இந்தியாவில் எந்தவொரு வணிகநிறுவனத்தையும் எளிதாக துவங்குவதற்காக இந்தியஅரசால் எடுக்கப்பட்ட முன்முயற்சிகள்

1. நிறும விவகார அமைச்சகமானது நிறுவனங்களின் (திருத்தம்) சட்டம், 2015 மூலம் தனியார் நிறுவனங்களுக்கு ஒருசில விதிவிலக்குகளை அளித்துவருகின்றது, அதாவது எந்தவொரு நிறுவனத்திற்கும் குறைந்தபட்ச செலுத்தப்பட்ட மூலதனத்திற்கான தேவை அறவே நீக்கப்பட்டுள்ளது. 2. அரசு செயல்முறை மறு பொறியியல் (GPR) முன்முயற்சியில் உலகளாவிய சிறந்த நடைமுறைகளுடன் விரைவான ஒருங்கிணைப்பு தொடர்பான சேவைகளை வழங்குவதற்காக 22.01.2016 தேதியிட்ட அறிவிப்பின் வாயிலாக மத்திய பதிவு மையம் Central Registration Centre(CRC) நிறுமங்களின் சட்டத்தின் 2013 பிரிவு 396 இன் கீழ் நிறுமங்களின் விவகாரத்துறை அமைச்சகத்தால் (MCA) நிறுவப்பட்டுள்ளது 3 ஒரு நிறுவனத்தின் பெயர் ,இடஒதுக்கீடு, இணைப்பதற்கான விண்ணப்பங்கள் ஆகியவற்றை D அல்லது D + 1 நாட்களுக்குள் செயல்படுத்தப்பட்டு பூர்த்தி செய்யப்பட வேண்டும் ( இங்கு D என்பது கட்டண உறுதிப்படுத்தல் தேதியாகும்). முதலில், இந்த CRC ஆனது மின்-படிவம் INC -1 இன்மூலம் பெயர் கிடைப்பதற்கான விண்ணப்-பங்களை செயலாக்குகின்றது. இரண்டாவாதாக CRCயானது நிறுவனங்களை இணைப்பதற்கான மின் படிவங்களை செயலாக்கத் துவங்குகின்றது. 4. MCAஎனும் நிறுவனங்களின் விவகார துறை அமைச்சகமானது படிவம் எண் INC -29 க்கு பதிலாக மின்னணு முறையில் நிறுவனத்தை SPICe இன்வாயிலாக மின்-படிவத்தை இணைப்பதற்கான எளிமையான படிமுறைகளை அறிமுகப்படுத்தியுள்ளது. மேலும், இந்த SPICeஐ பயன்படுத்தி இணைக்கப்பட்ட ஒரு நிறுவனத்திற்கு PAN , TAN ஆகியவற்றை வழங்குவதற்காக CBDT எனும் மத்திய நேரடிவரிவாரியத்துடன் MCA 21 எனும் அமைப்பை அமைச்சகம் ஒருங்கிணைந்து செயல்படுகின்றது. பங்குதாரர்கள்PAN , TAN ஆகியவற்றிற்-கான விண்ணப்பங்களை SPICe மூலம் இணைப்பதற்கான விண்ணப்பங்களை சமர்ப்பிக்கும் நேரத்தில் மட்டும் சமர்ப்பித்தால் போதுமானதாகும். வருமான வரித் துறையால் ஒதுக்கப்பட்ட PAN / TAN ஐ நிறுவனத்தின் இணைத்தல் சான்றிதழில் ஒட்டப்படவேண்டும். பங்குதாரர்கள் மூன்று இயக்குநர்கள் வரை SPICe மூலம் DIN (இயக்குநர் அடையாள எண்) க்கு விண்ணப்பிக்கலாம். இதன் விளைவாக நம்து நாட்டில் ஒரு வணிகநிறுவனத்தைத் தொடங்குவதற்கான செயல்முறைகளின் எண்ணிக்கையும் நேரமும் குறைக்கப்பட்டுள்ளன. 5. SPICe க்குப் பிறகு, MCA ஒரு புதிய எளிமைப்படுத்தப்பட்ட இணைய அடிப்படையிலான தனித்த பெயர் ஒதுக்கீடு செய்வதற்காக R.U.N. எனும் சேவையை மின் படிவம் INC -1 க்கு பதிலாக அறிமுகபடுத்தியுள்ளது. இந்த பெயர் முன்பதிவின் போது டிஜிட்டல் கையொப்ப சான்றிதழை (DSC) பயன்படுத்த வேண்டிய தேவையை இதன்மூலம்அறவே நீக்கியுள்ளது. இது இந்தியாவில் எளிதாக வணிகத்தை செய்வதற்கான மற்றொரு மதிப்பு கூட்டல் நடவடிக்கையாகும். 