஎறிந்தாய் ஆனால் இன்று உன்னுடைய உடல் உழைப்பின் மூலம் ஈட்டிய பணத்தினை வீசிஎறிய தயங்குகின்றாய் உழைப்பின் அருமையும் பணத்தின் அருமையும் இன்றுதான உனக்கு தெரிந்தது அதனால் நாளைமுதல் நம்முடைய வியாபார நிறுவனத்திற்கு வந்து அதனை எவ்வாறு நிருவகிப்பது என என்மூலம் அறிந்துகொள் என அறிவுரைகூறியபின் அன்றைய இரவு தன்னுடைய தந்தையுடன் உணவு அருந்த சென்றான்

எந்தவொரு இக்கட்டான சூழலிலும் நாம் சமயோசிதமாகவும் புத்திசாலித்தனமாகவும் செயல்படவேண்டும்

வேட்டைகாரன் ஒருவன் காட்டில் ஒரு முயலை பிடிப்பதற்காக அந்த காட்டின் மையபகுதிவரை துரத்தி சென்றிடும்போது அது தப்பித்து புதருக்குள் சென்று மறைந்து போய்விட்டது அதனால் அம்முயலை பிடிக்கமுடியாமல் சோர்வுற்று திரும்பி வரும்போது வழியில் ஏராளமான எலும்புத்துண்டுகள் கறித்துண்டுகளும் இருப்பதை பார்த்தான்

அந்நிலையில் அவனுக்கு அருகே சிறுத்தை ஒன்று இவனை பார்த்துவிட்டு இவனை அடித்து கொன்று தின்றிட இவனைநோக்கி பாய்ந்து வந்தது

உடன் அவ்வேட்டைக்காரண் ஏ நண்பா நம்முடைய முயற்சியில் பாதிகூட வெற்றிபெறமுடியாது போல் இருக்கின்றது ஒன்றிற்கு மேற்பட்ட சிறுத்தையை பிடிக்கலாம் என இவ்விடத்தில் எலும்புத்துண்டுகளையும் கறித்துண்டுகளையும் போட்டு வைத்தோம் ஆனால் இப்போதுதான் ஒரு சிறுத்தை வருகின்றது சரி பரவாயில்லை இதனை மட்டுமாவது முதலில் பிடிப்போம் பின்னர் அடுத்து என்ன செய்வது என முடிவு செய்வோம் என மிக சத்தமாக கூறினான்

இதனை காதால் கேட்ட அந்த சிறுத்தையானது இவன் நம்மை பிடிப்பதற்காக இந்த எலும்புத்துண்டுகளையும் கறித்துண்டுகளையும் போட்டு வைத்துள்ளான் நாம் மாட்டினால் நம்முடைய உயிர் அவ்வளவுதான் என தப்பித்தோம் பிழைத்தோம் என ஓடி போய்விட்டது

வேட்டைக்காரணும் இன்று வேட்டையில் ஒன்றும் கிடைக்கவில்லையென்றாலும் பரவாயில்லை நாம் உயிரோடு வீடுபோய்சேருவோம் என வீட்டிற்கு திரும்பி சென்றான்

எந்தவொரு இக்கட்டான சூழலிலும் நாம் சமயோசிதமாக அதிலிருந்து மீண்டு வந்து சேருவதற்காக மிகச்சரியாகவும் புத்திசாலித்தனமாகவும் செயல்படவேண்டும் என்பதே இதில் நாம் அறியவேண்டிய நீதியாகும்

உயர்ந்த இலட்சியத்தை /இலக்கை அடைவதற்காக மிகச்சரியாக முயற்சிசெய்து பாடுபட்டால் வெற்றி பெறுவோம்

ஒருமீனவபெண் ஒருநாள் அதிகாலையிலிருந்த மதியம் வரை முயற்சிசெய்தும் ஒரு சிறுமீன் கூட கிடைக்காமல் மிக அதிக சோர்வுற்றிருந்தாள் அந்நிலையில் அவளுக்கு அருகே மற்றொருவளின் வலையில் பெரிய பெரிய மீனாக கீடைத்தும் அதனை தூக்கி மீண்டும் தண்ணீரில் எறிந்து வந்தாள் பின்அவளும் சலிப்புற்று இருந்தாள்

