உழைப்பை சுரண்டுதல்

முன்னொரு காலத்தில் மரவேலை செய்திடும் தச்சன் ஒருவர் வெகுதூரத்திலுள்ள ஒருநகரத்தின் வணிகர் ஒருவரிடம் பணிபுரிந்து கொண்டிருந்தார் அவ்வாறு பணிபுரிந்து கொண்டிருந்தபோது மரத்தினை அறுக்க பயன்படும் கருவியான அவருடைய வாள்ஆனது உடைந்துவிட்டது அந்த வாள் இல்லாமல் மரத்தினை அவ்வப்போது அறுத்து துண்டுகளாக பிரித்திடமுடியாது உடனடியாக அவ்வாறு வாள் ஒன்று அவருடைய அன்றாட பணிக்கு தேவையாகும் அதனால் அருகிலுள்ள கிராமத்தில் அவ்வாறான உடைந்த வாளினை சரிசெய்து புதிய வாளாக உருவாக்குகின்ற கருமான் ஒருவரை காணச்சென்றார்

அந்த கிராமத்தில் அவ்வாறான வாளினை உருவாக்குகின்ற கருமான் ஒரேயொருவர்தான் என அந்த தச்சனுக்கு தெரியவந்தது அதனால் அந்த கருமானிடம், "ஐயா! என்னுடைய மரம் அறுக்கின்ற வாள் உடைந்துவிட்டது அதனை சரிசெய்து முழுமையான வாளாக ஆக்கி கொடுக்கின்றீர்களா!” எனக் கோரினார் அதனைதொடர்ந்து அந்த கருமான் , "நாளை உன்னுடைய உடைந்த வாளினை எடுத்து கொண்டு வா கண்டிப்பாக உன்னுடைய உடைந்த வாளினை புதியதாக செய்து தருகின்றேன்.” என க்கூறினார்.

அந்த வாள் இல்லாமல் தன்னுடைய மரவேலை செய்கின்ற அன்றைய பணி தடைபெறுவதால் அன்றே அந்த வாளினை செய்துதருவதாக இருந்தால் கருமானிற்கு அந்த வாளின் விலையைவிட அதிகமாக எவ்வளவு கோரினாலும் தச்சன் கொடுப்பதற்கு தயாராக இருந்தார்

ஆனாலும் கருமான் தச்சனின் கோரிக்கையை ஏற்றுக்கொள்ளவில்லை "ஐயா! எனக்கு பணம் பெரியதன்று. அவ்வாறான கருவியை அவசரஅவசரமாக செய்தால் அந்த கருவி தரமாக இருக்கும் என உத்திரவாதம் எதுவும் என்னால் தரமுடியாது. அவ்வாறு அவசரஅவசரமாக கருவியை செய்த என்னுடைய பணியில் எனக்கும் திருப்தியாக இருக்காது. நாளை தான் என்னால் இந்த வாளினை சரிசெய்து புதிய வாளாக தரமுடியும் இன்று போய் நாளை வா,” என கூறிவிட்டார் .

அதனால் வேறு வழியில்லாமல் அந்த தச்சன் மறுநாள் வந்து புதிய வாளினை வாங்கி கொள்வதாக ஏற்றுகொண்டு திரும்பி சென்றார்.