6. மேலும், நிறுவன விவகார அமைச்சகம் LLP விதிகள், 2009 ஐ வரையறுக்கப்பட்ட பொறுப்பு கூட்டாளிகள் (இரண்டாம் திருத்தம்) விதிகள், 2018 மூலம் 18.09.2018 அன்று அறிவிக்கப்பட்டு 02.10.2018 முதல் நடைமுறைபடுத்தியுள்ளது. இந்த திருத்தத்தில் பெயரை முன்பதிவு செய்வதற்காக LLP படிவம் 1 இற்கு பதிலாக RUN-LLP எனும் படிவத்தையும், LLP படிவம் 2 இற்கு பதிலாக FiLLiP எனும் படிவத்தையும் அறிமுகப்படுத்தியுள்ளது, முந்தைய LLPஇன் இணைப்புகள் அந்தந்த ROCஎனும்வட்டார நிறுமங்களின் பதிவாளர்களிடம் செய்யப்பட்டன. இப்போது இந்த செயல்முறை நிறுவனங்களுடன் இணையாகவும், இந்தியாவில் ஒரு தொழிலைத் தொடங்குவதற்கான ஒரு பகுதியாகவும் மையப்படுத்தப் பட்டுள்ளது 7. மத்திய அரசானது G.S.R. எண்180 (E). நாள் 06.03.2019 இன் வாயிலாக நிறுவனங்கள் (ஒருங்கிணைப்பு) விதிகள், 2014 இன் விதி 38 (2) ஐ திருத்தியுள்ளது. இந்த அறிவிப்பில் , அனுமதிக்கப்பட்ட மூலதனம் ரூ15, 00,000 இற்குள் அனைத்து நிறுவனங்களும் MCA இல் பூஜ்ஜிய கட்டணத்துடன் பதிவுசெய்து தங்களுடைய வணிகத்தை துவங்கலாம் என குறிப்பிட்டுள்ளது 8. முன்னர் இணைக்கப்பட்ட பிரமாணப் பத்திரத்திற்கு பதிலாக, SPICe மின் படிவத்திலேயே வழங்கப்பட வேண்டும் என்ற அறிவிக்கப்பட்டுள்ளது 9. மத்திய அரசானது G.S.R. எண்275 (E) நாள். 29.03.2019 இன் வாயிலாக நிறுவனங்கள் (ஒருங்கிணைப்பு) விதிகள், 2014 ஐ திருத்தம்செய்துள்ளது இதில் SPICe மின்-படிவத்தில் நிறுவனங்களை இணைக்கும் நேரத்தில் EPFO, ESIC, GST ஆகியவற்றை பதிவுசெய்து MCA21 முறையை ஒருங்கிணைக்க விதி 38A ஐ புதியதாக கொண்டுவந்துள்ளது. 10. நிறுவனத்திற்கான பெயர் ஒதுக்கீடுசெய்திடும் விதிகள் MCA வால் எளிமைப்படுத்தப் பட்டுள்ளன, இருப்பினும் நிறுவனங்கள் (இணைத்தல்) ஐந்தாவது திருத்த விதிகள், 2019. இல் பெயர் இடஒதுக்கீட்டில் தெளிவற்ற தன்மையைத் தவிர்ப்பதற்கு ஏராளமான எடுத்துக்காட்டுகள் வழங்கப்பட்டுள்ளன. இதன் விளைவாக, பெயர் நிராகரிப்பு விகிதம் குறைந்துவிட்டது. ஒப்புதலுக்கான நேரம் குறைந்துள்ளது. இதன் விளைவாக விரைவாகவும் அதிக வெளிப்படைத்தன்மையும், சீரான தன்மையும் செயல்படும் நிலையும் ஏற்பட்டுள்ளது. 11. நிறுமங்களின் சட்டம்2013 பிரிவு 8இன்கீழ் பதிவுசெய்யபட்ட நிறுவனங்களுக்கான ஒருங்கிணைப்பு விதிகளை MCA திருத்தியுள்ளது. 07.06.2019 தேதியிட்ட . G.S.R. எண் 411 (E), இன்படி அந்த நிறுவனங்களின் உரிமமும் இணைப்பதற்கான விண்ணப்பமும் ஒரே வடிவத்தில் சமர்ப்பிக்கப்பட வேண்டும், அதாவது SPICeஐ.அரிமுகபடுத்துவதற்கு முன் அத்தகைய உரிமம் அந்தந்த ROC கள் / RD களில் இருந்து மின்-படிவம் INC-12 மூலம் பெறப்பட்டது, இது இப்போது SPICe உடன் இணைக்கப்பட்டு மையப்படுத்தப்பட்டுள்ளது. இந்த எளிமைப்படுத்தப்பட்ட செயல்முறை பிரிவு 8இன்கீழ் நிறுவனங்களை பதிவுசெய்வதற்கான கால அளவைக் குறைத்துள்ளது.