அவ்வழியே சென்ற சாமியார் ஒருவரை பார்த்து அவர்கள் இருவரும் தம்முடைய குறைகளை கூறினார்கள் இவ்வாறுதான் நாமும் நம்முடைய வாழ்வில் நமக்கு ஒன்றுமே கிடைக்கவில்லையே யென அதற்கான மிகச்சரியான முயற்சி செய்யாமல் முதலாவது மீனவபெண் போன்று மீன் எங்கு கீடைக்குமோ அங்கு வலைவீசினால் மட்டுமே கிடைக்கும் என தெரிந்து கொள்ளாமலும் அறிந்து கொள்ளாமலும் மற்றவர் களை குறைகூறுவதிலும் வீனாக பொழுதை கழிக்கின்றோம்

இரண்டாவது மீனவபெண் தன்னிடம் சிறிய கூடைதான் உள்ளது ஆனால் தன்னுடைய வலையில் கிடைப்பதோ மிகப்பெரிய மீன் அதனால் அவ்வகை மீன் ஆனது தன்னுடைய கூடைக்குள் கொள்ளாது என விட்டுவிடுவதை போன்று நம்முடைய எண்ணங்களும் முயற்சிகளும் மிகப்பெரியதாக இருந்தால் அவை நமக்கு ஏற்புடையவை அன்று என விட்டுவிடுகின்றோம் ஆனால் நம்முடைய கனவுகளும் எண்ணங்களும் முயற்சிகளும் மிகப்பெரியதாக இருந்தால் நாமும் அந்த அளவிற்கு நம்முடைய வாழ்வில் வெற்றி பெறுவோம் என்பது திண்ணம் என அறிவுரை கூறினார்

உடன் முதலாவது மினவபெண் மீன் கிடைக்கும் இடத்தை தேடி சென்று மீன்பிடிக்க ஆரம்பித்து சிறிது நேரத்தில் தன்னுடைய கூடைநிரம்ப மீன்பிடித்து சென்றாள்

இரண்டாவது மீனவபெண் பெரிய கூடையாக எடுத்துவந்து தனக்கு கிடைத்த பெரிய அளவு மீன்களை தன்னுடைய வீட்டிற்கு எடுத்து சென்றாள்

ஆம் நம்முடைய வாழ்வில் உயர்ந்த இலட்சியத்தை /இலக்கை அடைவதற்கான குறிக்கோளினை மனதில் கொண்டு அதனை அடைவதற்காக மிகச்சரியாக முயற்சிசெய்து பாடுபடுவோம் வெற்றி பெறுவோம்

எந்தவொரு இக்கட்டான சூழலிலும் நாம் சமயோசிதமாக செயல்படவேண்டும்

தொழிலாளி ஒருவர் வார கடைசி நாளன்று தன்னுடைய அந்த வார கூலித்தொகையை வாங்கிகொண்டு தன்னுடைய வீட்டிற்கு குறுக்கே இருக்கும் சிறு முட்புதர்காட்டின் வழியே திரும்பி வந்து கொண்டிருந்தார் ு

அந்த சமயத்தில் திடீரென வழிப்பறி திருடன் ஒருவன் அவர்முன் துப்பாக்கியுடன் வந்து ஒழுங்காக பையில் உள்ள அந்த வார கூலி தொகையை அனைத்தையும் கொடுத்துவிடும்படியும் இல்லையென்றால் தன்னுடைய கையில் உள்ள துப்பாக்கியால் அவரை சுட்டு கொன்று விடப்போவதாகவும் மிரட்டினான்

உடன் “நான் என்னுடைய பையில் இருக்கும் பணத்தை கொடுத்து விட்டு சென்றால் என்னுடைய மனைவி என்னை சந்தேகபடுவாள் அதனால் என்னுடைய சட்டையில் ஏதாவது ஒரு இடத்தில் இந்த துப்பாக்கியால் சுட்டால் அதனை காண்பித்து திருடன் வந்து இந்த வார கூலித்தொகையை வழிப்பறி செய்துகொண்டு போய்விட்டதாக கூறிவிடுவேன்” எனக்கூறியதை தொடர்ந்து ஒருமுறைமட்டும் அவருடைய சட்டையில் தன்னுடைய துப்பாக்கியால் சுட்டுவிட்டு “சரி பணத்தை எடு” என கூறினான்

