ஒரு கூட்டாண்மை நிறுவனத்தை தனியார் நிறுமமாக மாற்றியமைப்பதால் பொறுப்பு வரையறுக்கப்பட்ட நிறுமங்களின் பல்வேறு வசதி வாய்ப்புகள் கிடைப்பதற்கு ஏதுவாகின்றன அவ்வாறு மாற்றி யமைப்பதற்கான வழிமுறைகள் பின்வருமாறு
இது தொடர்பாக நிறுமங்கள் சட்டம் 2013 பிரிவு 366 முதல் 374 வரையிலும் மேலும் நிறுவனங்கள் (பதிவுசெய்யப்பட்ட அங்கீகாரம் பெற்ற) விதிகள், 2014. ஆகியவை நமக்கு வழிகாட்டுகின்றன
இதற்காக முதலில் கூட்டாண்மை நிறுவனத்தின் அனைத்து சொத்துக்களும் பொறுப்புகளும் சேர்ந்த வியாபாரத்தை தனியார் நிறுமமாக மாற்றிமைப்பதற்கான செயல்படுத்திடும் ஒப்பந்தத்தை தயாரித்திடவேணடும்.
குறிப்பு : இவ்வாறு மாற்றியமைப்பதற்கான விதிகள் கூட்டாண்மை ஒப்பந்தத்தில் குறிப்பிடப்பட்டுள்ளதா வென உறுதிபடுத்திகொள்க.
இவ்வாறு மாற்றிமைப்பதற்கான அடிப்படைதேவைகள்:
அவ்வாறு விரும்பும் கூட்டாண்மை நிறுவனமானது நிறுமங்களின் பதிவாளரிடம்(Registrar of Ministry of Corporate Affairs ) பதிவு செய்யப்பட்டிருக்க வேண்டும், மேலும் அந்நிறுவனத்தில் குறைந்தபட்சம் 2 கூட்டாளிகளாகவாது தற்போது இருக்கவேண்டும் , அதனோடு தேவைப்பட்டால் இவ்வாறு மாற்றியமைப்பதற்காக கூட்டாண்மை ஒப்பந்தத்தில்போதுமான திருத்தம்செய்து மாற்றியமைப்பதற்கான விதிமுறைகளை சேர்த்து கொள்ளவேண்டும், அதுமட்டுமல்லாது கூட்டாண்மை நிறுவனத்தின் அனைத்து கூட்டாளிகளும் புதிய தனியார் நிறமத்தில் பங்குதாரர்களாக மாறும் நாளில் இவர்கள் ஏற்கனவே வைத்துள்ள நிறுவனத்தின் புத்தகங்களில் இருக்கும்மூலதன கணக்குகளின் அதே விகிதத்தில் பங்குகளாக மாற்றப்படும். அதைவிடமுக்கியமாக இவ்வாறு மாற்றம் செய்வதற்காக கூட்டாண்மை நிறுவனத்தின் கூட்டாளிகளின் பொதுக்குழு கூட்டத்தை அழைத்து அக்கூட்டத்தில் பெரும்பாலான உறுப்பினர்களின் அனுமதி பெற்றிருக்கவேண்டும்.
இவ்வாறு மாற்றிமயைப்பதற்கான படிமுறைகள் பின்வருமாறு
படிமுறை 1.இவ்வாறு மாற்றம் செய்வதற்காக கூட்டாண்மை நிறுவனத்தின் கூட்டாளிகளின் பொதுக்குழு கூட்டத்தை அழைத்து அக்கூட்டத்தில் பின்வரும் செயல்களுக்கான தீர்மானத்தை நிறைவேற்றிடவேண்டும்
செயல்.1.இவ்வாறு கூட்டாண்மை நிறுவனத்தை தனியார் நிறுமமாகமாற்றம்செய்து பதிவு செய்வதற்கு தேவையான அனைத்து ஒப்பந்தங்கள், ஆவணங்கள் ஆகியவற்றை கையாளுவதற்கான அதிகாரத்தை ஒன்று அல்லது ஒன்றிற்குமேற்பட்ட கூட்டாளிகளுக்கு வழங்கப்படுதல்
செயல்.2. இந்த கூட்டாண்மைநிறுவனமாது பதிவில்லாததாக இருந்தால் முதலில் நிறுமங்களின் பதிவாளரிடம் கூட்டாண்மை நிறுவனமாக பதிவுசெய்தல்
செயல்.3.கூட்டாண்மை நிறுவனத்திலுள்ளஅனைத்துகூட்டாளிகளின் மொத்த மூலதனத்தை சிறுசிறுபங்குகளாக பிரித்தல்
செயல்.4 இவ்வாறு தனியார் நிறுமமாக உருமாற்றுவதற்கான தனியாக தீர்மானம்ஒன்று நிறைவேற்றப்பட்டு அதன்படி ஒவ்வொரு கூட்டாளியும் இதனை ஏற்றுகொள்வதான ஒப்பந்தத்தில் கையொப்பம் இடுதல்
செயல்.5இதனை கூட்டான்மை நிறுவனத்தை தனியார் நிறுமமாக மாற்றியமைப்பதை ஏற்றுகொள்வதற்கான ஒப்பந்த பத்திரம் தயார்செய்தல்
படிமுறை 2. இவ்வாறு தனியார் நிறுமமாக மாற்றியமைப்பதை குறித்த அறிவிப்பினை நாளிதழ்களில் விளம்பரமாக கொடுப்பதற்கான விளம்பரப்படிவம் URC 2 ஐ ஒப்புதல் வழங்கவேண்டும்