அடுத்த நாள், தச்சன் அந்த கருமானின் பணிஇடத்திறகு சென்று பார்த்தபோது தன்னுடைய வாளானது மிகவும் நன்றாக செய்யப்பட்டு இருப்பதை கண்டு மகிழ்ச்சியடைந்தார் , தச்சன் நகர்ததிற்கு திரும்புசென்று இந்த புதிய வாளினை கொண்டு தன்னுடைய பணியை முன்னெப்போதையும் விட மிகச்சிறப்பாகவும் செய்ய முடிந்தார். தச்சன் கருமானின் வாள் செய்கின்ற பணியில் மிகவும் ஈர்க்கப்பட்டார், அதனால் அவர் கருமானின் வாள்செய்கின்றபணியை பற்றி தன்னுடைய முதலாளியான வணிகரிடம் தகவல் தெரிவித்தார். வணிகரும் அந்த புதிய வாளினை கொண்டு உருவாக்கிய மரவேலைப்பாடுகளை சரிபார்த்து தச்சனிடம், "இந்த புதிய வாள் செய்வதற்காக அந்த கருமானிற்கு எவ்வளவு பணம் கொடுத்தாய்?" என வினவினார் உடன் தச்சன் , "அதற்காக நான் 10 ரூபாய் கொடுத்தேன் ஐயா " என பதிலளித்தார். அந்த வணிகரானவர் , நகரத்தில் எவரும் இவ்வளவு நல்ல தரமான வாளிற்கு அசல் விலையை விட மூன்று மடங்கு கொடுக்க தயாராக இருப்பார்கள். பிறகு நான் ஏன் ஒரு டஜன் வாளினை அந்த கருமானிடம் வாங்கி அவற்றை இந்த நகரத்தில் விற்கக்கூடாது. என நினைத்தார். அதனை தொடர்ந்து தச்சனுடைய முதலாளியான அவ்வணிகர் அந்த கருமான் பணிசெய்து கொண்டிருந்த கிராமத்திற்கு சென்றார். வணிகர் கருமானைச் சந்தித்தபோது, "நான் உங்களுக்கு ஒரு பெரிய கொள்முதல் உத்திரவினை தருகிறேன்,அதாவது நீங்கள் செய்யும் ஒவ்வொரு வாளிற்கும் உங்களுக்கு 15 ரூபாய் தருகிறேன், ஆனால் இன்று முதல் நீங்கள் வாளினை செய்கின்ற பணியை எனக்காக மட்டுமே செய்யவேண்டும் ஏற்றுகொண்டு வாட்களை செய்து தருகின்றீர்களா" எனக்கோரிக்கை வைத்தார் .அதனை தொடர்ந்து கருமான் , "என்னால் உங்களுடைய நிபந்தனையை ஏற்க முடியாது .." எனக்கூறினார். அந்த கருமானுக்கு அதிக பணம் தேவைப்படலாம் என்று வணிகர் நினைத்தார் . அதனால் அந்த வணிகர் , "சரி நான் உங்களுக்கு இப்போது வாள் ஒனறிற்கு 20 ரூபாய் தருகிறேன். என் நிபந்தனையை இப்போது ஏற்கின்றீர்களா? ” என விலையை உயர்த்தி கூறினார் .தொடர்ந்து அந்த கருமான், "இல்லை ஐயா, என்னால் உங்களுடைய நிபந்தனையை ஏற்றுக்கொள்ள முடியாது. என்னுடைய பணியின் மதிப்பை நான் தான் தீர்மானிப்பேன் அதனடிப்படையில் தற்போது நான் சுதந்திரமாகபணி செய்து வருகிறேன். நான் உங்களுக்கு அடிமையாக பணி செய்ய முடியாது . நான் சுதந்திரமாக பணிசெய்து பொருளிற்கான விலையை நானே நிர்ணையிக்கின்ற என்னுடைய தற்போதைய நிலையில் நான் திருப்தி அடைகிறேன், இதற்கு மேல் எனக்கு எதுவும் தேவையில்லை" என மறுத்தார் .வணிகர் அவருடைய பதிலைக் கண்டு ஆச்சரியப்பட்டு, "நீங்கள் மிகவும் விசித்திரமான மனிதர், இருந்தாலும் நான் உங்களுக்கு அசல் விலையை விட இரண்டு மடங்கு அதிகமாக தரத்தயாராக இருக்கிறேன்" என மேலும் ஆசை காட்டினார். அதற்கு கருமான், நீங்கள் என்னிடமிருந்து வாட்களை குறைந்த விலைக்கு வாங்கி அதை நகரத்திற்கு எடுத்துச் சென்று ஏழையான நபர்களுக்கு அதிக விலைக்கு விற்றுவிடுவீர்கள். அவ்வாறு ஏழைகளிடமிருந்து நீங்கள் பணத்தினை சுரண்டுவதற்கு உதவ என்னால் முடியாது. இன்று நான் உங்களுடைய அதிகவிலைக்கு ஈர்க்கப்பட்டு அடிமையாக பணிசெய்திட துவங்கினால், ஏழைகள் பலர் அதற்கு அதிக பணம் செலுத்த வேண்டியிருக்கும், எனவே உங்கள் சலுகையை என்னால் ஏற்க முடியாது.போய்வாருங்கள் " என உறுதியாக மறுத்தளித்தார் .கருமான் தனது கொள்கைகளில் உறுதியாக நிற்கிறார் என்பதையும், எந்த அளவு செல்வத்தையும் வாங்க முடியாத நேர்மையான உண்மையான மனிதன் என்பதையும் வணிகர் உடனடியாக புரிந்து கொண்டு நகரத்திற்கு திரும்பி சென்றார் .