தற்போது வியாபார நிறுவனங்களில்உற்பத்தி செய்யப்படும் பொருட்கள் அனைத்தும் அதன் பயனாளிகளுக்கு கொண்டு சேர்ப்பதற்காக இடையில் பல்வேறு பொருள் போக்குவரத்தாளர்களை பயன்படுத்தி கொள்ளப்படுகின்றது அவ்வாறான பொருள்போக்குவரத்தினை செயல்படுத்துபவர் சாலைவழிபோக்குவரத்து, தொடர்வண்டி போக்குவரத்து, விமானத்தின் வழி போக்குவரத்து, கப்பல் வழி போக்கு வரத்து என ஒன்றிற்கு மேற்பட்ட பல்வேறுவழிமுறைகளை பின்பற்றி பொருட்களை உற்பத்தியாளர்களிடமிருந்து பயன்பாட்டாளர்களுக்கு உள்நாட்டிற்குள் அல்லது நாடுகளுக்கு இடையேகொண்டு சென்று சேர்த்திடும் முகவர் பணியாற்றிடும் நிறுவனத்தினை பல்லடுக்கு போக்குவரத்து இயக்குபவர் (Multi modal transport operator) என அழைக்கப்படுவார் இவ்வாறான ஒன்றிற்குமேற்பட்ட வழிமுறைகளில் பொருட்களை கொண்டுசெல்லும் பணியாற்றுகின்ற பல்லடுக்கு போக்குவரத்து இயக்குபவர்கள் அனைவரும் Multimodal Transportation of Goods Act, 1993 எனும் சட்டத்தின் கீழ் கண்டிப்பாக பதிவுசெய்து கொள்ளவேண்டும் இந்த சட்டத்தின் படி பதிவுசெய்து கொள்ள ஒரு நிறுமமாக அல்லது கூட்டாண்மை நிறுவனமாக அல்லது தனிநபர் நிறுமமாக இருக்கவேண்டும் ஆண்டு வருமானம் ரூ.50 இலட்சத்திற்கு மேல் அல்லது பங்கு முதலீட்டு தொகை ரூ.50 இலட்சத்திற்கு மேல் இருக்கவேண்டும் இரு வெவ்வேறு முகவர்கள் வெவ்வேறு இடங்களில் அல்லது வெவ்வேறு நாடுகளில் இந்த பல்லடுக்கு பொருள் போக்குவரத்து கையாளும் பணிக்காக ஒப்பந்தம் செய்துகொண்டிருக்கவேண்டும் ஆகியவையே அடிப்படை நிபந்தனைகளாகும் இவ்வாறு பதிவுசெய்வதற்கு தேவையான ஆவணங்களாக கடந்தமூன்றாண்டுகளில் ஈட்டப்பட்டவருமான சான்றிதழும் பங்குமுதலீட்டின் சான்றிதழும் பட்டயகணக்கரின் கையொப்பத்துடன் இருக்க-வேண்டும் மேலும் கடந்த மூன்றாண்டுகளில் சமர்ப்பித்த நிறுவனத்தின் வருமான வரிபடிவங்களின் முதல் பக்கங்களின் நகலை சமர்ப்பிக்கவேண்டும் கடந்த மூன்றாண்டுகளின் நிறுவனத்தின் தணிக்கை சான்றிதழ்கள், பல்லடுக்கு பொருள் போக்குவரத்து கையாளும் பணிக்கான முகவர்களாக ஏற்படுத்தி கொண்ட ஒப்பந்த நகல், நிறுமமாக அல்லது கூட்டாண்மை நிறுமமாக பதிவுசெய்து கொண்ட பதிவுசான்றிதழ், முதன்மைஆவணம் , நிறுமத்தின் இயக்குநர்கள் அல்லது கூட்டாளிகள் ஆகியோர்களின் இந்திய முகவரிகளுடனான விவரங்கள் , பல்லடுக்கு பொருள் போக்குவரத்து கையாளும் பணிக்கான அங்கீகரிக்கப்பட்ட அலுவலர்களின் பெயர்பட்டியல் இந்தMTD பணியை செயல்படுத்திடுவதற்கான பொறுப்பேற்பு கடிதம் நிறுவனத்தின் முத்திரைத்தாளில் பொறுப்பு அலுவலரின் கையொப்பம் ஆகிய ஆவணங்கள் தேவையாகும்
மேலே கூறிய நிபந்தனைகளும் ஆவணங்களும் தயாராகவும் சரியாகவும் இருந்தால் www.digishipping.gov.in எனும் இணையதளபக்கத்திற்கு செல்க அங்கு E-Governance எனும் தாவியின் திரைக்கு செல்க அதன் இடதுபுறத்தில் MTO Registration (New License) என்பதை தெரிவுசெய்து கொள்க தொடர்ந்து MTO Registration Form எனும் படிவத்திற்கான பொத்தானை தெரிவுசெய்து சொடுக்குக இதில் ஏழு தாவி-பொத்தான்கள் உள்ளன அவைகளை ஒவ்வான்றாக சொடுக்குதல் செய்தவுடன் விரியும் திரையில் தேவையானவிவரங்களை உள்ளீடு செய்து கொள்க
இவ்வாறான அனைத்து விவரங்களும் உள்ளீடுசெய்து முடித்தவுடன் Registration Fees எனும் பொத்தானை சொடுக்குதல் செய்து தேவையானகட்டணத்தினை இணையவங்கி கணக்கின் வாயிலாக செலுத்திடுக அனைத்தும் சரியாக இருக்கின்றது எனில் Generate Application Number எனும் பொத்தானை தெரிவுசெய்து சொடுக்குக உடன் நமக்கான விண்ணப்ப எண் ஒன்றுஉருவாகி திரையில் தோன்றிடும் அதனை தொடர்ந்து மேலேகூறிய அனைத்து ஆவணங்களையும் ஒவ்வான்றாக பதிவேற்றம் செய்திடுக இவையனைத்தும் வெற்றிகரமாக முடிந்தபின்னர் தொடர்புடைய அலுவலகத்தில் இவைகளை சரிபார்த்து MTO பதிவுசான்றிதழை மூன்றாண்டுகளுக்கு வழங்கிடுவார்கள் இவ்வாறு MTO ஆக பதிவுசான்றிதழ் கிடைக்கப்பெற்ற 30 நாட்களுக்குள் இதனை ஏற்றுகொண்டதற்கான சான்றிதழ் காப்பீட்டு சான்றிதழ் நிறுவனத்தின் பதிவுஎண் ,பெயர், முகவரி, மின்னஞ்சல் முகவரி, தொலைபேசி எண் போன்ற விவரங்களடங்கிய மாதிரி படிவத்தினை சமர்ப்பிக்கவேண்டும்
கருத்துகள் இல்லை:
கருத்துரையிடுக