படிமுறை3. இவ்வாறு தனியார் நிறுமமாக மாற்றியமைப்பதற்கு முந்தைய மூன்றுஆண்டுகளில்அந்த கூட்டான்மைநிறுவனத்தின் சொத்துகளின் மதிப்பை மாற்றியமைத்திடவில்லை என உறுதி படுத்தி கொள்ளவேண்டும்
படிமுறை4. இவ்வாறு தனியார் நிறுமமாக மாற்றியமைப்பதை பதிவுசெய்வதற்காக அங்கீகாரம் பெற்றவருக்குDSC எனசு ருக்கமாக அழைக்கப்படு இருமகையொப்ப சான்றிதழை (Digital Signature Certificate) பெற்றிடவேண்டும்
படிமுறை5. புதிய தனியார் நிறுமத்தின் இயக்குநர்களின் குழுவில் இடம்பெறப்போகும் இயக்குநர்கள் ஒவ்வொருவருக்கும் PAN, AADHAAR , மார்பளவு உருவப்படம் ஆகியவிவரங்களுடன் பதிவுசெய்து அவர்களுக்கான DIN என சுருக்கமாக அழைக்கப்படும் இயக்குநர்களின் சுட்டிஎண்ணை பெறுவதற்காக படிவம் DIR – 3 இல் ஒவ்வொருவருக்கும் பெறப்படவேண்டும்
படிமுறை6. புதிய தனியார் நிறுமத்திற்கு RUN என சுருக்கமாக அழைக்கப்படும் ஒருங்குபெயர்ஒதுக்கீட்டின் (Reserve Unique Name) அடிப்படையில் பெயரை பெறுவதற்காக விண்ணப்பிக்கவேண்டும்
படிமுறை7. படிவம் URC -2 இல் ஒரு ஆங்கிலமொழி ,ஒரு வட்டார மொழி வெளியிடப்பெறும் இரு நாளிதழ்களில் இந்தகூட்டான்மை நிறுவனத்தை தனியார் நிறுமமாக மாற்றியமைப்பதால் பாதிப்பு எவருக்கேனும் இருந்தால் அதனை 21 நாளில் அறிவிக்கவேண்டும் என்ற விளம்பரப்படுத்திடவேண்டும்
படிமுறை8. நிறுமங்கள் சட்டம் 4 இன்படி பதிவுசெய்வதற்கான பெயர் தயாராக இருக்கின்றது எனில் படிவம் URC-1 உடன் தேவையான அனைத்து ஆவணங்களையும் தகவல்களையும் நிறுமங்களின் பதிவாளருக்கு சமர்ப்பிக்கவேண்டும்
படிமுறை 9.மின் –படிவம் INC – 7 இல் புதிய தனியார் நிறுமத்தின் நியமிக்கப்பட்டுள்ள இயக்குநர்கள் பங்குதாரர்கள் ஆகியோர்பற்றிய விவரங்களை சமர்ப்பிக்கவேண்டும்
படிமுறை 10. அதனை தொடர்ந்துபடிமுறை 9.இல்குறிப்பிடப்பட்டுள்ள மின் - படிவம் INC – 7 இன் பின்னினைப்பாகமுக்கியமேலாண்மை பணியாளர்களை பற்றிய விவரங்களுக்கான மின் -படிவம் INC -8 ஐ சமர்ப்பிக்கவேண்டும்
படிமுறை 11.அவ்வாறே படிமுறை 9.இல்குறிப்பிடப்பட்டுள்ள மின்– படிவம் INC – 7 இன் மற்றொரு பின்னினைப்பாக பங்குதாரர்களின் உறுதிமொழிக்கான மின் -படிவம் INC -9ஐ சமர்ப்பிக்கவேண்டும்
படிமுறை12. தொடர்ந்து மின் -படிவம் DIR -12 இல் புதிய தனியார் நிறுமத்தில் யார்யார் இயக்குநர்களாக நியமிக்கப்படவுள்ளனர் எனபுதிய தனியார் நிறுமத்தின் இயக்குநர்களின் நியமனங்களை பற்றிய விவரங்களை சமர்ப்பிக்கவேண்டும்
படிமுறை 13.அதனை தொடர்ந்து இறுதியாக படிவம் INC – 22 இன் படி நிறுமம் உருவாக்கப்பட்ட 30 நாட்களுக்குள் அந்நிறுமத்திற்கான பதிவுஅலுவலகத்தை சரிபார்த்திடுவதற்கான அந்த புதிய தனியார் நிறுமத்தின் பதிவு அலுவலக முகவரியை குறிப்பிட்டு சமர்ப்பிக்கவேண்டும்
மேலும் இவ்வாறான படிமுறைகளுடன் படிவம் SPICE-32, e-MOA ,e-AOA ஆகியவற்றையும் சேர்த்து சமர்ப்பிக்கவேண்டும்
இவ்வாறு மேலேகூறியவாறான 13.படிமுறைகளை மிகச்சரியாக பின்பற்றினால் அந் தகூட்டான்மை நிறுவனமானது புதிய தனியார் நிறுமமாக மாற்றம்செய்து பதிவு செய்யப்பட்டு அதற்கான பதிவுசான்றிதழ் (Certificate of Incorporation (COI))நிறுமங்களின் பதிவாளரால் வழங்கப்படும்
கருத்துகள் இல்லை:
கருத்துரையிடுக