பின்னர்“இது பத்தாது என்னுடைய சட்டை முழுவதும் சல்லடையாக உன்னுடைய துப்பாக்கியால் சுட்டால்தான் மிக கடுமையாக உன்னோடு போராடி முடியாமல் இறுதியாகபணத்தை இழந்துவிட்டதாக கூறமுடியும்” எனக்கூறியதை தொடர்ந்து வழிப்பறிதிருடனும் சரியென தன்னுடைய துப்பாக்கியால் அத்தொழிலாளியின் மேற்சட்டையை கழற்றி முழுவதும் சல்லடையாக தோன்றிடுமாறு சுட்டுதள்ளியபின் இறுதியாக “என்னுடைய துப்பாக்கியில் குண்டுகள் ஏதும் இல்லை அனைத்தும் காலியாகிவிட்டன அதனால் இப்போதாவது உன்னுடைய பணத்தை கொடுத்துவிடு” என கூறினான்

இறுதியா க“அப்படி வா என்னுடைய வழிக்கு நண்பா ஒழுங்காக உன்னுடைய வீட்டிற்கு செல்வதாக இருந்தால் விட்டுவிடுகின்றேன் இல்லையெனில் உன்னை அப்படியே கையை கட்டி இழுத்து சென்ற எங்களுடைய ஊரிலிருக்கும் காவல் நிலையத்தில் உன்னை கொண்டு சென்று சேர்த்து நீஎன்னிடம் கூலித்தொகையை வழிப்பறி செய்ய முயன்றதாக கூறி சிறைசாலைக்கு அனுப்பிவைத்துவிடுவேன்” எனக் கூறியதும் “ஐயோ அப்படியெதுவும் செய்தவிடாதீர்கள் நான் உங்களுடைய வழிக்கு குறுக்காக வரமாட்டேன்” என பயந்து ஓடிவிட்டான்

இவ்வாறே எந்தவொரு இக்கட்டான சூழலிலும் நாம் சமயோசிதமாக அதிலிருந்து மீண்டு வந்து சேருவதற்காக மிகச்சரியாகவும் புத்திசாலித்தனமாகவும் செயல்படவேண்டும் என்பதே இதில் நாம் அறியவேண்டிய நீதியாகும்

நம்முடைய உணர்வுகள் நாம்அதனை எடுத்துகொள்வதற்கேற்ப அதனுடையஅளவு தோன்றும்

பயிற்சியாசிரியர் ஒருவர் தம்கீழ் பயிற்சிபெறவந்துள்ள இளம் பயிற்சி யாளர்களிடம் ஒரு கைப்பிடி உப்பினை கொடுத்து அதன் சுவையை கூறும்படி கோரினார்

உடன் அனைவரும் உப்பு கரிப்பதாக கூறினார்கள்

பின்னர் அவ்வுப்பை ஒரு டம்ளர் தண்ணீரல் இட்டு அதனை நன்கு தண்ணீரில் கரையுமாறு கலக்கியபின் அந்த உப்புநீரை அருந்து மாறு கோரினார்

தற்போது உப்பின் கரிப்பு சிறிது குறைந்துள்ளதாக கூறினார்கள்

அதன்பின்னர் அருகில் இருந்த நீச்சல் குளத்தில் அவ்வுப்பினை கொட்டி அந்த குளத்தினுடைய தணினீரில் அவ்வுப்பை நன்கு கரையுமாறு செய்தபின் தற்போது அந்த நீச்சல் குளத்தின நீரை அருந்துமாறு கூறினார்

உடன் அனைவரும் அந்த குளத்தின் நீர் கரிப்பு சுவையில்லாமல் சாதாரணமாக இருப்பதாக கருத்து தெரிவித்தார்கள்

அப்பயிற்சியாசிரியர் அந்த உப்பின் அளவு எந்த நிலையிலும் மாறவில்லை ஆனால் அது சேரும் இடம் மாறு படுகின்றது அதற்கேற்ப அதனுடைய சுவையும் மாறி அமைகின்றது அதுபோன்றே நம்முடைய வலி துன்பம் என்பனபோன்ற உணர்வுகளும் ஒரேஅளவுதான் இருக்கும் ஆனால் அதனை பேரளவிற்கு அதாவது குளத்தின் ,ஏரியின், கடலின் நீரில் கரைத்த உப்பினை போன்று எடுத்து கொண்டால் அவ்வுணர்வு மிக சாதாரணமாக அமையும் என தம்மிடம் பயிலவந்த இளம் பயிற்சியாளர்களுக்கு அறிவுரை கூறினார்

