இந்தியாவில் LLP என சுருக்கமாக அழைக்கப்பெறும் பொறுப்பு வரையறுக்கப்பட்ட கூட்டாண்மை எனும் கருத்தமைவு 2008 ஆம் ஆண்டு முதல் பொறுப்பு வரையறுக்கப்பட்ட கூட்டாண்மை சட்டம்2008 (Limited Liability Partnership Act, 2008 )இன் வாயிலாக அறிமுகபடுத்தப்பட்டது. இதில் கூட்டாண்மையின் நெகிழ்வுதன்மையும் நிறுமங்களின் வரையறுக்கப்பட்டபொறுப்பும் ஒருங்கிணைந்து கிடைக்கின்றது. அதனைதொடர்ந்து தனியார் நிறுமங்கள் பங்குசந்தையில் பட்டியலிடப்படாத நிறுமங்கள் போன்றவை தங்களுக்குள் ஒன்றிணைந்து LLP எனும் பொறுப்பு வரையறுக்கப்பட்ட கூட்டாண்மை நிறுவனங்கள் ஏராளமாக உருவாக்கிகொண்டன. ஆனால் இந்தியாவில் இவ்வாறான LLP நிறுவனங்களானவை உற்பத்தி தொழிலகம் தவிர்த்த மிகுதி 12,000வகையான வியாபார பணிகளில் அல்லது சேவைகளில் மட்டுமே ஈடுபடுவதற்காக இதுவரை அனுமதிக்கப்பட்டுவந்தது. அதாவது இந்தLLP நிறுவனங்கள் உற்பத்தி துறையில் மட்டும் ஈடுபடமுடியாது எனும் கட்டுப்பாடு விதிக்கப்பட்டு வந்தது இந்நிலையில் நிறுமச் செயலர்களின் மாமன்றமானது உலகமுழுவதும் ஒரேகுடையின் கீழ் என்ற கருத்தமைவை நோக்கி அனைத்து வியாபாரநடவடிக்கைகளும் முன்னோக்கி சென்று கொண்டிருக்கும்போது LLP நிறுவனங்களை உற்பத்தி துறையிலும் அனுமதித்திடவேண்டும் என நிறுமங்களின் விவகாரத்துறை அமைச்சகத்திற்கு கோரிக்கை வைத்ததன் அடிப்படையில் இதுவரையில் இருந்துவந்த உற்பத்தி தொழிலகத்தை துவங்கி செயல்படுத்தகூடாது என்ற கட்டுப்பாடு தற்போது தகர்க்கப்பட்டு ஏப்ரல்17,2019 முதல்LLP நிறுவனங்களும் உற்பத்திதொழிலகம் அதனுடைய துனைதொழிலகம் ஆகிய பணிகளை செயற்படுத்திடுவதற்காக பதிவுசெய்து கொள்ளலாம் எனும் அனுமதியை வழங்கியுள்ளது என்ற இனிய புதிய செய்தியை தெரிந்து கொள்க.
கருத்துகள் இல்லை:
கருத்துரையிடுக