நமக்கு தேவையான இருசக்கர அல்லது நான்கு சக்கர வாகணத்தை அதற்கான கடைகளிலிருந்து வாங்கிவிட்டால் மட்டும் போதுமா அதனை தொடர்ந்து பயன்படுத்தி கொள்வதற்காக அதனை பதிவுசெய்யவேண்டும் காப்பீடு செய்திடவேண்டும் அவ்வப்போது பணிமனையில் விட்டு சரியாக பழுதுபார்ப்பு பராமரிப்பு பணிகளை செய்து கொள்ளவேண்டும் மேலும் அவை இயங்குவதற்கு தேவையான எரிபொருளை அவ்வப்போது நிரப்பி கொண்டே இருக்கவேண்டும் என்பன போன்ற அனைத்து பணிகளையும் தொடர்ந்து செயல்படுத்தி கொண்டே இருந்தால்தான் அவற்றை வாங்கியதால் நமக்கு பயன்கிடைக்கும் அல்லவா
அதேபோன்று Pvtஎன அறியப்படும் தனியார் வரையறுக்கப்பட்ட நிறுவனத்தை பதிவுமட்டும் செய்துவிட்டால்போதாது அவ்வாறு பதிவுசெய்து புதிய நிறுமத்தை துவக்கியவுடன் செய்யவேண்டிய பின்வரும் செயல்களை தொடர்ந்துசெய்து கொண்டே இருந்தால்தான் நிறுவனம் நன்கு இயங்கும்
நிறுவனத்தை பதிவுசெய்த 30 நாட்களுக்குள் முதன்முதலான இயக்குநர்களின் குழுக்கூட்டம் கூட்டப்படவேண்டும்
பதிவுசெய்த 30 நாட்களுக்குள் இயக்குநர்களின் குழுவால் நிறுவனத்திற்கான தணிக்கையாளரை நியமனம்செய்திடவேண்டும்
இயக்குநர்களின்குழுவில் உள்ள ஒவ்வொரு இயக்குநரின் தகுதி அந்த நிறுவனத்தின் செயல்பாடுகளில் அவர்களின் ஈடுபாடு போன்ற விவரங்களை முதன்முதலான இயக்குநர்களின் குழுக்கூட்டத்தில அறிவிப்பு செய்து அதனை MBP-1 , DIR-8 ஆகிய படிவங்களின் வாயிலாக நிறுமங்களின் வி்வாகாரத்துறை அமைச்சகத்தில் சமர்ப்பித்திடவேண்டும்
பதிவுசெய்த 30 நாட்களுக்குள் அந்நிறுவனத்தின் பெயரில் ஏதேனும் ஒருவணிக வங்கியில் நடப்புகணக்கு ஒன்று துவங்கிடவேண்டும்
அவ்வாறான நிறுவனத்தின் பெயரில் இருக்கும் நடப்பு கணக்கில் அந்நிறுவனத்தினை துவங்குவதற்காக பதிவுசெய்து கொண்ட பங்கு முதலீட்டாளர்கள் அனைவரும் தாம் ஏற்றுகொண்ட முதலீட்டு தொகை அனைத்தையும் 60 நாட்களுக்குள் செலுத்திடவேண்டும்
அவ்வாறு முதலீட்டாளர்களால் செலுத்திடும் பங்குத்தொகைக்கான பங்கு சான்றிதழை பங்குதாரர் ஒவ்வொருவருக்கும் அந்நிறுமத்தினை பதிவுசெய்த 60 நாட்களுக்குள் வழங்கவேண்டும்
அவ்வாறு பங்குசான்றிதழ் வழங்கிடும்போது அதற்கானமுத்திரை கட்டணத்தினை அரசிற்கு 30 நாட்களுக்குள் செலுத்திடவேண்டும்
தொடர்ந்து படிவம் எண் Inc 20A வாயிலாக நிறுவனத்தை பதிவுசெய்த180 நாட்களுக்குள் அந்நிறுவனமானது தம்முடைய வியாபார நடவடிக்கைகளை துவங்கிவிட்டதற்கானஅறிவிப்பு ஒன்றினை செய்திடவேண்டும்
அந்நிறுமத்தின் முதன்முதலான பொதுப்பேரவை கூட்டத்தினை அந்நிறுமம் துவங்கிய முதலாம் ஆண்டு முடிந்த 9 மாதத்திற்குள் கூட்டவேண்டும் அதன்பிறகு ஒவ்வொரு ஆண்டிலும் பொதுப்பேரவை கூட்டத்தினைகூட்டவேண்டும்
நிறுமத்தின் அளவிற்கு ஏற்ப ஒவ்வொரு காலண்டர் ஆண்டிலும் குறைந்தபட்சம் நான்கு இயக்குநர்களின் குழுக்கூட்டம் ஒருபொதுப்பேரவை கூட்டம் கண்டிப்பாக கூட்டுவதை கடைபிடிக்கவேண்டும்
பொதுப்பேரவை கூட்டம் முடிந்த 30 நாட்களுக்குள் AOC-4எனும் படிவத்தையும் நிதிநிலை அறிக்கையை 60நாட்களுக்குள் MGT-7 எனும் படிவத்தையும் நிறுமங்களின் விவகாரத்துறை அமைச்சகத்தி்ல் சமர்ப்பித்திடவேண்டும்
மேலும் நிறுமங்களின் சட்டம் 2013 இல் குறி்ப்பிட்டவாறான சட்டப்படியான பதிவேடுகளையும் ஆவணங்களையும் கண்டிப்பாக பராமரித்திடவேண்டும்
நிறுவனத்திற்கென தனியான stamp, common seal ஆகியவற்றை உருவாக்கி பராமரித்திடவேண்டு்ம்
அவ்வாறே நிறுமத்திற்கென தனியான பதிவுஅலுவலகத்தை கண்டிப்பாக பராமரித்திட வேண்டும் மேலும் அப்பதிவுஅலுவலகத்தில் அந்நிறுமத்தின் பெயரில்letter heads, Memorandum & Articles of Association of Company, ஆகியவற்றை அச்சிட்டு வைத்து கொள்ளவேண்டும்
கருத்துகள் இல்லை:
கருத்துரையிடுக