நிறுவனங்களில் பணிபுரியும் ஊழியர்களின் உற்பத்தி திறனை உயர்த்துவதற்கான வழிமுறைகள்

ஒரு நிறுவனம் எந்த அளவிற்கு தம்முடைய ஊழியர்களின் உற்பத்தி திறன் உள்ளது என அறிந்து அவர்களை ஊக்குவித்து அவர்களின் உற்பத்தி திறனை உயர்த்துவதற்கான அல்லது மேம்படுத்துவதற்கான நடவடிக்கைகளை மேற்கொள்ள வேண்டும் இவ்வாறு ஒரு நிறுவனத்தின் ஊழியர்களின் உற்பத்தி திறனை ஊக்குவித்து மேம்படுத்துவதற்கான நடவடிக்கைகளில்

1.முதல் வழிமுறையாக தம்மிடம் பணிபுரியும் ஊழியர்களுக்கு குறிப்பிட்ட காலஇடைவெளியில் அவ்வப்போது நேரடி பணியில் பயிற்சி ,வகுப்பறை பயிற்சி, இணையத்தின் மூலம் பயிற்சி, கல்விச்சுற்றுலா அழைத்து செல்லுதல் ஆகியவற்றை அளித்தால் ஒருநிறுவனத்தின் வெற்றி ஏறுமுகமாக அமையும்

2. தம்முடைய ஊழியர்களை அவரவர்கள் சார்ந்த தொழில் நுட்பக் குழுக்களில் உறுப்பினராக சேரச்செய்து அதற்கான ஆண்டு சந்தா தொகையை நிறுவனமே செலுத்துமாறு செய்திடும்போது ஊழியர்கள் அவ்வாறான தொழில்பக்குழுக்களின் கூட்டங்களில் கலந்து கொண்டு புதுப்புது ஆலோசனகள் கருத்துகள் உருவாகி ஒருநிறுவனத்தின் உற்பத்திறன் உயர ஏதுவாக அமையும்

3. அவ்வப்போது குறிப்பிட்ட கால இடைவெளியில் ஊழியர்களின் குடும்ப உறுப்பினர்களையும் அழைத்து ஒரு நிறுவன்த்தில் ஏற்பாடு செய்துள்ள விருந்து கலைநிகழ்ச்சிகள் போன்றவற்றில் கலந்துகொள்ளுமாறு செய்திடும்போது அவர்களின் குடும்பத்தில் நல்ல மகிழ்ச்சியான சூழல் ஏற்படுகின்றது அதனை தொடர்ந்து ஒவ்வொரு ஊழியரும் அதற்கேற்ப தம்முடைய பணியை புது உத்வேகத்துடன் செய்துவர காரணமாகின்றது

4. ஒரு நிறுவனத்தில் அதிக உற்பத்தி செய்பவர்களுக்கு பரிசு அளித்தல் தொடர்ந்து விடுப்பு ஏதுவும் துய்க்கமால் தம்முடைய பணிக்கு வரும்ஊழியர்களுக்கு பரிசளித்தல் இவ்வாறான பரிசை ரொக்கமாக அளித்தல் என்பன போன்ற நவடிக்கைகளால் ஒரு நிறுவனத்தின் உற்பத்திறன் உயர வாய்ப்பு ஏற்படுகின்றது

5. ஒவ்வொரு மாதமும் அல்லது வாரமும் தொழில்நுட்ப கருத்தரங்குகள் ,குறிக்கோளை அடைவதற்கான சொற்பொழிவு கூட்டங்களை ஏற்பாடு செய்தல் அவ்வாறான நிகழ்ச்சியை நடத்துதல் இவ்வாறான கருதரங்குகளில் ஊழியர்களும் தம்முடைய கருத்துகளை பகிர்ந்துகொள்வதற்கான வாய்ப்பினை அளித்தல் என்பன போன்ற நிகழ்வுகள் ஒருநிறுவனத்தின் உற்பத்திறன் உயருவதற்கான மறைமுக காரணிகளாக அமைகின்றன